ابي رايكم في موضوع

**ديابلوس** · 21-10-2003, 04:21 PM

السلام عليكم
كيف حالكم يا شباب؟؟

هالموضوع انا فكرت فيه وايد قبل ما احطه ... صح انه مسوينه من قبل لكن انا عدلت الفكرة في راسي و احتاج لعدد معين من الاعضاء عشان يساعدوني فيه

الموضوع يحمل اسم ((وكالة ديابلوس الاخبارية ))

في هالموضوع لازم علي اني اتقصى اخبار المنتدى و اعرضها مثل الاخبار او الجرائد ...

و هالشي يقلل من عدد مواضيع الاعلانات و الاخبار و الفهارس ... يعني موضوعي بيكون شامل لهالمواضيع هذي...

و عشان جذي احتاج مساعدة 5 اعضاء متفرغين و حطوا الف خط تحت كلمة متفرغين عشان يقدرون يساعدوني في تقصي الاخبار و وضع الاعلانات

و اللي حاب يرشح عمره لهالمهمة يطرش لي عالخاص و انا راح اختار 5 من اللي سجلوا

كل واحد فينا يحط اخبار و اعلانات جديدة...

احتاج رايكم لأنه يهمني جدا

و انا بكرس وقتي لتجميع الاخبار و وضع الاعلانات... يعني اي عضو حاب انه يحط اعلان عن اي شي يطرش لي عالخاص و انا احطها بصيغة اعلان في موضوعي

انتظر رايكم

تحياتي لكم

**wildkitty** · 21-10-2003, 04:44 PM

هلاو لو =^-^=

انا انفع ؟ ؟؟؟؟

بس

في مشكله انا مو دايما مو جوده

تقبولن فيني

**C.Falcon** · 21-10-2003, 08:28 PM

فقط بمنتدى الرسم الحر ولا منتدى الرسوم و التصاميم كله ؟؟

**Ranma Saotome** · 22-10-2003, 12:10 AM

اها.. نايس نايس..

شيّك الخاص عندك بوجاسم..

هعهعهعهع اعتقد مافي حد فاضي كثر رانما

**ديابلوس** · 22-10-2003, 12:11 PM

حلو ... يعني لين الحين الكل موافق ^^

لين الحين صار عندي ثلاثة متطوعين للعمل في هذا المشروع....

بس باقي واحد ^^

و ردا على سؤال اخوي Cfalcon انا كنت ناوي اسوي حق منتدى الرسم الحر ... لكن اذا انت تبي نسويه شامل لمنتدى الرسوم وا لتصاميم..فأنا ما عندي مانع و لي الشرف اني احط اخبار عن منتديات ثانية

اللي عنده اي اقتراح عشان نزيده للمشرع يتفضل ... انا ارحب بالاقتراحات .. لأنها يمكن تفيدني في المستقبل

اما بالنسبة للثلاثة اللي تطوعوا للعمل فأنا بعطيهم فكرة عن اللي راح نسويه

بانتظار ردودكم ^^

**الخطاف** · 22-10-2003, 01:13 PM

الفكرة حلوة ديابلوس

وفعلاً هالموضوع بيحتاج لوقت ومبذول
لكن النتيجة بتكون طيبة إن شالله

مأقدر أرشح نفسي معاكم... لكن باكون بصفكم ومنتظر الموضوع يكمل

وأتمنى بأن الموضوع يشمل منتدى الرسوم والتصميم...

وموفقين إن شالله
وعقبال مانجوف قناة ديابلوسية في التلفزين