مظاهره الرياض بالصور .. وماراثون عالمي

**HArb200** · 14-10-2003, 11:23 PM

خخخخخخخ

والله اننا شعب مسكيييييييييين ..

مسوين مظاهرات ونظام .. وهذي اخرتها خخخخخ

شوفوا الصور بس .. واللي عنده زيادة لايبخل

خخخخخخخخخخ .. مدري اضحك ولا احزن على منظرهم

المشكله ان المتظاهرين صاروا فرجة .. يعني الناس جوا يتفرجون عليهم ..

على فكره اغلبهم وكما ذكرت اكثر المواقع .. من الشباب .. ويقال انهم من العاطلين .. او الدشير ..

لاحول الله .. الله يعين اللي قبض عليهم ..

**{Shy^Guy}** · 15-10-2003, 12:14 AM

اللي اتوقعه الهدف ليس القيام بالمظاهره ذاتها تحديدا من اجل موضوع معين..!

حتى تعرف الهدف -اللي اتوقعه- من المظاهره اللي وقعت .. لازم تعرف توقيتها !!
اقصد سبب تزامنها مع افتتاح مؤتمر حقوق الإنسان في السلم و الحرب ..
الذي عقد في مدينة الرياض مساء الإثنين !!

**Mesharey** · 15-10-2003, 12:20 AM

بغظ النظر عن المظاهرة -ما ادري سببها-

فشكلهم يضحك بصراحة

..

**HArb200** · 15-10-2003, 12:26 AM

صور جديده للمارثون ..

راحوا فيها ..

شاي قاي ,,
نعم صحيح .. واصلا المظاهره االي شدد من عزيمتهم القبض على غيداء الشريف وزوجها .. وهذا تقريبا سبب جوهري ,, لان فيه بعض الافتات اشارت لهالموضوع تحديدا ,,

وطبعا اللي نظمت المظاهره حركة الاصلاح .. من اسبوعين تقريبا ..

**Kubaj** · 15-10-2003, 12:37 AM

هههههههه ..ماراثون ..

طيب وش قصة ام سعود هذي ؟ " مايحتاج تفاصيل اذا تعرف جاوب

"

**MoaeD** · 15-10-2003, 12:43 AM

من جد مهزله

**HArb200** · 15-10-2003, 12:53 AM

هذي مشاركة منقولة من موقع القلعه

[justify]السلام عليكم ...

اولا اتيت بسيارتي من شمال الرياض عبر طريق ( فهد ) وكانت الزحمة شديدة تقريبا الساعة الرابعة ...

وانا في الطريق رايت في ساحة الجريسي سيارات مكافحة الشغب وبينها سيارات مدنية ربما للمباحث وباصات تقارب الخمسة فعلمت ان الاعتصام لن يمر على خير مع هذه الحكومة الهمجية

والسيارات في الطريق تتحرك ببطأ شديد حتى وصلت الى محاذاة برج المملكة وانا على الطريق فرأيت ساحة الاعتصام وبها من ( الجيوش ومكافحة الشغب والباصات ) الكثير جدا وكأنهم يستعدون لتحرير العراق وفلسطين ...

رأيت - وانا لا ازال في الطريق - سيارات عليها مدفع رشاش !!!
فجزمت ان من يحكمنا عبارة عن مجموعة من %$#@%$#@#

عند ذلك رأيت الناس على يميني وانا في السيارة وهم واقفين على الرصيف وفي مواقف للسيارات امام المحلات فدخلت خط الخدمة
واوقفت سيارتي في الحارة ...

نزلت ووقفت مع الناس وما هي الا لحظات حتى تجمع عشرات من الناس وبأيديهم المصاحف ويهللون ويكبرون فأنضممت لهم ثم رددنا : اطلقوا غيداء الشريف اعطونا حقوقنا ونحن كل قليل نهلل ونكبر
بعد خمس دقائق تجمعت الدوريات حولنا فلم نبالي وسرنا جهة الجنوب ثم رجعنا .. ونحن كذلك ازداد اعداد المتظاهرين بشكل كبير جدا ...

رأينا بعض النساء في سياراتهن تقريبا 30 امرأة في عدد من السيارات سألوا بعض الاخوان عن اماكن النساء

في هذه اللحظة وعلى مشهد من الكل ظهر واحد من المباحث من وسط الدوريات واخذ يرمي الحضور بالحجارة ... تفاجأنا وتراكضنا يمين ويسار وما هي الا لحظة حتى رمى احد الابطال ربع بلكة على وجه هذا الخسيس ...

