اول مقابة بعد عقد القران
العريس خالد والعروس نوف في منزل والد نوف
خالد : مبروك يانوف واخيرا تحقق حلمنا طولنا عمرنا ..
نوف : ماترد علية مستحية .( على ان لسانها اطول من شعرها)
خالد : باقي على زواجنا 28 يوم و8 ساعات و 30 دقيه و 14 ثانية
نوف : كنها 28 سنه مو يوم...
خالد : تصدقين اني احس ان اليوم اول يوم لي في الحياة .
نوف : بسم الله عليك ...انت الدنيا وكل شجوني .
===============================
صباحية ثالث يوم... جناح في فندق هيلتون بالقاهرة الساعة 11 صباحاَ
خالد يطلب اثنين قهوة بعد الفطور ....
خالد: تفضلي ياعمري احلى قهوة لأحلى عروس...
نوف : يوووووه يا خالد لا تخجلني بكلامك ترى والله استحي..
خالد : اذا ما دلعتك ادلع مين يا امي وابوي انتي .
نوف : الله لايخليني منك يا بعد اهلي .
===============================
بعد شهر واول يوم لدوام خالد وكلية نوف..
نوف : خاااالد قوووم يالله بتتأخر على العمل وبتأخر انا على الكلية.
خالد : لحظة ياماما انوووم شوي بس .
نوف تجهز القهوة لخالد وهو على السرير.
نوف : حبيبي خاااالد يالله اشرب قهوتك طيب .
خالد : وينك من زمان يانوف.. امي وهي امي ماتجيب لي موية الا اذا غصيت بس.
===============================
بعد 5 شهور وعند الصباح احد الأيام
نوف: قم خويلد يالله بتأخر على الكلية ..هذا السهر والأستراحات الله يقطعها.
خالد : فارقي عن وجهي ..الله واكبر يا الدكتوراة تنتظرك .
نوف : اوووف . اوف ...كل يوم متأخرة انت ماتحس انت وشو .
خالد : انا غبي اني تزوجت يا زين العزوبية .
نوف : ولا انا كني بموت عليك عاد . احمد ربك اني وافقت اتزوجك .
خالد : الا انتي اللي احمدي ربك لقيتي سواق وبنك يلبي طلباتك .
===============================
وبعد مرور شهور اوقد تكون سنين
فارس الأحلام ......يصبح ..........ثور حقيقي
فتاة الأحلام.........تصبح..............عنز مملة
زوج وزوجة........................شغالة وسواق
الحب والرومانسية............زعل وتطنيش ونفس شينة
المجاملات......................تجريح وتهزيء
الخميس والجمعة........هو في الأستراحة وهي عند اهلها
وتسير الحياة والأم تشتكي للأطفالها والزوج مصيرة الأستراحات او السفر
منقول
المشاركة الأصلية كتبت بواسطة DE NILSON
....... 
