صور جديدة ل Crash Nitro Kart

[البواسل]

في يوم اجازة جديد نعود لكم بتقرير او بصور جديدة

وفي هذا الموضوع استعرض لكم احدث الصور الجديدة للعبة Crash Nitro Kart القادمة بقوة للجيم كيوب

فهل هذي الصور بتخليك تعتقد ان كراش كارت بتنافس ماريو كارت


ما اظن

واترككم مع الصور









وكل اجازة ونتوا بخير

ودمتم سالمين

[Macho Man]

مشكووور اخوي

[Mesharey]

مشكور البواسل على الموضوع ..

لاتنسى تزور منتدى البلي ستيشن ^^
لأنك نسيته P:

[Golden_Sun]

شكراً على الصور ^^ ..
ويلكم باك مرة ثانية .. وحاول كل اجازة تطل علينا

[البواسل]

العفو اخوي macho man هذا واجبي وانا اعرف اني مقصر بحق هالمنتدى واعضاءه لكن ما باليد حيلة ايام الدراسة ما اقدر ادخل للعام المصيري

[البواسل]

مشكور البواسل على الموضوع ..

لاتنسى تزور منتدى البلي ستيشن ^^
لأنك نسيته P:

العفو اخوي ولو واجبي وبخصوص كلامك

لاتنسى تزور منتدى البلي ستيشن ^^

اقولك اخوي اني انا مقاطع هالمنتدى ولكن فضلت اني اكتم السبب وما افتح موضوع بمنتدى البلاي ستيشن عشان ما اعمل ضجة هناك و لوتبي تعرف السبب بشكل ملخص هو:

بصراحة ما في تفاعل مثل التفاعل اللي الاقيه في هالمنتدى واعضاءه وهناك نوع من التمييز عندهم اللي يعرفوه يردون عليه انا صحيح معروف قبل لكن الآن ما فيه احد يستوعب هالشيء وقبل لا اقاطعم اذكر اني نشرت موضوعين وبصراحة كانوا ماخذن مني جهد ومعاه صور ولكن النتيجة صفر ولا رد مع انه موضوع مدعم بصور وتقرير مبسط يعني ولكن لا من تفاعل هناك بعكس هالمنتدى
وقلت ما عليه يمكن نسوه او ما لاحظوه ولكن هالمشهد تكرر فقلت ليش اتعب عمري لأفيدهم بالاخبار والتقارير والنتيجة لا من مهتم فقلت اتركهم واجي لهذي الناس الطيبة الموجودة بهالمنتدى لأشارك معاهم في واتفاعل معاهم بمواضيعهم

واتصدق عاد ان ما عندي ولا جهاز والله بالنينتندو يعني ما اعرف شيء بالنينتندو والعابه لكن حبي لأعضاء هالمنتدى يخليني انسى هالشيء .... والله يفداهم كل تعب اتعبه في صياغة تقرير ولو اتم في كتابته ساعة كاملة عشان عيونهم اكتبه ولو اني ما عندي ولا جهاز عادي المهم اني ارتاح معاهم والقى التفاعل الكافي معاهم ولو برد او ردين

ارجو انك فهمت النقطة وشكرا لملاحظتك

[البواسل]

شكراً على الصور ^^ ..
ويلكم باك مرة ثانية .. وحاول كل اجازة تطل علينا

اهلا حبيبي والله جولدن سن

والله على عيني انشاله احاول وما انساكم لأني مستحيل انساكم
وكل اجازة وانت بخير

[Tomb raider]

الف الف الف الف الف شكر لك بعد شوي الف الف الف الف الف كم استون عدهم عشر الاف باضبط على الصور والجهد المبذول فعلا من عضو اكثر من مميز

[L*][*N*K]

مشكور اخوي البواسل على الصور ^_^ ..

اللعبة شكلها ممتعة ^-^ ..بس مثل ماقلت ..ماتنافس ماريو كارت ..

ما عندي ولا جهاز والله بالنينتندو

طيب ليش ماتشتري

ويلكم باك مرة ثانية .. وحاول كل اجازة تطل علينا

[البواسل]

مشكور اخوي البواسل على الصور ^_^ ..

اللعبة شكلها ممتعة ^-^ ..بس مثل ماقلت ..ماتنافس ماريو كارت ..



طيب ليش ماتشتري

ما اشتريت جهاز لأنه العابه كلها اصلية والاصلي اقل من200 درهم ما تحصل

شو بلحق لألحق

[البواسل]

الف الف الف الف الف شكر لك بعد شوي الف الف الف الف الف كم استون عدهم عشر الاف باضبط على الصور والجهد المبذول فعلا من عضو اكثر من مميز

العفو وبقولك اني عضو اكثر من متميز اشوي فيها ضخامة وانا بصراحة مولهذي الدرجة متميز لأني من اسبوع لأشبوع اطلع يوم الاجازة وطبعا هذا آخر يوم اجازة (الجمعة ) يعني الحين ما يتحصلني ليوم الاربعاء الجاي