• 0
  • مالي خلق
  • أتهاوش
  • متضايق
  • مريض
  • مستانس
  • مستغرب
  • مشتط
  • أسولف
  • مغرم
  • معصب
  • منحرج
  • آكل
  • ابكي
  • ارقص
  • اصلي
  • استهبل
  • اضحك
  • اضحك  2
  • تعجبني
  • بضبطلك
  • رايق
  • زعلان
  • عبقري
  • نايم
  • طبيعي
  • كشخة
  • صفحة 1 من 7 123456 ... الأخيرةالأخيرة
    النتائج 1 إلى 15 من 95

    الموضوع: شـــــــبــــــــــاب الرياض

    1. #1
      التسجيل
      02-01-2001
      المشاركات
      442
      المواضيع
      19
      شكر / اعجاب مشاركة

      Post شـــــــــــــــــــــــــــبــــــــــــــــــــاب الرياض

      --------------------------------------------------------------------------------
      >بيان من منظمه قابليني وأقابلك
      >
      >لوحظ في الأعوام السابقة استخدام طرق بدائية ومتخلفة وهمجية من قبل شبابنا
      >وشاباتنا في مجال المغازلة وانخفاض معدل الترقيم عن المستوى الطبيعي
      >وانخفاض قيمة فواتير الهاتف عن ما كانت عليه في الميزانية للعام السابق كل هذه
      >العوامل ادت إلى توجيه إنذار شديد اللهجة من منظمة قابليني وأقابلك
      >المتحدة
      >
      >يحتوى على تهديد بالشطب من لائحة الدول المتقدمة في هذا المجال
      >
      >
      >ونتيجة لذلك عقدت مؤتمرات دوليه لمحاولة تفادي هذه المشكلة وإيجاد حلول
      >ناجعة وسهله الدهن
      >
      >وتم استضافه عده شخصيات هامه -ةمن عرابجة وحنشل
      >
      >وخبراء في مجال الدواره في الاسواق
      >
      >ومتخصصين في اساليب الترقيم
      >
      >وكذلك عدّائي المسافات الطويله للاستفاده من خبراتهم في مجال الهروب من
      >هيئه الامر بالمعروف والنهي عن المنكر
      >
      >وبعد اجتماعات مطوله وبدون تغطيه اعلاميه حيث وضعت مصائد خاصه للصحفيين
      >للحيلوله دون وصولهم الى مقر الاجتماعات وبعد نقاشات حاميه تم اصدار البيان
      >التالي
      >
      >
      >أيها الشاب الداج …أيها الشاب المستدلخ الى متى وأنت تستخدم الأساليب
      >القديمة …إلى متى؟؟
      >
      >الى متى وانت مفشلنا قدام اوروبا والدول المتقدمة؟؟
      >
      >آن الأوان الآن لكي تصبح شابا يواكب التطور التكنولوجي ويواكب الثورة
      >المعلوماتية .. يا ثور
      >
      >كل شئ تطور واصبح بطرق سريعه وديناميكية. والمغازلة وأساليبها تطورت أيضا
      >.. مع الخيل يا شقراء
      >
      >ونظرا لتدني مستواك فقد قمنا بوضع بعض الخطوات لك تضعك على الطريق الصحيح
      >لكي تصبح مغزلجيا محترفا ….عليك اتباعها حرفيا ولا تحيد عنها قيد أنمله ..
      >(( ما طحت على كلمه أنمله إلا بعد الموت ))..وفي حاله مخالفتك للاوامر فكل
      >تبن وانثبر وأترك غيرك يلقط رزقه
      >
      >
      >
      >ما يجب عليك فعله قبل ان تتوجة الى المقناص
      >
      >
      >- تروح للحلاق
      >
      >مهوب أي حلاق من الهنود اللي يحلقونك بخمسه ريال…روح للحلاقين الغاليين
      >ابو عشرين وخمسه وعشرين ريال من هاللبنانيين ولا الأتراك
      >
      >
      >أول شئ خلهم يصنفرون وجهك بليفه مطبخ انت وحب الشاب اللي مالي وجهك
      >
      >
      >ثم يضبطون الشنب على شكل رقم ثمانيه,,,لامانع من بعض احمر البراطم الخفيف
      >وبعض من المكياج - تراها الموضه قسما بالله
      >
      >واذا الدقن مهوب مضبوط خله يفغص لك سكسوكه باي شكل
      >
      >
      >- تلبس لك ثوب من هذا اللي يتعطف بسرعه
      >
      >والله مدري وش اسم القماش …..الظاهر اسمه تترون….!!؟
      >
      >ولا زم يكون ضيق شوي…يعني مرسوم على جسمك
      >
      >عقال مقاس 52 سنتيمتر مكعب
      >
      >شماغ ملكي صابين عليه علبتين نشاء حق الكوي …علشان تضبط الكشخه وعندك
      >خيارين يا ان الشماغ يكون بمرزام او بدون مرزام…اللي يصلح لك.. ما يمديك تتصل
      >بصديق
      >
      >
      >شوف لا تكون قديم وتكتب اسمك في ورقه قاطعها من بكت دخان ولا فاتوره
      >تلفون.. واكب العصر يالووح
      >
      >روح واطبع لك كم كرت عليه صوره قلب احمر ولا منظر غروب الشمس عليه اسمك -
      >اسمك الفني طبعا وجوالك - شوف رقم جوالك مهوب رقم البيت…تراى
      >علمتك..ولامانع من بيت شعر كذا على ذوقك - يبين انك رومانسي
      >
      >