ثم قام اثنان من الشرطة بضرب رجل حتى سقط والله على ما اقول شهيد

تفرقنا ثم اجتمعنا ... ثم نفترق ونجتمع ... وهكذا لمدة

ثم اتوا #$#@$# ( مكافحةالشغب ) ونحن داخل الحارة نريدالتجمع مرة اخرى فأخذوا يجرونا خلفنا ثم نبتعد عنهم فنراهم يقفون فنرجع للتجمع والاتجاه نحوهم فيركضون خلفنا في مشهد مضحك مبكي وكأنهم بغال او ثيران هائجة خلفنا لا بعون ما بفعلون

ازداد عدد الدوريات وال**** ( مكافحة الشغب ) والمباحث *****

فتفرقنا داخل الحارة ... وهكذا حتى اذان المغرب ولا اعلم ما دار بعد ذلك

لاحظت شاب معنا عمره تقريبا 19 سنه ضعيف البنية وهو اعرج ومعه عكازة يدعونا وبكل قوة للصمود والمواجهة وانا من هنا احييه من كل قلبي على صمودة ورجولته وشجاعته فالله يحفظه

ايضا لاحظت ان شجاعة الناس ازدادت بشكل يبشر بخير ولله الحمد

والخلاصة ان من يحكمنا عبارة عن *** ***** ... شجعان في قمعنا... دجاج وجبناء في مواجهة من هو اقوى منهم[/justify]

من ماجد التميمي .. القلعه

============
مشاري ,,
والله منظر مبكي فعلا .. حتى المطالبه بالحقوق ممنوعه ..

خوباج ,,
ام سعود !!؟؟ .. ايه هذي وحدة .. الله يستر عليها

**Kubaj** · 15-10-2003, 01:05 AM

الحقيقة هي ضربة قوية ..لصالح الحركة " فقط " !!

**Cyber Master** · 15-10-2003, 01:23 AM

الله واكبر الله واكبر والله انه لنصر عضيم وخطوه مهمه في تاريخ شعب الجزيره والله لم اتوقع حضور هذه الأعداد والله انهم بعشرات الألوف ورغم الوحشيه والطريقه الحيوانيه اليهوديه الذي واجههم بها طواغيت مكافحت الشغب بس يعجبونك الشباب هبلو فيهم كل شوي يروحون لمكان و لم يردو على هالوحوش لأنهم من الأول اعلنو انها مظاهره سلميه ولاكن يبدو ان السلم لاينفع مع هالأشكال والله اطفال ومعوقين ونساء وشياب ضربو ضرب اليهود وركوبو في الباصات دعسو السجاجيد والمصاحف ولاكن مانقول غير حسبنا الله ونعم والكيل مسوين فيها حقين حقوق انسان هم ووجيهم اجل مسوين مؤتمر عن حقوق الأنسان وانتم بغيتو تذبحون الفقارا والمساكين يوم جو يتظلمون
ويطالبون بحقوقهم بطريقه سلميه
بالنسبه للذين اسرو في التوبيسات (السجون المتحركه) فهم اكثر بكثير مما ذكر في وكالات الأنباء فعدد التوبيسات كان كبيرا ولاتقل عن عشره وكل توبيس فيه مالا يقل عن 40 اسير فبالتأكيد عددهم اكثر من 50 بكثير كما ذكرة الجزيره ورويتر

وا نشاء الله هذي بدايت الغيث وبدايت الغيث قطره
وقريب انشاء بتشوفون لقطات فيديو اتوقع اغلبكم موب مصدق انها في السعوديه بيقول اكيد انها مصوره في اسرائيل والله شايب قدامنا ينجلد ويطيح على الأرض ولا فيه اي رحمه خلاص طاح خلوه لا ويتشوت في الرسيف وينسحب على الزفلت بس طبعا ماراح تنزل هنا تعرفون وين

**Dr.Lucifer** · 15-10-2003, 03:11 AM

إصلاح ؟؟
إيه طيب سلملي

ماأقول إلا ما أخس من قديد إلا عسفان

**HArb200** · 15-10-2003, 04:55 AM

لاااااحول الله

اخبار عن ظرب للنساء وشد شعورهم في الساحة اللي حصلت فيها المظاهره .. وللاسف الشديد ضربت ام سعود ضرب مبرح ..

وعلى فكره ام سعود .. هي والدة احد المعتقلين بسجن الحاير "سعود" .. وقد احترق فيه مع من احترقوا .. وكانت حاظره لتطالب بحقة بس !!

