مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

**alamid** · 25-09-2003, 07:06 PM

السلام عليكم ..

كيف الحال والأحوال؟..

كيف المرة والعيال؟..

..

إن شاء الله بخير..

سوحقن للمكاتب..وللمدارس..وللمدرسين..وللطلاب..

..

يااخوان مو معقول..تدخل المكتبة وفي جيبك 1000ريال وتنزل منها وفجيبك 10ريال..
وورقة طلبات طويلة عريضة..عشرةأقلام زرقاء..وعشرة سودا..وعشرة خضرا..وعشرة حمرا!!..وعشرة بنفسجيه..

وكرتون أقلام رصاص..و 10درازن دفاتر ابو 60 ..و10درازن أبو 80 ..و20 درزن ابو 100..
و 10ابو200مربعات..و10دفاتر ابو 100انقليزي..وكراسة رسم ..ودفتر رسم خرايط ..وكراسة رسم تفصيلي..ودفتر طبيعي!!..وألوان خشبية..ومائية..وبرمائية(خخخخخ)..وفرشة مسطحة..وفرشة مدببة..وفرشة مدري ايش..وكتاب تعبير للصف الخامس..كتاب سلوك للصف الثالث..كتاب إملاء للصف الرابع..

لحظة خلوني اتذكر باقي الطلبات..

..

إيه تذكرت..كراسة رسم كانسون..وقماش مدري وش اسمه متر في نص متر..
ومريلة علشان حصة التدبير..وكتاب تبسيط الكيميا..كتاب تبسيط الانجليزي..وكتاب تبسيط الرياضيات..ومقلمية حديد..ومقلمية خشب..(هع)..ومقلمية حمرا..ومقلمية سودا..و10تجليد شفاف لاصق..ومقص..ومشرط ..و3مسّاحات..و10برايات..وخمسة علب هندسة..و10مساطر عادية..ومسطرة حديد..ومسطرة خشب..ومسطرة خفيفة علشان استخدمها في حصة المدري ايش(طلب من وحدة من اخواتي)..و زمزميه..وغرا سايل..وغرا جاف..

تصدقون..استغفر الله بس..الحين صرت أحس إنه لتحديد النسل فايدة..

لو إني أبو كان طبيت من الشباك الحين..أو بالأصح لو إني أدفع شي من جيبي كان طبيت من جد..

الله يعين الآباء..فعلاً..الواحد في هذي الحالات يعرف قيمة الوالدين..ويعرف إنه برهم واجب..

وقبح الله المدارس والمدرسين والمكتبات..والطلاب (مع إنهم مظلومين..لكن يستاهلون)..
وقبح الله أسعار البنزين..

..
ياريتهم يرجعون البنزين أبو رصاص..تحس إنه يطول معاك ..
بلا محافظة على بيئة بلا كلام فاضي..
أهم شي التوفير..هع..

وحفِظ الله حكومتنا الرشيدة ..وعلى رأسها أمير المؤمنين الملك فهد ..وعضده الأيسر أقصد الأيمن ولي عهده الأمين الأمير عبدالله ..والثالث الأمير سلطان ..وزير الهجوم أقصد الدفاع والمفتش العام لرعاية الشباب..أقصد المفتش العام للطيران..

..

وآخر دعوانا..اللهم لا تحرمنا من النفط ..فبدونه صراحة بنتشحذ في الشوارع..

اللهم أبرم لهذه الأمة أمر رشد ..يُعز فيها من ينصر كلمة الله..ويُذل فيها اعداء الله..

والسلام عليكم ..

**KLD** · 25-09-2003, 07:35 PM

انت رايح تشتري المكتبة كلها

الله يعينكم على الدراسة

وقبح الله المدارس والمدرسين والمكتبات..والطلاب (مع إنهم مظلومين..لكن يستاهلون)..

واحنا شذنبنا

**alamid** · 25-09-2003, 07:51 PM

المشاركة الأصلية كتبت بواسطة xbs

انت رايح تشتري المكتبة كلها

الله يعينكم على الدراسة

واحنا شذنبنا

حلوة انت رايح تشتري المكتبة كلها..

وش اسوي..هذي طلبات اخواني..

..

لا والمشكلة..نص اللي في المكتبة تلاقيهم حريم ..الواحد مايقدر يتحرك مثل الناس في المكتبة بسبب الحريم ..

..

شذنبكم ؟..
والله مدري..

..

**Rytamu** · 25-09-2003, 07:54 PM

يؤيؤيؤيؤ ..

انا الحمدلله .. كل شيء من المدرسة ..

**alamid** · 25-09-2003, 08:01 PM

المشاركة الأصلية كتبت بواسطة HERY2003

يؤيؤيؤيؤ ..

انا الحمدلله .. كل شيء من المدرسة ..

ليه انت تدرس في معهد النور والأمل؟..

وألا في مدرسة أيتام ..

..

وألا تدرس بالمريخ..

..

**Rytamu** · 25-09-2003, 08:12 PM

المشاركة الأصلية كتبت بواسطة alamid

ليه انت تدرس في معهد النور والأمل؟..

وألا في مدرسة أيتام ..

..

وألا تدرس بالمريخ..

..

لا ..

في المنارات

**alamid** · 25-09-2003, 09:34 PM

المشاركة الأصلية كتبت بواسطة HERY2003

لا ..

في المنارات

عربي وألا انقليزي؟..

..

في وحدة في حارتنا منارات انقليزي..

**Rytamu** · 25-09-2003, 09:38 PM

فكنا من الانجليزي ..

كلهم هنود وباكستانيين ..

عربي

**Power** · 25-09-2003, 09:55 PM

انا اغراضي على بعضهـا كلش بـ 100 ريـال فقـط ..

لاني ماخذ واجـد ..

**alamid** · 25-09-2003, 10:00 PM

المشاركة الأصلية كتبت بواسطة HERY2003

فكنا من الانجليزي ..

كلهم هنود وباكستانيين ..

عربي

ومصاريه..وسودانيين..

..

ولا فرق بين عربي على أعجمي إلا بالتقوى..

..

**alamid** · 25-09-2003, 10:03 PM

المشاركة الأصلية كتبت بواسطة Triple Power

انا اغراضي على بعضهـا كلش بـ 100 ريـال فقـط ..

لاني ماخذ واجـد ..

ماشاء الله..مع الشنطه؟..

..

**السنيوره** · 25-09-2003, 11:59 PM

اشك انك ابو

**alamid** · 26-09-2003, 01:21 AM

المشاركة الأصلية كتبت بواسطة السنيوره

اشك انك ابو

إيه هين..

لو إني أبو ماكان أحد شافني طبيت النت..

..

قال أبو قال..

لو إني أبو..كان أقول لعيالي..كل واحد يصرف عمره..مااعرفكم ..

..

**David7Beckham23** · 26-09-2003, 02:24 AM

صدق دفعت 1000 الا 10 ريال في المكتبة؟؟؟

**alamid** · 26-09-2003, 02:29 AM

المشاركة الأصلية كتبت بواسطة David7Beckham23

صدق دفعت 1000 الا 10 ريال في المكتبة؟؟؟

لا ياخي..هذا أسلوب مبالغة..

أصلاً أنا من النوع اللي يصرف بدون مايدري كم صرف..

إن شاء الله تروح هذي العادة بس..

..

الموضوع: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

أدوات الموضوع

مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: Re: Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

Re: Re: Re: مو معقول ياجماعة..تدخل المكتبة وفجيبك 1000ريال..وتنزل ومامعاك إلا 10ريال!!..

ضوابط المشاركة