مساعدة : أي واحد عند خبرة في شراء الأنمي عن طريق النت يساعدني ؟!!

[Mr.VEGA]

مرحبا شباب ..
سؤال بسيط لأي شخص له خبرة بسيط في شراء أفلام الأنمي عنت طريق النت ..
أنا عملت طلبية من (( الأمازون )) و من ضمن الطلبية Ghost in the Shell و أكيد الكل عارف غلاف الفيلم .. السؤال بتعدي من الجمارك ولا لا ?:

رغم إني ما رح أتذى كثير من الموضوع بس حاب أختصر السالفة من البداية

[Ryoga Hibiki]

إذا أتمسك عليك قول لأمازون إنه ما وصلك ، فحيرسلولك واحد تاني ببلاش ، و احتمال كبير مايتمسك الثاني لأن حقون الجمارك خلاص شافوا الفلم ما يبغوا يشوفوه مرة ثانية :6

[Mr.VEGA]

مشكور حبيبي على الرد الحلو هذا
طبعا أكيد أنا عرف الكلام هذا بس زي ما قلت إني أبي أختصر المعمعه هذي
على العموم خير و بركة إنهم شافوه قبل كذا ( من قدم الفيلم :6 ) بس أهم شيء مو على حسابي

[weiss_girl]

(ههههههه) ذكرتني بالي سويناه انا واختى ،هي تحب Ghost in the Shell وعايزه تطلبه (ومن نفس الموقع amazon.com ) فقالت انها بتطلبه بس (يازعم عشان البريد مايفتشونه) طلبت من الموقع ان يغلفونه ويعملوه هدية وكتبت على البطاقه (happy birthday to my sis....) وطبعا البريد فتشوه ماخلوه (كل ممنوع مرغوب) ولين شافوا الغلاف!!!(امحق من هديه)طبعا خذوه وأختي المسكينه عبالها ان خطتها نجحت وتنطر وطبعا لم يصل بس عقب مره ثانيه لين بنطلب طلبنا ديفيات وهي قالت يلا خلنا نجرب نطلبه(try again) والحمد لله ماخذوه (بس مايصير كذا صارلي هالشي اكثر من مره مره خذوا knight hunter الجزء الاخير وvideo girl ai وعقب طلبته مره ثانيه وماخذوه يعني شنو فلوسنا تروح كذا على الفاضي (الحين انا طالبه ai yori aoshi vol.2+dna^2 vol.2+mahromatic2+3) وخذوهم طبعا خلاص ما اقدر استحمل فلوسي تروح كذا لذا قلت اذا باشتري باشتري انيم من البحرين في محل في مجمع السيف يبيع انيم........
وشكرا لطرحك هذا الموضوع

[Mr.VEGA]

مشكور أختي على الرد ..
على العموم أمازون يعطي الزبون إلي يواجه في بلده جمارك ( رزله ) إنه يرجع فلوسة أو يطلب مرة ثانية

[Wind-Of-Love]

غريبه ولامره طلبت شي وتفتش الا مره وحده وكانت لأنها تطرشت بالبريد العادي لكن شركات الشحن الي يوصلهم مايتفتش مثل الــ UPS والـ Aramex والـ DHL


وعموما ترافي بعض المواقع تقدر تغيرلك الغلاف وتحطه في غلاف توم اند جيري

ولافي حل ثاني لاتطلبه نسخه اصلية , روح موقع من المواقع الي تبيع نسخ صينيه وراح تلاقيه وبالانجليزي وغلافه مختلف وبسعر اقل ( 17 عصفور بحجر واحد)



مع تحياتي

[wolf-man]

حبايبي عندي سؤال

شكله هالموقع عجيب ورخيص

بغيت طريقة الطلب عن طريقه

اذا بغيت اطلب سلام دنك و دراغون بول زد

فارجو انكم تعطوني فكره عن كيفية طلبهما واسعارهما

خصوصا اني في قطر

تحياتي
أخوكم Wolf-man

[weiss_girl]

على العموم أمازون يعطي الزبون إلي يواجه في بلده جمارك ( رزله ) إنه يرجع فلوسة أو يطلب مرة ثانية

انا ماكنت ادري عن هذا الشي اذكر انهم كاتبين انهم مايتحملون مسؤوليه ضياع الطلبيه في البريد لان اذا ضاع هذا معناته انك ماعطهم عنوان غلط ......بروح موقعهم وبقراء مره ثانيه(شكرا)

[Mr.VEGA]

مشكور شباب على الردود ..

Wind-Of-Love
أنا لو كنت أعرف ما كان سألت .. و إن شاء الله أتبع نصيحتك ..

wolf-man
روح قسم الـDVD و أكيد الأعضاء الكرام هناك بيفيدوك كثير ( مثل ما حصل معي ;-) ) ..

weiss_girl
هذي أحد أهم الأسباب إلي خلاني أغامر و أشتري عن طريق النت .. على العموم تأكدي و عطينا خبر

[weiss_girl]

ابي اسأل سؤال كيف اختار طريقه توصيل الطلبيه ب DHL علما بأن اغلب الطلبيات يرسلونها بالبريد وساعات مادري شنو يطرى عليهم يطرشونه وعلى حسابهم ب DHL حتى اني حاولت ان ان اوصل السعر لسعر الطلب اللي ارسلوه ب DHL يمكن يطرشونه بنفس الطريقه وفشلت طرشوه بالبريد العادي فكيف الحل؟؟؟؟؟؟؟؟

[weiss_girl]

اقصد في كلامي عن موقع www.amazon.com

[Ryoga Hibiki]

weiss_girl
لمن تجي تسوي check out في ثلاث خيارات للشحن (بطيء،وسط,سريع) و يكون المؤشر على البطيء ، فلازم تضغطي على السريع ( priorty 3-7 days ) و حيرسلولك هو عن طريق DHL و يدوكي traking number تقدري تعرفي به فين بضاعتك بالضبط.
بس DHL غالي لكن يوصل في 4 أيام غالباً و مضمون أكثر من غيره .

[weiss_girl]

Thank's Ryoga Hibiki :-)