الخيانه.....من يعرّف لي الخيانة **** ومن يوضح لي مواري الخاينين
ودي اعرف من قبل طرح الميانه **** ومن قبل ما يحسبونا عاشقيين
ومن قبل لا يشكي الواحد زمانه **** ومن قبل لا يظهر الهم الدفـــــين
ومن قبل ما ياخذ بقلبي مكانه **** ومن قبل ما ينحسب عندي ظنـــين
ومن قبل ما يسكن بقلبي حنانه **** ومن قبل ما يشعل بجوفي حنــين
ودي اعرف جاوبوني بالأمانه **** بيت واحد او ثلاثه واربعـــــــــــــين
او بدون ابيات ردٍ به رزانه **** او بحكمه قالها شـــــــــــــــــــيخٍ رزين
المهم إني أعيش بروض دانه **** غصنها اليانع إجابة ناصحيــــــــــين
عاش قلبي تجربه من قبل اوانه *** لا لقى ناصح ولا حظٍ يعـــــــــــــين
عاشها صادق وعاشق من كيانه *** وانقلب وجه الفرح وامســى حزين
نعنبوها مالها عندي ديانه *** بين حقد الكفر وضعف المسلمــــــــــــين
عفتها يوم الكفو يشنى الإهانه *** وبعتها يومي سليل الطيـــــــــــبين
والنهايه من يعرّف لي الخيانه *** ومن يوضح لي مواري الخاينيـــــــن
سلامتكم ..
تحياتي
