هلوسة ..

[عماد 18]

في البداية و كما هي العادة ..
كيف الحال ؟؟
طبعا توقيت نشر الموضوع يعجبكم ..
اخر يوم رسمي للاجازة ..
هالعطلة بالنسبة لي كانت اكثر العطل الي حسيت اني فعلا استغليتها من مدة طويلة ..
و بما اننا خلاص بنبدا نداوم من بكرة ..
حبيت افضفض شوي ..
بداية ببرامج التلفزيون ..
قبل فترة قدر الله علي و اضطريت اني اتابع التلفزيون لمدة اسبوع كامل ..
ما كان عندي بلايستيشن و الانترنت كان بعيد المنال ..
تعرفت على اخر التطورات عفوا اقصد السخافات اللي وصل لها اعلامنا العربي ..
بداية بسي بي ام مرورا برزان مخرطي و انتهاءا عند سوبر ستار ..
طبعا النقطة الثانية و الثالثة تناولها الناس كثير ..
لكن سي بي ام ..
اعتقد محد قد تكلم عنه ..
انا كنت اسمع فيه ..
و مريت عليه اكثر من مرة ..
لكن ما قد جلست اطالعه من اوله لاخره - و ان شاء الله ما راح تتكرر- ..
يعني ثقل طينة ..
على مصالة ..
على قلة حيا ..
و فوق هذا ..
معهم فايز المالكي ..
بصراحة مستغرب شلون يشارك بهالبرنامج !!
طبعا كله كوم ..
و المقطع الاخباري حقهم الظريف كوم ثاني ..
اللبناني الي مسوي خالع و الشينة الي مسوية موت !!
و الله ما اكذب عليكم ..
اني انا و عيال عمي كنا نجتمع في العطل - ايام المراهقة 13-14 سنة- و نسجل على شريط على اننا اذاعة اخبار بنفس الفكرة ..
لكن على الاقل كنا خفيفين دم فعلا موب ماصلين مثل هالاشكال :icon6: ..
على فكرة ..
انمي فروت باسكت شين ..
ما ادري من الي عاجبه هالقصة المبالغ فيها ..
في فرق بين الخيال ..
و المبالغة :eviltongu ..
نرجع لمحور حديثنا ..
خدامتنا كانت مسافرة من اول العطلة ..
طبعا انا ما جلست في البيت طول العطلة لذا بصراحة ما دريت الا لما رجعت ..
و من بكرة لقيت اخوي جايبها من المطار ..
المهم ..
الاخت في الله بعد اسبوع من رجعتها لقيتها رازة لي عطر ..
نسائي ..
اسمه ..
Far Away ..
نو كومنت ..
في نهاية حديثي ..
حبيت اسأل سؤال بصراحة ما زال محيرني ..

معكم سلف ؟؟

[ODIN]

هلا عماد .. ولهنا عليك يبغالنا ننتظر للصيفيه الجايه ..

لا تصدق ترى الشرقيه صارت بارده والثلوج نزلت يوم رحت ..


المهم

على طاري سي بي ام .. مم مدري فيه ثقاله دم .. بس الي عجبني فيه قطاتهم على بوش وطخته .. صح انها ماصله بس زين لقينا احد يتكلم عليهم حتى لو بالصورة ذي !!

اقسم بالله تحس العرق العربي ينبض عند اي واحد يشوفه .. يقول ما يخافون ذولي ؟

احنا مكبوتين ومب متعوديين نشوف كذا بعكس الشعور الغربيه الي ماخذها راحتها طنازه على حكامها ..

وعلى طاري السلف :icon11: الله ياخذك قل امين .. مفلس حدي الله يصبرنا لاخر الشهر باقي 18 يوم .. ( اعدهم من زود القحط )

[الاشعاع]

موضوع رايق من جد

بخصوص سي بي أم

هذا برنامج مكرر أو بالاصح نسخه لبرنامج منع في لبنان اللي كان يقدم على الال بي سي

يعني جرأت التهكم في الحكومة ومحاولة حكي جزأ من الواقع بس المشكلة في نقلهم
يعني كامل حتى الاسلوب بس زادزا جمهور على المسرح؟؟؟؟؟؟؟؟؟
الانحطاط نفسه يعني بنت تتلوى كانها حية وأغاني ثقالة بالحيل

البرنامج فكرة بس أما تطبيق صراحة سيء

بخصوص السلف
كان ودي لكن بقي مبلغ بسيط أبي أنزل مكة أعتمر على الاقل ننهي الاجازة بشي فالح
وكمان نستعد لأخر سنة دراسية قلبل الوظيفة المصونة

تشكرات عماد

[The Noble]

حنا بخير الحمد للله قاعد اكلمك بالمسينجر

ياخي الدوام ولا علي منه ولا كانه في شي عادي أصلا جامعتي مافيها دوام

وبرنامج سي بي ام مرات يضحك وبالذات يلي قاله أودن لما يعلقون على بوش وأمريكا أما الباقي سخيف ..