      >- صب على عمرك قاروره عطر…واذا كنت مستعجل ولا امداك تحط عطر…ملطف الجو
      >يقضي بالغرض .
      >
      >
      >- علم واحد من اخوياك يدهرك اتصالات وانت في السوق ..يعني لزوم الكشخه
      >والـvip
      >
      >
      >اياني واياك تروح للسوق على الكورلا حقت
      >
      >انت تبي تفضحنا..؟؟
      >
      >رح لواحد من اخوياك عيال النعمه وخذ سيارته وياحبذا لو تكون ..كامري -
      >واحد اقصى طموحة كامري
      >
      >لالالا تصدق…. شف لك شبح ولا كابرس اللي لا يمكن ان نعيش بدونه
      >
      >
      >ما يجب عليك فعلة وانت داخل محميّة الصيد - السوق يعني
      >
      >
      >خلك ثقيل وبيّن للي حولك انك على نياتك …يعني سو فيها عبيط…لاتثير الشكوك
      >حول نفسك تقعد تطالع في اللي رايحه واللي جايه ..اسفطهم كلهم
      >
      >
      >- رح لاي محل يبيع حاجات رخيصه (( ادري انك مطفر )) واشتر لك شئ وحطه في
      >كيس..يعننك تتقضى…لزوم الهيئه اذا طبوا عليك
      >
      >
      >- خلك ماسك الجوال في يدك ..بحيث يكون ظاهرا للعيان (( ذبحتنا هالمظاهر
      > ))واذا معك سماعه حطها في اذانك.واقعد بربس حتى لو ما فيه احد يكلمك
      >
      >
      >اجلس وزع ابتسامات هنا وهناك . اللي تعرفه واللي ماتعرفه
      >
      >وزع.. وزع.. لا تبخل على احد واذا شفت لك طفل امطخه على جبهته ببوسه ((
      >هذا يدل على انك بركان من الحنان )). واذا مالقيت طفل من هالحمران اقرب طفل
      >تكروني يقضي اللزوم -كخخخخخخخخخخخخخ
      >
      >
      >- اياني واياك تطفى زقارتك
      >
      >ابي اشوف الدخنه في كل مكان ابي اجراس الحريق شغاله.
      >
      >ولاهوب أي نوع من التتن فيه انواع رايقه مثل دنهل ولاّ دوفيدوف
      >
      >المارلبورو موضه قديمه وفيه انواع بالنعناع والقرفه- الله يقرفك
      >
      >
      >- عندما تشاهد الفريسه انشب في حلقها..ولاتخليها تغيب عن عينك دقيقه واذا
      >حسيت انك بتضيعها ركز على لون الشنطه او لون الجزمه
      >
      >
      >- في حاله وجود وحوش مفترسه اخرى تزاحمك على الفريسه توجه الى اقرب
      >سيكيورتي
      >
      >
      >- اذا لم تعطيك الفريسه وجه , لا تستسلم استخدم جميع طرق قطه الوجه
      >والملحجة حتى لو ضربتك بجزمتها على راسك فيجب عليك ان تعطيها خدك لكي تطبع عليه
      >ماركه الجزمه- بهذه الطريقه تعرف الفريسه انك راعي نفس طوييل ولا منك فكّه
      >
      >
      >- اذا رفضت الفريسه ان تأخذ الرقم ما عليك إلا ان تحشر الرقم بين القراطيس
      >اللي في يدها ثم اطلق ساقيك للريح
      >
      >
      >ما يجب عليك فعلة بعد ان قمت بالجربعه - يجربع يعني
      >
      >
      >اخرج فورا من السوق بلا تردد او انتظار وسنتر عند التلفون اربع وعشرين
      >ساعة - يالوح أنا ماقلت لك لا ترقم بتلفون البيت…. قلت لك الجوال
      >
      >
      >بيان موجه الى الشابات الداجات
      >
      >
      >ايتها الفتاه الداجه
      >
      >عليك بوضع خمسه لتر من اقوى العطور ذات الروائح الشفّاطه -من شفط ..يشفط
      >..فهو شفاط
      >
      >ولبس العباءه المخصره التي تبرز مفاتنك
      >
      >ووضع خمار اسود شفاف جدا بحيث يستطيع من يطالع فيك ان يعرف العدسات اللي
      >انتي مركبتها اخضر فاتح ولا غامق ..!!! يا كاثرين ريتا جونز
      >
      >وضع كل ماتطاله يداك من المكياج على خشتك بأي لون اخضر …احمر… برتقالي….
      >طحلبي أي شئ..اهم شئ ماتكونين ابيض واسود
      >
      >
      >ننصحك بعلك ابو سهم وعليك بعلكه بطريقه تظهر صوتا ولا مانع من ان تنفخي لك
      >نفيخه لكي تنفجر بصوت مسموع وذلك يعني - نحن هنا….لاحظونا.
      >
      >
      >تمنع الشباشب والاحذيه الماسحه ..الكعب الكعب الكعب ..ولن ارضى بغير الكعب
      >بديلا
      >
      >
      >عليك بتسبيل عينيك (( جعلها العمى )) كل ماطالع فيك شاب داج مثلك
      >
      >
      >ثم اديري له ظهرك .. اشكل يعني
      >
      >
      >وبين الفينه والفينه عطيه نظره خطافيه على السريع لكي يعلم انك معه على
      >الخط
      >
      >
      >ثم شحططيه وراك في جميع ارجاء السوق
      >
      >
      >في حاله عدم اعجابك بمن يطاردونك
      >
      >
      >شوفي لك اقرب ليموزين وانقلعي لمحميه أخرى
      >


