The Voices of a Distant Stars

[Tidus]

بسم الله الرحمن الرحيم ...

واحد من الانيميز اللي شفته بالفتره الاخيره و حبيت اكتب موضوع عنه لانه فعلا عجبني ... و اتمنى ينال الموضوع إعجابكم ^______^

* اربع ردود غير هالرد و بيكتمل الموضوع ... الرجاء عدم كتابة اي رد لحد ما يكتمل *

[Tidus]

... How can the love of two young people , torn apart by war , survive ...
?
... To what distance would you go ... for your one , true love ...
?

Informations :

Title : The Voices of a Distant Stars / Hoshi no Koe
Genre : Drama / Mecha / Romance / Science-Fiction
Category : OVA
Length : 30 Minutes - 75 Including Bonus Material
Language : Bilingual - Japanese w/ English Subtitles and English Dubbed
Year Published : 2002

Production team :

Director : Makoto Shinkai
Producer : Yoshihiro Haiwara
Music : Tenmon
Voice Casting : Toshiki Kameyama
Sound Design : Kiyoshi Okabe
Sound Effects : Pastral Sound
Sound Recording : Youji Nishimura

... When a mysterious alien force begins their annihilation of the human race ...

... a young pilot feels called to join the resistance ...

Summary :

Hoshi no koe او Voices of a distant star و اللي للحين ما لقيت اي طريقه ممكن اوصف فيها هالانيمي !! ما قد مر علي شي مشبع بالاحساس من بدايته لنهايته مثل هالانيمي ... و مع العلم انه مجرد اقل من 30 دقيقه ! لكن لقيت بهالانيمي الشي اللي انوصف و انعرض بطريقه تعجز فيها المسلسلات الطويله اللي من 26 او اكثر من 100 حلقه عن وصفه ... من دون اي مبالغه هالمسلسل صاحب ال 30 دقيقه اللي دمج الرسم بالبعد الثنائي و الثلاثي بنفس الوقت و بطريقه فضلتها فيه اكثر من غيره ... صراحه كنت قبل معجب بتصاميم Vandread و دمجه بين البعد الثلاثي و الثنائي بنفس الوقت لكن ما اظن كان بهالقوه !! قريت باحد المواقع ان هالعمل كله كان ثمرة انتاج بعد تعب من قبل شخص واحد بس ! Makoto Shinkai ... الرسم الثنائي و الثلاثي لكن اختيار الاصوات و المؤثرات هم الشي الوحيد اللي اعتمد عليه بغيره ... الواحد يتعجب لما يشوف شي مثل هذا و هو عارف ان هالعمل وراه شخص واحد بس ... بيكون هالشي واضح من بساطة الرسوم ( و اللي اشوفها قويه مع ذلك ! ) بتتعجب و انت تشاهد هالانيمي و انت تقول : معقوله شخص واحد ورى كل هذا ؟ ...

فكرة القصه حيل قويه ... مع انها رومانسيه يمكن مكرره ... لكن ما اظن مكرره و هي تواجه كل هالمصاعب ! تحكي شلون الإحساس الخالص ممكن يلقى طريقه و واصل دربه على الرغم من بعد المسافات اللي ممكن تكون أبديه مرات ... هالشي بيكون مجسد بالانيمي عن طريق الرسايل بالموبيل ... قصة حبيبين افترقو عن بعض و المسافات اللي بينهم صارت تقاس بالسنين الضوئيه ... بالبدايه الرسايل كانت تاخذ اربع دقايق على ما توصل ... و بسبب تباعدهم عن بعض اكثر و اكثر صارت تاخذ يوم , اسبوع , شهر , نص سنه حتى !!! بسبب كبر المسافه بين ااااااخر الكواكب بالمجموعه الشمسيه ( بلوتو ) و كوكب الارض ... هالشي ما بيكون غريب لو شفت شلون هالرسايل بتاخذ فترة 8 سنين على ما توصل !!! ... بتكون المسافات من مجموعه لمجموعه فلكيه ... اعتقد ان Shinkai يحاول يوضح بعمله هذا ان الأحاسيس الصافيه و الخالده اللي يكنها الناس لبعضهم ممكن تبقى و تستمر حتى و لو واجهة مصاعب ... مثل الحروب و تباعد المسافات و هالشي بيكون واضح بكل لحظه تمر بهالانيمي .

