هذا احلى علاج لملل للبنات الفاضيات ماعندهم لاشغلة ولا مشغلة :
- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض اول..منها راح تمشين وقتك ومنها راح تجددون علاقتكم...
- اطلعي الحوش ولا السطح وافرشيلك فرشة وانسدحي على ظهرك وتاملي النجوم واسترخييييييي وتاملي
-قصي اطراف شعرك..كل مازهقتي روحي عند المراية وقصي الاطراف(بس شوي شوي منها) .. شكلكم بتصلعون على هالحالة
-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا صوت شخير الوالد وسجلوا صوت الهواشات وكل شيء..
-روحوا السوبر ماركت وامسكوا العربية ودوروا فيها وصقعوا بخلق الله وقولوا :اووه آسفة مادريت
-تحدوا انفسكم تقعدون نص ساعة كاملة بدون ماتتكلمون مع اي احد او تفتحون فمكم..نص ساعة طبعا بوجود الجميع (مااحد يقدر يسويها)
-امسكي منشفة وفكي الشبابيك ونظفيهم
-اقروا مجلة اطفال (ميكي وماجد) والله توسع الصدر
-البسي ملابس رجال ثوب وغترة وجننى اهلك !! ممممممممممممم
-افتحي نوتة التلفونات واختاري ارقام من العائلة ودقي عليهم وسوي حركة صلة رحم..
-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس الثقيلين الدم ..
-روحوا مواقع بطاقات وكاردات وارسلوا لصديقاتكم .. ههههههههه
-الفي مسجات جوال ونكات ماسنجر..خذي مجلات فواصل وديوان ابو يزيد وطلعي منه ابيات شعر تصلح نكااات للماسنجر واكتبيها بورقة..
-ادخلي غرفتك وحطي مكياج كاامل كانك رايحة لعرس ولطخي وجهك تلطخ وتصوري ..حركة صح؟كخخخخخ
-امسكي دفتر تلوين اطفال واقعدي لوني ...كخخخ
-اذا زهقتي افتحي دولاب ملابسك واقعدي قيسي ملابسك
-روحي المطبخ سوي كيكة (هذا وجهي اذا احد اكلها) اكيد راح تكون محروقه
هههههههههههههههههههههههههه
-سوي ايميل جديد واقعدي العبي على اللي تعرفينهم ..
-تعلموا لغة غريبة..مثلا كلمات معنية باحد اللغات واقعدوا اكشخوا فيهم وتفلسفوا فيهم
-اركبي السيارة وهي بالقراج وكانك تسوقين
-اطعلي وانزلي الدرج عشرين مرة ..منها تنحفين ومنها تتسلين..
-خذي مجلات قديمة واقعدي قصقصي صور ولزقيها بلوحة (بتطلع المواااااهب)
-اطلعوا حوشكم ..والعبي كورة.
- اذا العايلة متجمعين على مسلسل ولا شئ في التلفزيون روحي طفي التلفزيون بعدين افتحيه
وشغليه بعد كذا افتحيه وخلي العايلة تمووووووووووت من القهر
- اذا مثلاً شفتي مظهر مضحك لأخوك لاختك لامك صوري المنظر وخليها تشوفه عشان تكفخك ...... ولاتنسين علقيه في غرفتك بالشمال الشرقي من سريرك
- اذا ملقيتي لك شغلة روحي خذي لك كل الاحجار ((بطارية))اللي للأجهزة وروحي لساعة الجدار اللي ببيتكم وخربيها بيجون اهلك يقولون يووووووووه خربت الساعة سوي نفسك وازعطي ووريهم شطارتك
وقولي انا عندي حجر تبون ؟؟ أكيد كلهم بيهزون روسهم
بعدين يقولون في قلوبهم يقولون بنتنا هذي تحتفظ بكل شئ ماشالله عليها ويصيرون بيعتمدون عليك بكل شئ <<<<<<<ولا بنت تقدر تسويها هههههه
- اذا قال لك ابوك او امك او اي احد من عيلتكم سوي لي شاي قولي طيب وسوي له شاي يلوع الكبد مو زين وبعدين بيعتمدون على اختك الثانيه ..... ,>>>>يعني بكذا ورطتيها حراااااام
ان شا الله ساعتكن
