هذا الموضوع .. كوكتيل منوع..
.............
هذا حسن كراني.. يحييكم.. ويبارك لنادي الإتحاد (العميد) فوزه ببطولة كاس خادم الحرمين الشريفين .. اووووووووووووه يا اتي ياموج البحر(السالفة هذي صدق)
لأول مرة فى الرياض.. تكون الفصول ثلاثة.. فبعد إن كانت تقتصر على الصيف والشتاء..طوال العام.. نلاحظ هذه الأيام.. دخول فصل الخريف..
والذي يتزامن معه.. تطاير الشمغ .. والعقل.. (للكبار فقط)..
وكذلك تلزق الثياب.. مما يؤدي إلى مناظر حلوة عند البعض ومقرفة عند البعض الآخر
لذا يرجى الإنتباه.. والمشى بحذر وتلفت..
كما ننبه العصلان .. بان يجلبوا خلفهم البوديقاردية.. عشان إذا عصف الجو.. ورجعوا على ورى مايطيرون.. يصدمون.. فى عضلات
كما نوصي بوضع الكمامات.. على الخشوم.. تجنباً لحالة الغبااار العارمة..
على طريقة عمال البلدية.. رافعين شعاار..(كلنا بنقلاديشية)
مع تمناياتنا لكم.. بقضاء أجمل الأوقات واحلاها فى ربوع جده غير والعروض كاش وببلاش(خرف)
.............................
تشهد الرياض هذه الأيام.. تغير فى أجوائهاا..
فظهرات لنا الرياض .. وخصوصاً فى العصرية وعند شروق الشمس(لاحظ الوصف)
كما لو كانت مدينة الضباب
واللى يبغى يتاكد يشوف الفيصلية والمملكة خصوصاً فى هالوقت..
مثل مدينة الضباب باريس.. وتشوف الضباب على علو كبير.. كبرج ايفل..
لكن الفرق إنك بباريس تشوف.. ناااس صاحين وحمام حولك.. وبحيرات.. واتكيت..
لكن حنا يالله إن تخلف..تربااان..وبزارين تمشى حافيه.. وثياب وسخة لو تعفطه انشق من الوسخ..
وتشوف بزران يرجمون نعالهم على اللموزين.. ويعبون البلوناات موية وهاتك رجم<...خبرة
.......................
فى اول ايام الدراسة وبالجامعة تحديداً.. تحولت الجامعة إلى مصر (ام الدنيا)!!..
زحمة كبيرة.. تطلع من البيت مشوارك العادي للجامعة 10 دقايز.. لكن فى اول يوم قعدت بدون مبالغة ساعة إلا دقايق..
هذا غير المواقف اللى ممتلية .. وغير اللى توقف بالغلط وتسكر الطريق.. وغير اللى تصدمك من ورى.. وتقول معليش !!(حصلت معي)..
وإذا حصلت موقف فى قلعة بليس.. تمشى تروح للجامعة.. وهاتك يافرامل وتاشير للعالم تكفون وقفواا ابي امر بس
ولا احد يعبرك.. وشف عاد الحوادث فى الطريق... على افاا من يشيل..
وتوك بتدخل الكلية.. إلا يتجمع عليك مليون واحد.. (ياخوي وين كلية اللغات والترجمه.؟!! من هناا..
يجيك الثاني.. بالله وين كلية الهندسة..
ثم يخش فى عينك واحد.. يالحبيب موب هذي جامعة الإمام
ياخي ابلشوناا هالمستجدين المبزرة..<.... يعنني كبير
وإذا دخلت شف الناااس متجمعين .. على إعلانااات .. المشكلة فاضية...
وواحد يقول لخويه.. (يووووه الجداول حقت المستجدين فى المحكمة الفورية.. ويطلع من الجامعة..شكله راح للمحكمة.. لا ويبي يصير جامعي!!
وعاااد شف اخويااااك.. كل شوي مسلم على واحد .. :shakehand
والمشكلة نصهم.. ما اعرفهم.. والنص الثاني ناسي اساميهم...لا ومندمج مع سواليفهم..
ويوم رحت آخذ جدولي.. واشوف طابور طووووويل.. فكرت وش اسوي وشلون اخلص بسرعة..
والقالي خوطة جهنمية على قولة (lena)
وهو المساقط.. عاد خبركم.. خويكم قصير.. المهمة ليست مستحيلة.. <... يسمع بتوم كروز..
والله كلها ست دقائق إلا وانا قدااام.. ونصهم يناظروني.. يقولون ذا توناا شايفينه.. يسال وين الجداول!! خخخخخخخخخخ
وإلا استلملك جدول .. اطول مني..
وكلها فيها تعارض.. ولا ساعتين فراغ فى النص.. ولا دوام ساعة الصبح.. وساعة العصر!! (متقصديني)..<... يعنني مهم..
واطلع وانا عيني فى أرض وسط نظرات صاخبة.. وهي النحشة
وواجلس ساعة عشااان ادور السيارة.. ونااسي رقم اللوحة.. وكل شوي اتمقل بسياارت نفس سيارتي.. هذي .. لا موهذي .. هذي لا موهذي..واحد منهم يحسبني بسرق سيارته.. إلين لقيتهاا..
واركب سيارتي.. وادز البيت.. واعطيها ذيك النومه .. ماصحيت إلا واهلى يقولون يالله قم ود اخواتك المدرسة :drive:
................
وانتهت الحتوته.. اسف على الإطالة .. لا عادي خذ راحتك
..