Review :

بمرور السنين و الوقت كان لا يزال الاعتقاد بانه البشر هم الجنس الوحيد المتواجد بكوكب الارض دارج ... و هم اصحاب الوجود المهيمن بهالكون كله من دون اي سيطره عليهم من قبل مخلوقات ثانيه او اي تسلط او تجبر ممكن ياثر على خلافتهم و تواجدهم بالارض ... و مع تقدم العلم و خاصه بسنه 2039 عرف البشر شقد هالاعتقاد كان خاطئ و شقد الحقيقه مره و تشكل خطر على تواجدهم بهالكون ... حيث اكتشفو وجود فصيله من جنس مجهول و غريب سموه بال Tarsians و ظهر ظهور قوي بسبب المشاكل و الحروب و الانفجارات اللي حدثت على مستوى كوني و هائل بشكل كبير بمجرد سبب وجوده !! و بفترة ال 2048 جمعت الارض اعداد كبيره من الجنود و الموارد العسكريه بهدف الرد على الهجمات اللي سببتها ال Tarsians باحد قواعد القوات العسكريه بكوكب المشتري ...

Noboru Terao و Mikako Nagamine انهو امتحاناتهم النهائيه و بهالفتره كانو مشغولين بتخطيط مستقبلهم و بنائه مع بعض ... و اتفق هالزوج بانهم بيدخلون نفس المدرسه العليا مع بعض و يواصلون الدراسه ... ما كان لمجرد قضاء فتره عمر و تعدي لكن بسبب رغبة الاثنين بانهم و بكل بساطه ... يبقون مع بعض ... و لسوء حظ هالزوج كانت فتره مشوشه بسبب أمواج الحرب اللي تآمرت عليهم بانها تفرقهم عن بعض و تمزق كل رابطه قد ربطتهم بالسابق بطول المسافات اللي بتصير بينهم ...

أختيرت Mikako للخدمه في الأسطول الانتقامي التابع للامم المتحده و قدر لها بانها تطارد ال Tarsians و مقاتلتهم لآخر الكون ... و بجهاز موبيل بخدمة ال Short text messages الكونيه و اللي تسافر لمسافات سنين ضوئيه ... بيكون اتصالهم ميسور ... لكن مع تباعد و كبر ضخامة المسافات , هل بيبقى حب هالشخصين لبعض مقاوم و مواصل ؟ و الوقت و المكان يشدهم للابعد و الابعد ؟ .

[Tidus]

Character :

مدة الحلقه الوحيده لهالعمل ماهي الا اقل من 30 دقيقه حتى ... و تركز بشكل اساسي على شخصيتين بس .


Mikako Nagamine :

Mikako انولدت سنة 2032 في شهر فبراير و كانت اقرب شخص و صديق لزميلها Noboru ... كانت متفوقه بالدراسه و جميع نشاطاتها العلميه و الرياضيه بنفس الوقت مثل ال Kendo ... و بعمر ال 15 سنه اختيرت للانضمام للجيش التابع للامم المتحده للانتقام من جنس ال Tarsians اللي شن هجوم قوي و مفاجأ على الحمله العسكريه بكوكب المريخ ... و تعمل كطيارة المركبه الحربيه الآليه Lysithea ... و اكيد شي صار بعدم رضاها الكلي بسبب رغبتها بانها تبقى مع Noboru بكوكب الارض ... و كون ان هالشي كان من احد احلامها ... و هو انها تكون مقاتله على مركبه ... الا انها ما فكرت بيوم ان هالحلم بيكون حقيقه و ما استوعبت شقد هالحلم ممكن يخلي حياتها مره .

