منعطف حاد ..( العمل )

[mom_com3]

هل فعلاً اصبح الناس يخجلون ويمنعون ابنائهم من الاعمال المهنيه ؟؟
..

..
لماذا نسبه الشباب الذين يقومون باعمال مهنيه كالسباكه والنجاره و اعمال المكانيكا و اعمال الكهرباء قليله بالمقارنه مع الاجانب ..
..
لماذا يفضل المواطنون على احظار عامل اجنبي لصيانه المنزل على ان يحظر شاب سعودي ؟؟
..
لماذا نسبه البطاله في ازدياد .. رغم وجود اماكن كثيره شاغره في الوسط المهني و الفني ؟؟
..
هل الاجانب افضل منا ؟؟
هل لديهم شيء ينقصنا ؟؟
..
لماذا نسبه العماله في ازدياد كبير ؟؟
مئات الملاين تخرج من اقتصاد الخليج سنوياً من اجل العماله ..
..
اسئله كثيره .. حبذا لو ناقشنا الموضوع ..






اخص يا اللغه العربيه الفصيحه .. صاير مرشد اجتماعي <<< وش دخل ذا بالموضوع ..

[RPG_master]

العامل ياخذ راتب بايخ,

بالنسبه للشاب السعودي هالراتب ما يكفيه اسبوع ونص


والحمدلله على كل حال

[mom_com3]

ليش ما يكفي ؟؟

[FARES360]

تدري الخليجيين ما يعجبهم العجب .. يبون شغل بسيط ومعاش قوي ..
الله يخلي شغل الحكومه المعاش ماشي عند الشبيبه وهم بس قرقه ويقرون جرايد ههه... مو كلهم بعضهم مجتهد مأخذ الشغله تعب .. !
انا اتوقع اطلع من جماعة الحكومه ههه وزارة الإعلام سكرتيـــر
هذا... اذا ما طلعت بطالي وأشتغلت ميكانيكي "

بس بيجي يوم راح تلقى يشتغلون قصبن عليهم ...
قد شفت خليجي او بالأصح كويتي يشتغل زبال ولا سايق ؟ .. طبعا مستحيل !

بس قريبا اتوقع فيه لأنه عدد سكان يزيد والشغل يختفي خاصه انه الدوله صغيره .. يعني احسبوها بالطريقة السياسيه ... أخر شي يطلع انه لازم نشتغل .. طبعا كل واحد وشهادته ^^ .. الي يلحق طبعا !

جني تفلسفت وايد ! .. عيل يله مع السلامه

[martin]

اخ mom_com3

اعتقد انه الواحد ما يقدر يشتغل هالشغل خصوصا اذا قلنا سباك او كهربائي يمكن لانه راح يحتاج يدخل بيوت الناس وفيه بعض يقولك هذا سعودي ما يصير يخش بيتنا ويكشف محارمنا <<<<يعني الاجنبي معليش

فهذي مشكلة يبي لنا نصححها

[Forza Nerazzurri]

بصراحه الكاريكاتير مبين المشكله بشكل صحيح وانا شفته قبل كذا بس بصراحه انا عجبتني حقله طاش ما طاش كان فيها تشجيع للعمل اللي كان فيها شاب وجالس مع شباب وهو الوحيد كان يدور على وظيفه وغيره يبون مكتب .. الخ المهم لما لقى لنفسه شغله عامل في مصنع جلسو يستهبلون عليه بعد 5 سنين صار مدير المصنع و صار يستهبل عليهم يعني الشغله هذي يمكن مستقبلها افضل خاصه لما يكون الواحد يقبل باللي يجيه بس طبعا لا يقل الراتب عن 2000 تقريبا

[HArb200]

كنت مولم رد طويل .. بس مانشر ..

عموما

مابعد سالفة البنات السعوديات ال6 اللي اشتغلوا (((خادمات))) .. شي

يعني بالعربي .. الوضع فعلا متأزم .. ولا راح يصلحه .. لا انك تشتغل سباك .. ولا حتى متسول ,,

[عماد 18]

شي تعودت عليه من ولادتك الي هو ان مثل هالاعمال تلقى اللي يشتغلها اجانب..
فصعب ان الواحد يتقلبها خلال يوم و ليلة و طبعا يحس باستغراب تجاه هالشخص ..
بعضهم يولي هالاستغراب اهتمام كبير و بعضهم لا ..
لكن هالشي ما يعني ان هالشغلة اهانة ..
يمكن بس تخليك ما ترتاح انك تستخدم سعودي في مثل هالشغلات ..

[Kubaj]

عادي انا اشتغل بس بشرط ..

اشتغل حطاب

[MetalGear]

عادي ,, وهذا اعتقد بسبب اننا اتعودنا على ان يكون اصحاب الشغلات هذي هنود واجانب ..

بس صدقوني ,, واتذكروا كلامي ,, مادام عدد البطالة في ازدياد كبير !!

راح يجي يوم ,, الشاب يدور على وظيفة عامل محطة ..

احسن من انه يجلس ببيت امه ابوه يصرف عليه ..

[mom_com3]

مشكورين يا شباب على الردود <<<< عجزان اعلق على الردود ..


..
بس بالمختصر الموفيد .. الشغله تراها مربحه اشتغلت وكرفت فيها .. بكره تكتسب خبره وتمسك لك مصنع ولا شىء بذيك العده .. تراها مهيب سهله يعني ..

بس الواحد يبي يبدى من فوق علطول ..

وبعدين الشغله ما فيها احراج .. اذا بتنحرج في شغله سباك اجل ما تناسبك الوضايف المهمه ..

ويقول لك المثل مد رجليك على قد زوليتك ..
تجيني متخرج من الثانويه ب 70% وداخل لي كليه مسلتحه و ناجح بمقبول وتبي تصير مدير .. اجل الي جايب 100 % وش يحطونه ؟؟

ملك !!! ..

نبغى نقاش وااقعي وصريح .. مهوب مجرد رد وبس .. يمكن سامعه وانت مانت مقتنع فيه اصلاً ..