      ____________________________________________________




      ياسكوال انا حبيت اوريك تفكير شباب الرياض الي انت من ضمنهم







      ولا تقعد تتفلسف علي وتقول كلام قراوى ولا عيال متوسط


      الكلام هذا وصلني بالايميل قبل كم يوم وحبيت اوريكم اياه




      ((((((((((((((((((((((((((((((((( بضف عفشي قبل لا يجوون عيال الرياض ويمصعون رقبتي ))))))))))))))))))))))))))))))))))))





      يالله سلالالالالالالالالالالالام

    2. #2
      التسجيل
      25-09-2000
      الدولة
      USA
      المشاركات
      1,788
      المواضيع
      488
      شكر / اعجاب مشاركة
      ههههههههههههههههههه:
      الحمدلله انا بالاردن
      .....................................
      ههههههههههههههههه
      هوهوهوهوهوهوهوهو
      هاهاهاهاهاهاهاههاههاهاه

    3. #3
      التسجيل
      02-01-2001
      المشاركات
      442
      المواضيع
      19
      شكر / اعجاب مشاركة
      شلون يعني لازم يغازلون :غضب: :غضب:


      مايتركون بنات الناس بحالهم

    4. #4
      التسجيل
      19-04-2001
      الدولة
      الـــشــر الظهران قــيــه
      المشاركات
      2,419
      المواضيع
      125
      شكر / اعجاب مشاركة
      والله انك قوطي يا هولي

    5. #5
      التسجيل
      09-11-2000
      الدولة
      الرياض السعودية
      المشاركات
      3,277
      المواضيع
      70
      شكر / اعجاب مشاركة