Japanese Voice Actress : Sumi Muto
English Voice Actress : Cynthia Martinez



Noboru Terao :

Noboru اعز اصدقاء Mikako و زميلها بالمدرسه ... و كان هو صاحب فكرة دخولهم نفس المدرسه العليا و كان ناوي يدخل نفس النادي الرياضي المدرسي على اساس رغبته بانه يبقى معاها ... و عندما اختيرت Mikako بالخدمه العسكريه استنى Noboru بصبر عودتها و كان يعتمد على الرسايل بنقل اخبارها و يستناها بلهفه ... بسبب كبر و تباعد المسافات اللي بينهم ... فكان وصول رساله شي نادر و يفرح ... و ما كان عارف شقد كان يهتم لامرها الا بعد ما فقدها و راحت للحرب .

Japanese Voice Actor : Chihiro Suzuki
English Voice Actor : Adam Conlon



Pics :

[IMG]IMG]http://hoshinokoe.jeeran.com/5b.bmp.jpg[/IMG]




More ...

Original Sound Track

[Tidus]

Rating :

Story :

قصه رومانسيه و من النوع الحزين بنفس الوقت ... تركز بشكل اساسي على فراق Mikako عن Noboru وسط حالة البشر الصعبه بسبب الحرب اللي تشكل خطر كبير على تواجدهم ... و هل حبهم لبعض بيبقى رغم تباعد المسافات و طول الوقت و الزمان ؟ ... انا من بداية العرض و انا يدور براسي سؤال : بيتلاقون بالاخير ؟ ... و صدمتني النهايه !! اللي تعطي المشاهد حرية تكملت القصه سواء كان يعتقد انهم بالاخير على هالحال بيتلاقون و لا لا ... حبكه بالقصه حيل قويه و عبرت عن احاسيس عجزت مسلسلات كثيره عن التعبير عنها بمجرد 25 دقيقه .

5 / 5


Character development :

تطور الشخصيات بهالانيمي بيكون بمستوى عالي وواضح ... كل مشهد بيمر و يعرض حدث مهم و هالشي مو غريب لعمل مدته 25 دقيقه ... الاحداث بتتسارع و بشكل ملحوظ ... القصه بتمشي مع الشخصيات و بتتطور معاهم لاكثر من 10 او 15 سنه ... و بتشوف رغم التطورات اللي حاصله بيبقى احساسهم لبعض نفسه ... لو مو اكثر .

5 / 5


Art / Animation :

لما تشوف عمل مثل هذا و تغرس داخل بالك حقيقة ان صاحب هالعمل مجرد شخص واحد بتقدر العمل بالقدر اللي يستحقه ... بحيث انه دمج رسوم البعد الثنائي و الثلاثي بنفس الوقت ... بتلاحظ بساطة بالرسوم الثنائيه و دعم قوي من الرسوم الثلاثيه لها ... هذا مع دمج الاسلوبين بالرسم بمؤثرات قويه بتطلع المشاهد بشكل رائع فعلا ! الرسم الثلاثي انا اشوفه بهالانيمي اقوى من غيره ... لانه ستايل جديد من هالانواع بالرسم بحيث انه نفسه يدمج طبقه ثنائية البعد على مجسم ثلاثي ... هالستايل مشهور و معروف و اكثر من لعبه استخدمته من اشهرهم لعبة الآر بي جي Wild Arms .

