أهلان أهلان..
الزبده..
قبل لااقولكم السالفه..
ودي ادخل من مدخل إعتراضي...
الحين أهلنا وش كانوا متحومين..قصدي متمحمين..يوووووه قصدي متوحمين..
عليه قبل لا يفرخونا..>>ما بغت تطلع ..
كل مالنا وحنا متدحدرين..
اشكال يالله لك الحمد..وخلق مدري وش تبي..كل واحد عيونه وحواجبه تقل متهاوشين..
عين تحت..وعين فوق..والحواجب مسويه إشتراك..
بعدين يجيك الخشم منفرش..علىبراطم كنها دعامات..
>>ياشين اللي يفهم غلط..قصدي دعامات تريله..
لو إنهم الله يهديهم قبل لا يجيبوننا يجلسون ساعتين يومياً على الدوري الإيطالي..
يطالعون الخلق اللي مزينها الله..هبببب ..
>>طالعه من قلبه مو من عينه
يعني اسئلكم يا اخون الحين خشتك والا خشت توتي بعد تسبدي والله يا ذيك الخشه..
لو إني بنت رقمته..
والا إنزاكي..اييييييييييه..يالله ترزقنا ذا الحلا بالجنه..والا الدنيا فقدنا الأمل..
المهم..وش فيكم تضيعون السالفه..
اقولكم..قمت الصبح ابي اطلع للدوام..وانا جالس افطر مع إمي (م...)إحم..امي وبس..>>بغي يفضح الإسم
واشوفها تتأمل فيني ..
شكيت بنفسي
المهم..بعد التأمل قالت ياولدي امس صار شي عجيب..
حاولت اصدقه بس ما قدرت..
حسيت إني بحلم..
قلت خير يمه..
قالت ابد والله..بس أمس دقت علي وحده وعطتني موعد وقالت خلي ولدتس يجي عندنا..بنتنا ودها تاخذه..علىسنة الله ورسوله..
وانا صح إني امك..ومربيتك..والقرد بعين إمه غزال..
بس من زين خشتك يوم تخطبك وحده؟؟؟؟؟
قلت يا يمه..انا أصلان حلو بس إنتم الي تحطموني من يوم انا صغير..
الحين لو إني مكمل مشواري الفني كان حفلتي بعد حفلة أحلام على طول..
بعدين انا آسف يمه..الصراحه حاس إن العايله هذي داخله فيناعلى طمع..يبون ينهبون الددسن حقتي
قالت الزبده..اليوم تروح لهم..ولا تفضحنا..قدامهم..حتى إن ما كتب الله شي..
على الأقل تاخذ تجربه وإكسبيرنس..>> حبتين يمه..طع طع..والله صرتي مثقفه مع إني أخبرك واصله لثاني متوسط ولانجحتي..
قالت..اها بس قم يالله..
واروح واتشيك ذيك التشييكه اللي يحبها قلوبكم..
رحت ولبست شماغ العقل سيفين ونخله..
وثوب الدفه..اللـــــــــــــــــهلونه اصفر على برتقالي..
وبعدين رسمت بالعقال المخمل..صاير ولا فتى رحيمه..بعز شبابه..
وبعد ما القيت نظره على نفسي..بالمرايه..قلت ياولد الشماغ ماهو مكوي..
وادور على البليه ذا اللي يكوون فيه..
الأزرق..وش إسمه..؟؟؟ الزبده نشا..قاعد ادور على النشا..
ما لقيت..رحت دخلت على غرفة اخوي..لقيته هالأيام مسوي فيها حركات..ويحط جل على شعره..
قلت يالله يا تركي ما لك إلا هي..الوقت يمضي والنكهه تبقى..والحط بيدي من الجل والصقه بشماغي..
وجلست تحت المروحه نص ساعه إلين نشف..طلع شكلي حركااااااااااااااااات..
فعلا..ذا نيديد إز ذا ماذر اوف إنفينشين..
>>الحاجه ام الإختراع..
>>إذكروا الله..يسموني بالحاره الولد الدكشنري..
