سالفة خطييييييييييييييرة كنت بروح فيها !!!!!
بسم الله الرحمن الرحيم
اخواني هذي السالفة صارتلي من سنتين
يوم سافرت تايلاند مع أهلي
أمضينا شهر كامل في بانكوك
جلسنا في فندق
في يوم من الأيام
في الساعة الخامسة صباحا قمت من النوم
على صوت شخير أخوي :zx11pisse
قررت أني أطلع أتمشى شوي
بس أنا ما صليت الفجر
و الشيطان يوسوس علي و يقولي اطلع و خلك من الصلاة
لكني صليت الفجر و طلعت
كنت أمشي في الشارع
فجأة
جالي أربع قطاو (أقصد ناس تايلنديين )
وقفوا حولي
:damnmate:
و تكلمت مع واحد منهم ( طبعا بالانجليزي )
التايلندي:شو تسوي في ها الوقت
super_shadow11: بس أتمشى
التايلندي: ترى أنا ساحر !!!
super_shadow11:ما أصدقك !!!
التايلندي:خلاص أنا بقولك اسم أمك مقابل ما تعطيني 500 بات (يعني 50 درهم )شوفوا
الغشاش!!!!
super_shadow11: أنا ما أصدق هاي الأشياء
التايلندي: اذا ما تصدق عطني الفلوس أولا و بقولك اسم أمك
super_shadow11: لأقول اسم أمي أولا و بعدين بعطيك 500 بات
التايلندي: أنا ما بخدعك لا تخاف
super_shadow11: طيب شو الفرق اذا قلتلي اسم أمي أول شي و أعطيك الفلوس
و بين أعطيك الفلوس و تقول اسم أمي ؟
فجأة التايلندي طالع وراه و شرد هو و ربعه
جات سيارة شرطة و وقفت عندي و سألوني: ( شو يبون منك هاذيل الرجاجيل )
و قلتلهم القصة
و قالولي:
(احذر منهم هاذيل حرامية و نصابين)
و الشيء الغريب أنهم ما لحقوهم عشان يقبضون عليهم....
و بعدين رديت الفندق و كملت رقادي
شو يمكن يصير اذا ما جات الشرطة >_<؟
حمد الله أني صليت الفجر
و السلام عليكم