وسوبر ستار لا تعليق عليه سخافة لأبعد حد...


أما السلف فاظن انك غلطان بالعنوان

[عماد 18]

اودين
من قال اني رحت بكيفي ..
اكتشفت ان الفلبيني الي في المقهى الي جلسنا فيه هذاك اليوم ..
مبلغ عني ..
اما سي بي ام ..
ذباتهم على بوش عادية ..
شعبان عبدالرحيم يذب احسن منهم ..
و بخصوص السلف ..
متوقع هالاجابة مقدما من كل الاعضاء اصلا عشان كذا اقول محيرني من زمان :mad22: ..

الاشعاع
هالشي معروف ..
اقصد التقليد ..
من متى و اعلامنا اصلا يجيب شي من عنده ؟؟
و بخصوص السلف ..
العمرة اكيد احسن ..

بوب
سوبر ستار حاقة تانية من جد ..
و اما السلف ..
فانا فاقد الامل فيكم ..

[memy]

على فكرة ..

انمي فروت باسكت شين ..
ما ادري من الي عاجبه هالقصة المبالغ فيها ..

فروت باسكت حلو يا دوب :eviltongu
بعدين هذا انيميشن طبيعي يكون كذا اجل تبيهم يخلونها واقعيه جدا ... يسون فلم ازين لهم

معكم سلف ؟؟

ايوا ... دقيقه ادور الصوره ..

ياربيه وين حطيتها

اذا لقيتها حطيتها

[~MâLâK~]

ههههههههههههاا .. عليك سوالف

اما سي بي ام .. ولاعمري فكرت اتابعه ..

كلما شفت ذاك اللبناني الدب هو وشعره لاعت تسبدي وفريته ..
وبرنامج سخيف وحق تهريج


باالنسبه لشغالتكم إذا تعرف تطبخ عطونا إياها كم يوم..
مير شغالات عمي إلي عندنا مايعرفن يطبخن وذع ..


على طاري السلف..
عندي اربع ريالات ..
تكفي :icon11: ؟!



وباالتوفيق إن شاء الله ..
وباالتوفيق لكل شخص في ثالث ثانوي
والله يعين الجميع ..













ياللهslaaaaaaaaaaaaaaaaaam

:

[memy]

وباالتوفيق إن شاء الله ..
وباالتوفيق لكل شخص في ثالث ثانوي
والله يعين الجميع ..

والله يوفق كل وحده اسمها ميمي

[Kubaj]

مرحبا ياخي عليك توقيت عجيب ..بالنسبة لي ماعمري فرقت بين الإجازة

والدراسة ..الا عندي الدراسة احسن لأن فيها الدوري الإيطالي ودوري رابطة الأبطال

الأوروبي والفلة ذي كلها ..

وأفتك من القلق ايام الدراسة ..يعني يصيرون الناس مشغولين بدراستهم المزعومة

وأعيش حياتي الخاصة ..

والتلفزيون ماعمري عطيته وجه ..الا اذا جت مباراة افكورس ..

والحالة المادية تكح من زمان

[The Noble]

والله يوفق كل وحده اسمها ميمي

خخخ انت ثالث بعد كم بنت بالمنتدى ثالث ثانوي لحد الحين احصائياتي تقول 4 هههههه الله يوفقكم جميع ..

[~MâLâK~]

خخخ انت ثالث بعد كم بنت بالمنتدى ثالث ثانوي لحد الحين احصائياتي تقول 4 هههههه الله يوفقكم جميع ..

لاع ماهي بثالث ..

ميمو عجوز <=== بتنجلد
بس اهلها محجرين لها









ياللهslaaaaaaaaaaaaaaaaam

[memy]

خخخ انت ثالث بعد كم بنت بالمنتدى ثالث ثانوي لحد الحين احصائياتي تقول 4 هههههه الله يوفقكم جميع ..

ثالث اجل؟؟

انا ثاني جامعه

ميمو عجوز <=== بتنجلد

عجوز يا الظالمه .. انا اكبر منك بـ 4 شهور :mad22:

[The Noble]

لاع ماهي بثالث ..

ميمو عجوز <=== بتنجلد
بس اهلها محجرين لها
ياللهslaaaaaaaaaaaaaaaaam

وأنا استغربت لن شكلها عجوز فعلا :icon6:
توبة


ملاك الحين بسألك سؤال بعد اذن صاحب الموضوع كلمة saaaaaaaaaaaaalm دايما نفس عدد الحروف بكل الردود <=== هذا يلي شاغله

[Kubaj]

فروت باسكت حلو ..انت من هو الشين ..

[The Noble]

ثالث اجل؟؟

انا ثاني جامعه



عجوز يا الظالمه .. انا اكبر منك بـ 4 شهور :mad22:

ههههههههه



اذا انت عجوز أنا مخرف ومنتهية صلاحيتي أجل