المهم..وقلت لازم اخلي في شكلي شي يوحي إني إنسان رياضي..
قلت بدال ماالبس سروال سنه..خلني البس بنطلوني الأزرق..اللي من الفالح>>يا قدمك
عاد هذا عزيز علي..شراه لي ابوي ليلة العيد..
ويوم جيت ابطلع..قلت هاه يمه وش رايتس فيني..قالت ما شالله عليك ياولدي تهبل..بس رح إلبس كنادر الله يفضحك..تبي تروح لهم بالزنوبه..قلت لها..عاد إنتي أدرى بحالتي..رجلي بها مشق ولا ارتاح إلا بالزنوبه..
قالت مايخالف يا وليدي تحمل عشاني هالمره..عسى الله يكتب الخيره..
قلت طيب.
واروح ادور على كنادر ما لقيت..بعدين تذكرت ولد جيراننا الجيزاني..قبلوه وكيل رقيب بالمطافي..
ومسلمينه بدله..وكنادر..كل يوم يلمعها ..عشان يصير مميز..
جيته قلت له..هاه يا لاحق..>>إسمه لاحق علي محنشي..تحمدو ربكم..
انا بحاله طارئه يا بعد عمري إنت..ويقولون الضيق وقت الصديق..إن خنته خانك..
قال..ممااااااااهو..
قلت ابد..بس بغيت كنادرك..قالي تفنضل..بس ما اشوف معك شورابات..
ما خبرت الرججاججيل يلبسون الكنادر من غير شورابات..>>ياشين إمه لا جا يتذيهن..
قلت ما عليك إنت..مزبن لي شرابين..واحد أبيض..والثاني ازرق..عشان تعرف إني هلالي..
إنت بس هات كنادرك..
عاد الحين صرت كامل والكامل الله..رحت اودع ابوي وامي..وهم يطالعون فيني..وودهم يبتسون..والعبره خانقتهم..قلت لا تخافون..انا راح ارفع راسكم إن شالله..
مسكني ابوي على جمب..وحط بجيبي حبتين لبتون..
قلت ليه يبه..
قال لا ابد...بس ابيك تثقل شوي عندهم..أخبرك خفيف وانا ابوك..
قلت تسلم والله..
واروح بالددسن..وكلي امل وسعاد ونجوى..
وأجيك طاير لم بيتهم..حست لين لقيته..لقيت بي ام الجديده واقفه عند بابهم..
البي ام ما غيرها..أللي إذا شفتوها قلوبكم توقف..
الزبده..وأنا اللي ادخل فيها..وأعدم وجهيتها..
قلت ايــــــــــــــــــه ايه يا تركي..هذي بدايتها..الحين يقوللون لي هات ددسنك بدالها..بس يخسون والله..
>>خخخخخخ ماخذ مقلب بالددسن..عشان الجديده فيها طفايتين..والبي ام طفايه وحده..يعني إنت وخويك تدخنون بنفس الوقت..والله الددسن شي..
رحت دقيت الباب..طلع لي ابوها..وقالي..
السلام عليكم ورحمة الله وبركاته
قلت هلا هلا..قالي أأنت السيد تركي..>>عاد انا طرى لي يوم قالي سيد ..الشيعه اللي إشتغلت عندهم بالصيف..قلت لا يكون هذولا منهم..اعععععععع
قلت..نعم إنك على حق...
قال..تفضل..على الرحب السعه.
قلت..والله السعه البي إم اللي عدمتها لكم قبل شوي..ايوه ..
وين بنتك..
>>ما عنده وقت..
المهم دخلت..
ولقيتها تحتريني بالمجلس..وانا اسوي نفسي كنها ما همتني..
بعدين قامت ورحبت فيني..عاد انا ماني لمها..انا لم مجلسهم يلعن إبليسهم..
يمديني ألعب وانا وإياها كوره..علىباب واحد..وابوها الحارس..
قالت وش إسمك؟
قلت إسمي تركي ويدلعوني صنيتان..
عاشت الأسامي يا صنيتان..
ممكن تقولي كم عمرك..
قلت العمر بيد الله..
