بعد التجربة : N-gage
السلام عليكم :
قبل كل شيئ
Welcome Back nino
وايضا انا ما شريت الجهاز بس جربته بمحل المستقبل في سوق شرق وعرفت عنه معلومات
واخيرا : راح تتسالون ليش حطاه هني
1- ماكو منتدى للأجهزة المحمولة (( لاحد يقول روح منتدى الجوالات لأني معتبر الجهاز على انه جهاز العاب ))
2- بما ان الجيم بوي جهاز محمول و n-gage محمول يعني عادي اكتب عنه
المهم نبدي
التاريخ : امم اليوم
الساعة : تقريبا 11 صباحا
المكان : سوق شرق
بالتحديد : محل نوكيا (( المستقبل ))
رحت هناك ولا اشوف المحل متروس دعايات الجهاز وحاطين اربع اجهزة تلعب فيهم
المهم انا كملت البائع وسألته كم سؤال
المهم المعلومات اللي حصلته
الجهاز سعره 95 دينار بدون ولا لعبة لكن يأتي معاه ديمو اعتقد لثلاث العاب ، لا يرسل ولا يستقبل رسائل بالعربي ، خاصية البلوتوث التي فيه تصل الى 100 متر، الأشرطة تكون داخل الجهاز بمعنى اخر تفتح الجهاز وتضع الشريط (( مثل ما تحط الsim card )) ، حجم الشريط صيغر جدا وسماكته سماكة ورقة (( يعني بسهولة يضيع )) ، لا يوجد مموري له (( مع الألعاب )) ، يشغل اغاني mp3 و لديه راديو ، ذاكرة الهاتف حاولي 6 mb ، عدد الأشرطة المتوفرة بالمحل : 3 ، السعر : 12.5 دينار ....
الألعاب
1- تومب رادير :
الصراحة هذة اللعبة اصابتني بالذهول
رسم ثلاثي الأبعاد احسن من البلاي 1 بعد والحركة والتناغم كل شيئ فيها حلو لو واحد بياخذ هذا الجهاز هذة اللعبة must
2- سوبر مونكي بول :
ايضا لعبة مميزة لكن بالجارفيك اقل من تومب رادير ... نفس اسلوبها على الجيم كيوب (( المراحل ..الخ)) هذا من الألعاب الmust
3- لعبة ما اعرف اسمها لكن البطل يلبس قبعة مهرج واعتقد كان لها جزئين على البلاي 1<<< نفس قبعته بالضبط
الصراحة ما جربتها عدل لكن شكلها ما عجبني
......................................
الجهاز وزنه خفيف وحلو (( نفس حجم جهاز 3300 )) لكن اخاف ان الشركات اليابانية (( كابكوم ،كونامي ..الح)) ما تدعمه هذا اللي خايف منه ولا ما يسوى (( سيجا اول المطورين يعني يمكن فيه بشارة امل اني اشوف ميجامان عليه))
هذا كل شيئ
اعذروني لكن انا جربته ما قعدت وايد فلذلك المعلومات يمكن تكون ناقصة
وشكرا
PS : الجهاز عشان يشتغل لازم sim card
.. بجم دقيقه .. لول .. الجهاز جيد ماقدر اقول انه ممتاز .. و خاصيه البلوتوث من قال انها 100 متر؟.. يا عمي 30 مايوصل .. شتبي انته .. جربت عليه انا ..
....كافي ان مكان السماعة غلط 
