ميمتي مســـافره... وبأعزم الشبـــه
راس معســـــل...وشاهي نصبــــه..
وننقم فصفص...حبــــه...حبــــه.
وجلسة بلووت...وأحلى لعبــه..
ونتعشى مندي...وشوية كبــه..
هذي كلمات إغنيه جديده...راح تنزل السوق قريباً بصوتي الرنان..إحم إحم
وبأعرضها على كل القنوات الفضائيه..المرئيه منها والمسموعه
من مولدي ...إلى مزيكا..مروراً..بـ (ناجم) >>لا تتذيهنون..ادري إنها نغم..
...وتحتها صورتي وانا متلطم..
وأرجوا إن ما احد يمنعني ادري إني متهور بهذا الشي..بس الله يلوم اللي يلومني..من شاف الأغاني الجديده غسل يده والله...والا بالله وش أحسن كلمات..؟؟ كلمات إغنيتي والا كلمات إغنيه إمي مسافره..على الأقل كلماتي وطنيه شوي..وما تحمل أفكار صهيونيه...مثل ما تحمله إغنيه إمي مسافره..
لا وبعد يغلطون علي انا شخصياً..وعلى عملي..يقوم يقولون..(والا الكهربه تعمل أفله) يعني وش قصده؟..قصده إن خدمه شركة الكهرب سيئه؟؟؟ :vereymad: >>يدرس بشركة بالكهرب خخخخ
مثل ما قلت لكم يا أخواني..الإغنيه تحمل أفكار هدامه..
.وحنا >>حنا والا خضاب؟؟
وحنا..لازم نحاول سعودة الطرب..على غرار سوق الخضره..
... :vereymad:
والله ما عاد فيه طرب...حنا يالله تحملنا البلوشي وعصام عارف...والا ذكرى اللي كأنها قاعده تهاوشك وهي تغني... ?: عشان يجوننا الشباب المكنتحين هذولا...مايكي..وخويه الثاني..محمووود..
لا تنسون المطه اللي في محمووود..هذي أهم شي..الثالث نسيته والله..عموماً..مثل ما يقول المثل..
(كبها وخذ إختها... قال الله يقلعها ويقلع إختها)
يعني الطيور على أشكالها تقع..
والله الواحد ما صار يدري وين يودي وجهه امام الدول الثانيه..حتى بنقلادش صاروا ينقدون علينا..
من الفنانين اللي عندنا...
والهنود اللي كنا نضحك عليهم..الحين وصلوا للعالميه..شوفوا بنجابي ابو هنود...
مهبل بالعالم كلهم..
وصايره أغانيه تدور حول الكره الأرضيه..
او إذا حاولنا نترفع عن عصام عارف..وخويه الثاني..
ونجي لفناين..المفروض يكونون كبار..مثل محمد عبده..والا خالد عبد الرحمن..
نلقى حتىهم يجيبون العيد...
مثلاً..محمد عبده..له إغنيه بسهرة العيد..من اولها إلى آخرها..وهو معلق على..
(يااااااا لااال..ياالالااااال...يا لااااال...يا لالاااااااااااال...)
وبعدين..بآخر الإنيه يقول..(أقلقني الطرق)
قلقااان الأخ...
بزعمه الحين فرجها بالبيت الأخير ذا...
الصبرررررررر يا رب الصبررررررررر
اما خالد عبد الرحمن..فحدث ولا حرج...
من بعد إغنيه...
بو صالح سرى ليله ...وانا غاسلن يدي...
بأعطيكم بيت واحد...من الإغنيه..عشان تحسون بالمعاناة اللي حنا فيها...
يا راكب وارد بهوان... غيرك ما شراه إنسان
صبولي من الفنجال...صافي من عسل جردال..
ولا تسألوني وش معنى الكلام اللي بطحته فوق..لإني ما ادري..
لكن قولوا معي..الصبرررررر يا رب
وانا من بعد ما شفت المهزله اللي قايمه هذي..قررت ولن أتراجع عن أداء إغنيه..(ميمتي مسافره)
ولا تحاولون تردوني عن قراري.... :زعلان: اروووجكم..
ولا ابي أحد يحلف علي ..لإنه.. بيصوم ثلاث ايام..
شكرا على حسن الإصغاء..من جنابكم..
ملاحظة: :# اللي عنده القدره يحتويني فنياً قبل لا اطلع إلى النور..فلا مانع.. :#
ترا إنت الكسبان.. :0) ..وانا ما راح اخسر شي..
لإني من غير شر..منبطح بالساحة الفنيه منبطح
مع تحيات..
الفنان.توتي لطمه.. :7: