في البداية ..
و كما هي العادة ..
كيف الحال ؟؟
طبعا الكل يعرف ان المزاج حالته لا ارادية غالبا ..
و احيانا يقوم الواحد الصباح و يحس الدنيا مسكرة بوجهه من غير سبب ..
بينما احيانا العكس ..
على حسب اخر مقال قراته فان هالشي يرجع لحالة الجسم احيانا ..
و احيانا بسبب العقل الباطن ..
و الغالب ان الواحد ينام و هو قلق بخصوص موضوع معين و يظل طوال الليل يفكر فيه فينعكس هالشي على حالته النفسية في الصباح ..
هذا ملخص المقالة و الا هي طويلة عريضة ..
المهم ..
بالنسبة لي اعتقد ان فعلا مزاجي ياثر علي كثير ..
لذا غالبا لما يكون المزاج زفت اتجنب اكلم احد بامور محددة ..
و خصوصا المزح او المناقشات ..
لان المزح بفهمه غلط لما يكون المزاج مقفل و تحصل كثير..
و المناقشات يمكن يكون ردي من خلالها اقسى من اللازم ..
و لما اكون مروق بقوة احيانا يقولون لي الناس منتب عماد الي نعرفه..
حتى في الجامعة المزاج له دور كبير ..
يعني هاليومين جلست اراجع المحاضرات -بالحيل- ..
و لقيت ان مزاجي ياثر بقوة على طريقة كتابتي ..
و هالايام السكانر متوفر ..
فاستغليت الفرصة و نسخت صفحتين من دفتري ..
اترك لكم الاختيار بين ايهما مزاجي كان فيها افضل من الثاني..