ضروري ....لمنتداكم !!!!!!!

[C.Falcon]

السلام عليكم ....
التفاصيل هنا
بالمختصر ..... نبغى أيقونات للمنتديات الفرعية بمنتدى الرسم الحر ...
تكون بحجم 20 بيكسل عرض و 25 بيكسل طول ... مثل مال الفوتوشوب و الفلاش و الماكس

[Rex]

أقترح من العضوه تاجا أنها ترسم شيء ا!!
لأنها ما شاء الله أعمالها حلوه وخاصة بالأمور الدقيقة اللي مثل البيكسل !!

مثلا شكل لفرشاه راح يكون جميل!
أنا راح أحاول اسوي شيء ... لكن أفضل لو تاجا تتفنن شوي هني !

[Taja]

شكرا رفلكس
ممكن سؤال اخ فالكون انت تبي ايقونه لمنتدى الرسم بس ولا معاه منتدى الاتنمي والكومكس والمنوعات والجلريات والمسابقات
انشاء الله احاول احط شي

[C.Falcon]

براحتكم .... المهم لازم عشان المنتدى يصير شكله أحلى <=== مسخن شوي

[Taja]

هذي مجموعه سريعه بس سويتها عشان اجرب >>لان قياس 20 في 25 صعب
فقلت احطهم عشان تشوفون >>تفضلون رموز مثل الي فوق ولا رسمات مثل اللي تحت
الي على اليمين تحت هذي فكرت فيها لمنتدى الانمي والكومكس >>الي يمها بالوسط تحت عشان منتدى التعليم
الي يمها على اليسار لمنتدى الرسم الحر
واذا عندكم افكار قولولي عنها
لاني محتاره بالنسبه لمنتدى الجالاريات والمنوعات

[Taja]

ليش محد رد

[Rex]

شيء غريب والله
أظن كنت كاتب رد هني!!

لأن اللقطة اللي سويتيها عن قسم التعليم عجبتني لآخر درجة!! ولازم تنحط
وصورة العين تنفع لقسم قصص الكوميكس ..
أما الأيقونه اللي عشكل صورة فيها بطه ؟ , تنفع لقسم الجاليريات
ليش البطه بالذات

شو الترتيبات لحد الحين ...

[Taja]

شكرا رفلكس ^________________^
ما ادري ليش حطيت يمكن لاني وايد احب البط
عن اي ترتيبات ؟؟
________________
انا بسوي باجر رسومات ثانيه عشان تختارون

[Neo Cid]

رااااائع يا تاجا .. شغل مزبوط ..

بس لو تخلينها اكبر و بعدين تصغيرينها .. بيكون أحسن عشان نعرف عن شنو الصورة هذي ..

لأن البكسلية كلما كانت اصغر كلما تعقدنا معاها اكثر ..

المهم .. شغلج تمام .. و ننتظر المزيد ..

[shaheen]

حلو شغلج اختي تاجا
ماشاء الله عليج

ملاحظاتي كالتالي:
الصور جميلة ورائعة بس مثل ما قلتي انج تجربين الرسم في المساحة المعينة
انا في بالي ان كل شعار لكل منتدى في منتدى الرسم الحر يحتاج الى عنصر مشترك مثلا الفرشاة
يعني فرشاة الرسم ستكون في الايقونات الخاصة بمنتدى الرسم
وفي منتدى الجالاري نحتاج لشعار شكله وجه يعرض رسومات والفرشاة موجودة
ولمنتدى المانجا يمكن استعمال العين التي رسمتيها بالاضافة الى فرشاة
ولمنتدى تعليم الرسم نحتاج الى الفرشاة وكتاب مفتوح واذا امكن نرى كتابة الصفحات
ولمنتدى المنوعات فرشاة ووجه ضاحك يتكلم وفقاعة كلام بقربه او بداخلها الفرشاة

ارجو ان اعرف رد الجميع وشكرا جزيلا يا فالكون على هرض الموضوع وشكر خاص لتاجا لمجهودها الذي لن ينسى

[Taja]

شكرا استاذ شاهين الصراحه هذا شي بسيط جدا جدا جدا بالنسبه للي سويتوه حقي ومساعدتكم لي وتشجيعي
افكار رائعه استاذ
بس الفرشه صعبه شوي بس احاول واشوف
سويت اليوم رسمتين صغار من الافكار اللي عطيتني اياهم سوري كنت شوي مشغوله فماكملت الباجي

[C.Falcon]

تم تغير الأبعاد

شئ جميل فعلا

اذن سنحتاج الى ايقونه لكل منتدى فرعي في منتدى الرسم.. ماهو الحجم المطلوب؟

25 بيكسل العرض
25 بيكسل الارتفاع

شوف منتدى البلايستيشن.. نزلنا ايقونات لكامل المنتديات..

[Taja]

ممكن استفسر تبون الايقونات بصيغه GIF
تبون الخلفيه شفافه طبعا؟؟

[shaheen]

يكون احسن شفافة بالجي اي اف gif
وماشاء الله عليج يا فنانة البيكسل ^^
رسوماتج روعة وماعليها كلام
بس الفرشاة ضرورية وممكن تخلين شعر الفرشاة غليظ كأنها شخصية كاريكاتيرية
وخذي وقتج اختي واحنا عاذرينج في مثل هذع الايام الصعبة >_<

[C.Falcon]

ممكن استفسر تبون الايقونات بصيغه GIF
تبون الخلفيه شفافه طبعا؟؟

أكيد .....