5 / 5


Music :

الموسيقى من اهم عوامل نجاح الاعمال اللي من هالنوع ... و بهالانيمي الموسيقى تدعم المشاهد بشكل قوي ... موسيقى روعه و تعطي جو متوازن للصوت و الصوره ... و تعبر من حالها عن معنى المشهد ... سمعت اكثر من مقطوعه موسيقيه و اغنية عجبتني ... اكثر وحده اغنية Through the Years and Far Away ... في موقع ناشر ال Original Sound Track للإستماع ... و هذي قائمة ال Ost :

Hoshi no Koe OST :

1. Through the Years and Far Away
2. Introduction
3. Bus Stop's Rain
4. Mail from Mikako
5. Battle
6. Separation's sorrow
7. Noboru's Determination
8. Agarta's rain
9. Through the Years and Far Away (On Air Vs.)
10. Trailers 1
11. Trailers 2
12. BEGINNING menu DVD - OST version

5 / 5


Overall :

احاول على قد ما اقدر اني اكون بمكان بعيد عن التطرف و الرأي الشخصي عن شي ... بس صراحه عمل قوي مثل هذا لو كانت فيه درجات عاليه كنت بعطيه اعلى منها ! هالشي انذكر باكثر من موقع حاولت ابحث القى موقع يذمه او يسبه لكن الكل فضل هالانيمي و ذكرو ان العيب الوحيد قصر مدته ... و من يدري لو قصر هالمده هو احلى مافيه ^________^ بعطيه درجته الكامله كونه من ال Genre الرومانسي و الحزين ... و بنفس الوقت جمع ال Sci-Fic مع ال Mecha و ال Fantasy بشكل رهيب !! لو انت من محبين الاكشن بتلقى اللي يرضيك و لو من اللي يفضلون الرومانسيه بتلقى اللي بيعجبك .

20 / 20

[Tidus]

و كختام للموضوع ...

اتمنى ينال التقرير اعجابكم اخواني ... و ترى هالانيمي موجه لشريحه معينه من المشاهدين ... و هم اللي يفضلون ال Drama و ال Romance ... لكن ما يمنع انه يكسب انتباه مشاهدين يفضلون الاكشن ... هالعمل يبي اللي يقدر الجهود اللي انبذلت من شخص واحد عشان يطلعه بهالصوره الحلوه ...

... Please witness ...

... with all ur hearts ...

[NsaN]

راااائع اخوي

الصراحة تقرير جداً رااائع و يحمس الواحد

انا ما يعجبني هالنوع من الانيمي اللي يكون بالمستقبل و فيه اليات لكن تقريرك جداً حمسني و بفضله راح انزل هالانيمي ان شاء الله و اشوفه

يعطيك الف عافية

[Pan]

مشكور اخوي Tidus على التقرير الحلو و عرضك لها الأنمي إلي بالمناسبة شكله روعه!

ذكرتني الصور ب KareKano يمكن البطلة تشبهها...
بس القصة تختلف و لأنها تشبه قصة Saikano تقريبا...

بحاول أنزله! شكله حلو! و أموت على ال... Drama/Angst/Pessimistic أنمي!

Arigatou Gozaimas Nii-san ^-^

[weiss_girl]

اهلا اخوي تايدوس
شو هيدا الموضوع العجيب وخاصه عن انيم قوي
كثير من الناس اللي شاهدوه مدحوه وحبوه بس انا كنت احسبه عن آلات وفضاء ومستقبل فماحبيته بس قالوا ان القصه حلوه وحزينه واللي احبطني انه قصير بس معليه مادام حلو يستاهل
مشكور اخوي مرة ثانيه على الموضوع و إلى الأمام

[Tidus]

Magenta :

^___^ اشكرك فعلا اخوي على تواجدك المستمر ... و على فكره ! الطابع الرومانسي ماخذ حقه بهالعمل اكثر من الاكشن و الآليات و هالسوالف ... يعني بيعجبك حتى لو ما حبيت الاسلوبين ... لانه فيه جم حبة اكشن

و انشاء الله يكون عند حسن ضنك و يعجبك عاد ^^ و يعطيك العافيه على مرورك اخوي Magenta ما قصرت و الله

Pan :

انا اللي اشكرج اختي على الرد ^______^

و فعلا و انا اطالع هالعمل كنت افكر ب Saikano يمكن اثنينهم نفس الاسلوب لكن اظن Hoshi اكثر تراجيديه O_o ما اظن شدني سايكانو قد ما شدني هذا لان ...

