هذه آخر قصيده كتبتها..أرجو أن تنال إعجابكم..

[شهيد الرمش]

هذه آخر قصيده كتبتها..أرجو أن تنال إعجابكم..

وللعلم..أن مضمونها الكامل من نسج الخيال وليس له صله بالواقع.( عشان محد يروح بفكره بعييييييد )




قالت تعال إحضر زفافي..واسكتت..

وفي صوتها المبحوح..نبرات الحزن

ما ودّها إني شفتها يوم ادمعت..

ودمعي يسابق دمعها الدامي شجن

سال الكحل..من دمعها لونه بهت..

عكّر صفاء خدودها بعد ازهرن

حار الكلام بصمتها..ثم ازفرت..

في رعشة شفاها من الحيره سكن

حطت نظرها في عيوني وارجفت..

وفي وجهها الشاحب علامات الوهن

ثم اصرخت..حيل اصرخت..ثم ارتمت..

ضمّت بصدري خدّها حتى اندفن

تجهش بكا..حتى انتهت..ثم ابتدت..

ونّه بعد ونّه..وانا قلبي يونّ

قعدت أمسّح شعرها..حتى اسكنت..

وصار يتزلزل بالنَفَس كل البدن

.................................

قلت ارفعي عينك..وبالكود ارفعت..

كنّه جبل بين الحواجب والجفن

قلت الليالي فرّقتنا واحكمت..

وش في يدينا..والفراق امر الزمن

روحي لهم هذي تصاريف البخت..

من يقدر يردّ القدر لا حلّ من؟

ما اقدر أجي..حتى ولو إني قدرت..

ما اقدر أشوف بعيني الوان الغبن

ما اصبر على شوفك بجنبه..وان صبرت..

ماقوى على مسكِه لإيدك بالعلن

واشوف يمينك في يساره شبّكت..

وأسمع زغاريد الفرح واحلى لحن

.....................................

ليلة زفافك أسفرت به وانورت..

وش خانتي..أحضر غريب بلا وطن؟؟!!

إن كان لك ( شرْعَه ) بالأبيض طِرّزت..

لبسي بعد أبيض..ولكنه كفن!!




وسلامتكم.......شهيد الرمش,,,,,,,