a good idea?...or a foolish attempt??

[Musou]

سلام شباب...

انا كنت متردد احط هذا الموضوع.. لكن بحطه على اي حال
المهم... قبل فترة بدأت العمل انا وبعض الزملاء (DarkWing Studios) على جزء جديد لFF7
سميناه: Final Fantasy VII: Dark Messiah
لكن الظاهر تم التأكيد على وجود تكملة لFF7...لذلك عندي بعض الأسئلة...

-هل نستمر (خاصة انها fan game)?
-هل صنعها على RM2k3 فكرة جيدة؟ هل ستلعبها اذا تم اصدارها؟

للأسف وقتي ضيق الحين وما يمديني اشرح اكثر.... لذلك اضغط>>>>هنا
وارجو من المراقبين انهم ما يعتبرونها نوع من الدعاية....
فإذا عندكم تعليقات او اسئلة او شي فإن شاء الله رح اكون موجود الليلة

[BOiND]

ولا صورة جاهزة؟

[Final Fantasy 7]

على الأقل حطوا لنا كم صورة علشان نشوفها !

[Deadly Spot]

سيفيروث الشخصية الرئيسية في اللعبة!!!!!

وقصة حياة سيفيروث

الصراحة أثرت أعجابي

أنا أشجعك على أكمال اللعبة

وحتى لوكانت على أربي جي مايكر 2003

[Musou]

مشكورين شباب

بالنسبة للصور... الى الآن ما بدأنا في العمل الحقيقي...
لكن على الأقل جربنا الSprites للخريطة والمعارك
و هذي بعض الصور...تذكروا انها تجريبية فقط...

1- سيفروث...


2-بدء المعركة (وحش للتجربة)


3-شكل عام للشخصيات في المعركة


4-ضربة سيفروث الخارقة Ragnarok


5-ضربة كلاود الشهيرة Cilmhazzard

[Final Fantasy 7]

راااااائع



والله تحمست حق الفكرة ..




أتمنى أنكم تواصلون .. و عساكم على القوة

[BOiND]

الصور لاباس بها عبر الميكر ....
ممكن كانت بتطلع حلوة موت على الثري دي ستديوز ماكس فايف...

ماعليه عجيييييبة ....
ايه صح ...
ليش ما تخلون اللعبه بالعربي؟
يصير عبر الميكر انك تخلي الحوار بالعربي...

[Deadly Spot]

ال design لشخصيات جميل

بس


كيف أطلع من هذي الجزيرة

لازم تحطوا حل كامل

[Deadly Spot]

وتستطيع أن تضع حوارات صوتيه للعبة أيضا

كلها هذي ميزات الاربي جي مايكر 2003 (دعاية )

[Musou]

FF7:
مشكور اخوي
حمستني للشغل


boind:
اسهل على الrm2k3
وبالنسبة للغة...صعبة مرة
يبيلنا واحد حريف برمجة علشان يفعل اللغة العربية على البرنامج
(rm2k3 اصلا بالياباني... بس قاموا ناس وترجموه الى الإنجليزية)

[Musou]

yamazaki:
حل كامل...هههه حلوة

وبالنسبة للصوت.... فعلا فكرنا نسوي كذا.... بس يبيلنا باتش علشان تشتغل مع الموسيقى بدون مشاكل..
(و على فكرة.... لو لقيناه.. انا اللي بأقوم بدور سيفروث.. زملائي يقولون ان صوتي ينفع للأشرار والمظلمين )

[BOiND]

اسهل على الrm2k3

ممممممممم
طبعا هذا اسهل ...
الاستوديو اصعب بوايد وتحتاج شهور تتعلمه...

وبالنسبة للغة...صعبة مرة
يبيلنا واحد حريف برمجة علشان يفعل اللغة العربية على البرنامج

ممممممممم
ما اذكر ...
لكني اظنيه شفت قبل اكثر من 3شهور يعطيك شرح مبسط حول ذي الخاصية...
ممممممم، على العموم الانجليزي اسهل والله يوفقك....

(rm2k3 اصلا بالياباني... بس قاموا ناس وترجموه الى الإنجليزية)

معلوم

(و على فكرة.... لو لقيناه.. انا اللي بأقوم بدور سيفروث.. زملائي يقولون ان صوتي ينفع للأشرار والمظلمين )

[BOiND]

كيف أطلع من هذي الجزيرة

لازم تحطوا حل كامل

هههههههه
حلوة
بس سالفة الجزيرة اللي مالها طريج
ذا هو الاساس في معظم العاب الاربيجي ميكر ...
اظنيه...
لاني شفت كذا واحد في منتدى الميكر دايما الجزيرة ذي موجودة
تقول يستعيرونها من بعض
ما تدري وش السالفة ....

[Deadly Spot]

بس كم نسبة انتهاء اللعبة؟؟

يعني هل المشروع قيد التطوير

أو أنه قريب الانتهاء وشكرا

[Deadly Spot]

كيف أطلع من هذي الجزيرة

لازم تحطوا حل كامل

هههههههه
حلوة
بس سالفة الجزيرة اللي مالها طريج
ذا هو الاساس في معظم العاب الاربيجي ميكر ...
اظنيه...
لاني شفت كذا واحد في منتدى الميكر دايما الجزيرة ذي موجودة
تقول يستعيرونها من بعض
ما تدري وش السالفة ....

أوووه الحين فهمت

بس يعني المشروع لسه مابدأ؟؟؟؟