لاحول الله حتى الحريم بعد ضربوا !!

الله اعلم ان المظاهره ذي ماراح تكون الاخيره ,,

على فكره .. يقال ان الاعداد وصلت الى 30000 متظاهر .. لم يحملوا سوا المصحف وسجادة .. وقارورة مياه فقط .. وبدون اي سلاح ,,

**HArb200** · 15-10-2003, 10:37 AM

الصحــــــــــــــــــف السعوديه .. تثبت فشلها الذريع في تبنيها لحرية الرأي .. بل تثبت .. انها تحت سيطرة الحكومه بكل حرف ,,

لا يخفى عليكم ماصدر من الجرايد اليوم .. خصوصا الوطن .. اللي معروف ان مراسليها بكل مكان .. وبكل داعوس .. يعني سبحان الله .. ولاااااااصورة !!!

حتى الرياض وعكاظ .. وهذا دليل على فشل هالجرايد والاعلام السعودي بشكل عام .. وانه لايؤخذ منه لاحق ولاباطل <<يمكن باطل

عموما .. يااخ اكس بوكس ..اغلب المواقع المعروفه مالقيت فيها الا مجرد صور .. ياليتك ترسللي المواقع اللي عندك .. غير الاصلاح والقلعه ومنتدى المسعري والساحة ايضا .. اذا ماتبي تحطها هنا .. اتمنى ترسلها رسالة خاصه .. واكون شاكر لك ,,

عموما .. الصحف اثبتت براعتها بانها نشرات دعائيه!!! .. اما الاخبار .. فما عندك ماعند جدتي ,,

راح تسجل هالفضيحة بتاريخ الاعلام .. والى ان تظهر فضيحة اخرى .. صورة مع التحية لكل واهم بوجود حرية بهذا الوطن ,,

**Cyber Master** · 15-10-2003, 11:57 AM

ياحليلك ياهارب متوقع ان الأعلام السعودي بيتكلم عن المظاهره هذي ودهم لو يغطون الشمس بغربال لاكن الي صار اليوم وين يغطونه معه العالم كله درا بلي صار خصوصا انه صارت في وقت مؤتمر عن حقوق الأنسان والسفارات كلها كانت متابعه الوضع واغلب الوكلات كانت تقدر تصور وتبث بس ماكان عندها تصريح وخايفين من المشاكل ولا كل شي مصور ومثبت لاكن خلاص انفضحو فضحه مابعدها فضيحه انهم نظام قمعي متوحش لايحترم حتى حقوق الحيوان
اجل العربيه المصخره تقول ايش تقول المتظاهرين عشره
البلد مقلوبه مافي مكان مافي شرطة مكافحت الشغب عشان عشره والله الناس الى ماتستحي حتى مافي احترام للعقول مافي اسهل من الكذب والدجل عندهم

**Cyber Master** · 15-10-2003, 12:05 PM

بالنسبه للفلام ياهارب اغلبها راح تنزل في المواقع الى ذكرت بس اصبر عليهم شوي لآنهم بيحولنها اول ثم يرسلونها لحركة الأصلاح عشان تحاول تنشرها على وكالات الأنباء ثم بعد كذا تنزلها وبعظهم رافض يسلم الفلم الا لقناة تأكد له انها بتبثه بس اصبر واذا نزل شي بعملك بالخاص

**نيو ايرفين** · 15-10-2003, 12:39 PM

مثل ما قال لوسفير ما أخس من قديد الا عسفان

آل سعود و الاصلاح كلهم سواسية!!

يا ليت يتطبق هذا القول

حاكم كافر عادل أفضل من حاكم مسلم ( او مدعي الاسلام ) ظالم!!

والدليل النجاشي ملك الحبشة قبل اسلامه!!

الموضوع: مظاهره الرياض بالصور .. وماراثون عالمي

أدوات الموضوع

مظاهره الرياض بالصور .. وماراثون عالمي

Re: مظاهره الرياض بالصور .. وماراثون عالمي

Re: مظاهره الرياض بالصور .. وماراثون عالمي

Re: مظاهره الرياض بالصور .. وماراثون عالمي

Re: Re: مظاهره الرياض بالصور .. وماراثون عالمي

Re: Re: Re: مظاهره الرياض بالصور .. وماراثون عالمي

Re: Re: Re: Re: مظاهره الرياض بالصور .. وماراثون عالمي

ضوابط المشاركة