طيب ممكن تقولي وش درجتك العلميه.؟؟
قلت احاول احتفظ فيها لنفسي..ما ابي اقهرك..
امم..طيب ابي رايك بالقرار اللي إتخذته أوروبا..عندما وحدوا عملتهم..؟؟ هل كان قرارهم صائب؟
قلت والله ما أحب أتلكم على الناس..كل واحد حر بقراراته..
اهاااا...طيب وش خططك المستقبليه..؟؟
والله اربعه اربعه إثنين..إنيااااااااهااااااااااهاااااااااااااااااااااااااااااااااااااع..ياخي انا نكته ..حتى وانا أخطب..
ها ها ها هاااااااع
جلست تناظر فيني شوي..بعدين جلست تمتم بكلام..اضنها تتحمد الله على العقل..
بعدين حسيت الجو مكهرب..قلت الحين إنتي أخذتيني اسئله على طول..
دقيقه خلي ريقي ينشف..توي مسوي حادث..قدام بيتكم مع بي إم..>>خخخخخخ فضح عمره..
قالت سلامتك ..وش تبي تشرب عصير؟؟
قلت ..اممممممم
عندكم عصير طماط؟؟
جلست تناظر شوي..بعدين قالت..وش رايك بعصير منجا..
قلت لاوالله.هذا يشد الضهر..وانا تخبرين إلى الحين عزابي..
قالت..: لحووووووووول..طيب تفاح..اوكي..؟؟
قلت : اوكي..
وراحت تجيب العصير..
وبعدين جست انتظر ..وأنتظر ..وأنتظر..
إلين أذن الفجر وانا على ذي الحاله..
قلت يا ولد..إنسدح بس..ونم على ذي الكنبه..
وإتلطم..وأمد سيقاني..
ويوم شفت بنطلوني الإزرق من تحت الثوب تحسفت..قلت يا ليتني موريها من قبل..أكشخ فيه..بس مو مشكله المره الجايه إن شالله >>مأمل خير الأخ
ويوم بديت اغفوا دخلت شغالتهم..
ولفت الزوليه حقت المجلس وطلعت..عاد انا حسيت من ذي الحركه إنهم يبون يصرفوني..
وانا اللي اطلع من بيتهم.الله لا يردهم
>>بدررررررررررري..كان جلست شوي ..
والحمد لله..لقيت الددسن مكانها..
ما أحد خذاها..
ويوم جيت اطلع..وأتذكر العصير اللي وعدتني فيه..يلعن إم القهر..والله كان نفسي فيه..
واروح للبيت وانا منكسر وجريح..
واكلم نفسي>>صرت موسوس
ليه انا دايم كذا
وأدخل البيت..ويوم شافت إمي وجهي درت وش صار..وقامت تواسيني..
وتقول ماعليك منهم..أصلان حنا كنا نبيك تاخذ خبره بس..
والا حتى لو وافقوا ما نبيهم..قلعتهم..
وانا أحاول أتكلم ماني قادر الحروف متزاحمه في حنجرتي..
نمت..
قمت الصبح..
جلست افطر مع إمي (م...) إحم..إمي وبسسسسسس يا شينكم لا نشبتوا للواحد..ماني معلم بإسمها..
وجلست تناظر فيني..
وانا اسوي نفسي مااشوف..قلت اكيد ناقده علي..من اللي صار امس
بعدين قالت..ياولدي..والله العضيم إني أحبك..وإنت غالي..وبعيني حلو..
بس هم وش شايفين فيك..؟؟؟؟
قلت يمه خير بعد؟؟ فيه خطاطيب ثانين..
قالت لا..بس اللي رحت لهم امس..وافقوا..
يقولون خلوه يجي..
من غير مهر ولا شي..بس نبيه بثيابه..
البنت ما نامت ليلة امسسس..
عاد انا شكيت..قلت ايوااااااااا
هذولا دروا إني صدمت البي إم حقتهم..
ويبوني اجي عشان ياخذون ددسني..
والله ما اروح..
وسلامتكم..
المشاركة الأصلية كتبت بواسطة 2TGOOL