      Cool

      مثل ما قال ديجيتال عوايل وبسسسسسسسسسسسسسس

      مره من المرات ضفيت المبزردهورحت اوديهم للملاهي (fun) ....>>>( ياهوووه تطورنا عرفنا عنجليزي) المهم لما جيت ادخل طردوني قالوا عوايل بس....قل والي معي قال مبزره ما ينفع لازم وحده كبيره معهم لابسه بشت عبايه

      بالعربي اذا كنت تبي تغازل مالك الا حل واحد وهو انك تجيب شغالتكم معك وتذبها في السوق وانت تاخذ راحتك ذاك الوقت
      اظحك للدنيا.....تظحك لك

      حــطــيــتك فــي بــالـي .. وأشـغـلـت بــك حــالــي ,,, إيــلــيــن أنــا أصــبــح فــي قــلــبــك الــغــالــي


      لا اقـول انــا الافـضـل....بـل اجـعـلك تـقـولـهـا

    6. #6
      التسجيل
      09-06-2001
      المشاركات
      4,255
      المواضيع
      163
      شكر / اعجاب مشاركة

      Wink

      الرياض ماتنفع رح للبحرين وونس نفسك

    7. #7
      التسجيل
      06-03-2001
      المشاركات
      899
      المواضيع
      16
      شكر / اعجاب مشاركة
      حتي البحرين يوم واحد وراح يمل مافية الا (السيف)
      تعال (دبي) (اذا كان فيك خير غازل وحدة اذا كانت اول مرة راح تكتب تعهد عند الشرطة واذا تكررت ثاني يوم صورتك في الجريدة (جريدة الخليج))

    8. #8
      التسجيل
      14-01-2001
      الدولة
      بين سوق الحريم و سوق المقاصيص
      المشاركات
      1,943
      المواضيع
      90
      شكر / اعجاب مشاركة
      بالكويت المغازل على كيف كيفك

    9. #9
      التسجيل
      06-03-2001
      المشاركات
      899
      المواضيع
      16
      شكر / اعجاب مشاركة
      كتب العضو (sora)
      بالكويت المغازل على كيف كيفك
      وبالاخص سوق شرق و طعم فدركرز.(علي ما اظن)
      التعديل الأخير تم بواسطة Dextar ; 09-07-2001 الساعة 11:37 PM

    10. #10
      التسجيل
      14-01-2001
      الدولة
      بين سوق الحريم و سوق المقاصيص
      المشاركات
      1,943
      المواضيع
      90
      شكر / اعجاب مشاركة
      قصدك سوق شرق .. بس الثاني ما أعرفه

      و عندك بعد الفنار و بلازا

      بس أكثر شي سوق شرق

    11. #11
      التسجيل
      02-01-2001
      المشاركات
      442
      المواضيع
      19
      شكر / اعجاب مشاركة
      اكثر الاماكن بالسعوديه مشهوره بالمغازل هي الرياض



      هذا والاماكن كلها للعوائل ؟؟ اجل لاصارت للعزاب والعوايل وش بيصير

    12. #12
      التسجيل
      14-01-2001
      الدولة
      بين سوق الحريم و سوق المقاصيص
      المشاركات
      1,943
      المواضيع
      90
      شكر / اعجاب مشاركة
      أحنا ما عندنا مجمع للعوائل بس.. غير واحد

    13. #13
      التسجيل
      02-01-2001
      المشاركات
      442
      المواضيع
      19
      شكر / اعجاب مشاركة
      سورا انتي قاعده تسووين دعايه لاسواقكم ولا شلون؟؟

    14. #14
      التسجيل
      14-01-2001
      الدولة
      بين سوق الحريم و سوق المقاصيص
      المشاركات
      1,943
      المواضيع
      90
      شكر / اعجاب مشاركة
      هذا جزاي إني اتصف بالإنتماء للوطن و حبه (( لا واضح ))

    15. #15
      التسجيل
      06-03-2001
      المشاركات
      899
      المواضيع
      16
      شكر / اعجاب مشاركة
      اصلا اذا كان فية مجمعات للعزاب مراح تلقين ولا واحد فية.

    صفحة 1 من 7 123456 ... الأخيرةالأخيرة

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •