موضوع على الطاير ، لأن باقي على محاضرتي نص ساعه
انا أستغرب بس من بعض الأعضاء الله لا يضرهم
ماشاء الله عليه تقول مسوي معسكر في المنتدى
ادخل الصبح القاه
ادخل العصر القاه
ادخل الليل بعد القاه
حتى صار المنتدى شغله الشاغل ولا يفكر إلا فيه
تجيه امه تقول قم يا وليدي يكفي نوم
يرد عليها وهو نايم
أضف رد اضف رد
تقول امه عسى ما شر وش فيك
يرد للرفع للرفع للرفع للرفع
ومعدل المشاركات 22 في اليوم
فيه عضو حبيب وهو حلاة المنتدى مسجل بعد ما سجلت في المنتدى ب8 شهور ( تقريبا )
والحين مشاركاته واصله 2000
ما شاء الله عليه علشان ما تقولون نحته
وشلون ما ادري ن
ودي أشوف فاتورة تليفونه هذا
انا مقفله معي هاليومين جتني فاتورة التليفون 1500
والمشكلة اني ما أستخدمه إلا نترنت
والله قهر احد يسلفني أسدد الفاتوره ( مطفــــــــــــر بقوه وش الله حاده على النت )
نرجع للموضوع
سؤالي ( ادري هو غبي شوي ) وشلون تكثرون مشاركاتكم
لي أكثر من سنه ولا تعديت 700
يمكن تحسبون أني مسجل في أكثر من منتدى
كل اللي مسجل فيه 3 فقطططططط
