مين جرب يلعب مع ثمان أشخاص في WE السابع ؟! أنا جربت و إليك بعض الأحداث التي حصلت ...
السلام عليكم و رحمة الله و بركاته ...
شباب مين فيكم جرب يلعب مع ثمان لاعبين في we السابع ؟!
أنا جربت، و اللعب طلع هبال ...
يعني تلعب عشان تضحك مو عشان تسجل أهداف عاد تشوفنا أنا و عيال عمي جالسين قدام التلفزيون (تخيلوا ثمنية نفر جالسين قدام شاشة وحدة)في استراحة عمي و كلنا في فريق واحد ضد الكمبيوتر ..
عاد تشوفنا إذا الكمبيوتر معاه الكورة كل الثمان اللاعبين يركضون وراه أقوم أقول و أنا فاقع ضحك شباب واحد يمسِّك اللاعب اللي هناك تشوفهم كلهم خلوا اللاعب الحاله ينفرد و راحوا يمسكون اللاعب اللي هناك الحاله عاد تشوفهم بعد ذي الحركة اللي منسدح على ظهره من الضحكو اللي يمسك بطنه و اللي يطامر عشان توقف الضحكة لا يموت علينا و اللي يسعبل و حاله ...
المهم كل هذي الأحداث و أعمامي يتفرجون علينا و هم يضحكون ...
شوي جا عمي يبي يلعب معنا و هو ما قد مسك يد السوني في حياتهلأنه يشوفنا نلعب و نضحك قام تحمّس وقال يبي يلعب ...
قام واحد من عيال عمي عطاه اليد حقته ...
جلس عمي يسألنا وين اللي يشوت وين اللي يرفع ...
المهم شرحنا له شرح سريع :دائرة: يرفع و يكسر :مربع: يشوت و يخلص من عند المرمى :x: يناول يقطع الكورة :مثلث: يناول بين لاعبي الدفاع ...
المهم بدا اللعب و عينك ما تشوف اللا النور ...:7:
كل ماجت الكورة مع عمي ضغط مربع و يشوت اللاعب الكورة بعييييييييييد و على هالحال طول المباراة نقول له ليه ما ناولت يقول ياخي ما أدري وين زر الإكس
و كان التعادل قائم بين الفريقين لأن الكمبيوتر ما يقدر يمشي بالكورة إللا و ثمان لاعبين وراه فما قدر يسجل و لا إحنا قدرنا نسجل لأن لعبنا ما هو متماسك ...
المهم على نهاية الشوط الثاني من المباراة في الدقائق الأخيرة 43 تقريباً ناولي ولد عمي الكورة من بين لاعبي الدفاع و ما طلعت تسلل و كانت هذيك أول إنفرادة تحصل من أول اللعب المهم أنا ما صدقت الكورة تجي معي إللا و أشوف ذا المنطلق جنبي من لاعبينا يوم أطالع الرقم إللي فوقه إللا و هو عمي منطلق جنب لاعبي عاد تشوف عيال عمي يصارخون يقولون لعمي روح يمين ..يمين .. و أنا مازلت منطلق و هو منطلق جنبي و يضحك :embarasse ما هو عارف كيف يوخر اللاعب اللي يتحكم به المهم أنا صرت قريب مرة من الحارس و قلت خلاص بشوتها أي كلام لأني ما عرفت أتصرف و عمي يركض جنبي ...
المهم و في آخر لحظة قبل ما أشوت في الزاوية البعيدة عن الحارس إنطلق عمي بعيد عن لاعبي جهت اليمين و أنا شت في نفس اللحظة المهم بدا التصوير بالبطيئ (زي الأفلام) هذي آخر فرصة ما عاد فيه هجمة بعدها و تسمع نبض القلوب من السكون اللي خيم علينا في انتظار مصير هذي الشوته دق دق .. دق دق .. دق دق ...
و نقز الحارس و ...
صدها ...
لكن ما مسكها ... :naughty2:
طارت الكورة في اتجاه عمي !!! :7:
قمنا كلنا نصرخ في نفس الوقت مربع .. مربع .. مربع ...
قام عمي يضغّط مربع ورا بعض ...
إحنا قلنا بس هذي قول بينقز لاعب عمي و يضربها بالراس ...
و لكن ما حدث لم يخطر ببال أحد ...
و عمي يضغّط على المربع ورا بعض قام دار لاعبه و نقز في الهوا و...
و شاتها دبل ...
قامت طارت الكورة في الزاوية البعيدة و دخلت المرمى و .....
قوووووووووووووووووول ...
هييييييييييييييييييييييييييييييييييييييييييه ...
عاد تشوفنا يوم سجل عمي الهدف نصارخ زي المهابيل عميييييييي عمييي هو هو ...
و انتهت المباراة أول ما سنتر الكمبوير و طبعاً خزنت الهدف ...
هذا الهدف الذي لا ينسى ...
هذي بعض الأحداث اللي سارت لنا و احنا نلعب WE السابع ...
فخلاصة القول اللي وده يستانس و يفقع ضحك يشري له هذي القطع ...
و بس ....
و إذا في أي أحد حصلت معاه أحداث غريبة أو مضحكة يا ليت يشاركنا فيها ...
المشاركة الأصلية كتبت بواسطة ابو صالح 2003