و اكيد لو كان سايكونو من اللي تفضلينهم معناته هذا بينال اعجابج بلا شك ... بس استحملي قصر المده

و قولي Arigatou gouzaimasu Onei-san انا ولد

و مشكوره للمره الثانيه اختي ^^

weiss_girl :

يا هلا وايس ...

مشكوره عالرد و سعيد انه الموضوع عجبج ^_____^

اي الكلام عنه كثير و الله و الكل يمدحه و هذا اللي شجعني اشوفه و فعلا !! عجبني بمعنى الكلمه ... و مثل ما قلت ل Magenta ان اللي ما حبو ال Mecha راح يهضمون هالانيمي خاصه ... لانه يركز على ال Romance و ال Drama اكثر ^^

و يعطيج العافيه على المشاركه

[Pan]

Oops أسفه سوري اخوي أدري إتك ولد

كنت ياية بكتب Onii-san بس نسيت سوري متعوده على Nii-san

هيهي..خلاص...

Arigatou Gozaimas Onii-san

هيه شكله كوول حلو نفس سايكانو مع إنه قصير بس الثاني 13 حلقة يعني قصير بعد..

بس هاذا 30 دقيقة هههه..أحسن ينزل بسرعة!

Arigatou Gozaimas "Onii-san" once again

[Tidus]

و لا يهمج اختي ^_____^

ههههههههه اي نزل معاي بسرعه هذي حلاته

و Once again ...

dou itashimashite nii-san ^______^

[Anime-Girl]

ماشاء الله عليك ياتاديوس ..
من جد افتقدنا مواضيعك الرائعه ...وهالمسلسل قد سمعت عنه ..اتوقع احد الاعضاء كتب نبذه عنه
لو مو غلطانه الظاهر الين كتبت عنه شوي. ..

هالنوعيه رائعه وانا احب اتابعها ..الدرامي والعاطفي مره مشوق...وبالنسبه للي قلته ..
من جد شئ غريب ...يعني اوف رسائل تطول لسنه واكثر..

الواحد لو تأخرت عليه شوي ينجن شلون سنه ,من جد نعمه الان ...

اشكرك اخوي على التقرير الرائع ...واكيد راح ينتقل للمميزه ..لانه شيق

[kitten]

اخوي الصراحة الصراحة انت مو طبيعي

التقرير روووووعة و انا ما في احد يقدر يقنعني بسهوله اني انزل انمي
لكن بعد ما قريت التقرير الحييين راح انزله لان اسلوبك راااائع في الكتابه

مشكووور اخوي و كثر من مواضيعك لاني احب اقراهم
keep going

[OrOcHiMaRu SaMa]

السلام عليكم ورحمة الله وبركاته.............
كيف حالك اخوي تايدوس ان شاء الله تكون بخير وصحة ..........
مشاء الله عليك اخوي مشاري عندك اسلوب جميل في طرح التقارير الله يزيدك انت ما شاء الله عليك شديت حواسي كلها نحو الانمي هذا ان شاء الله اشاهده عما قريب الله يعطيك العافية اخوي على الموضوع الجميل .........
See You..........

[flarestar]

تهيء شكلة رومانسي يصيح


ابي اشوفه و الله شكله حلو مرة ..


سؤال لتيدوس الانمي يصيح او لا؟ (بليز قل انه يصيح )



والله تقرير رهيب..


هذا الكلام

How can the love of two young people , torn apart by war , survive ...
?
... To what distance would you go ... for your one , true love ...
?..

يوم قريته مدري ليش دمعت عيوني ..


مشكور تيدوس على التقرير المؤثر ^___^