مانجا أم أنيمي؟

[Ranma Saotome]

السلااام عليكم ورحمة الله وبركاته..

في الفتره الاخيره كنت افكر افتح موضوع في هذا القسم خاصه بعد موضوع كابتن فالكون

فكرت في عدة مواضيع لكن في النهاية قلت ان هذا هو الموضوع المناسب واتمنى ان يعجبكم و اشوف مشاركات الكل و آرائهم..

كفاية مقدمات..

طبعا اقدر اقول تقريبا كلنا هنيه نشوف انيمي و نقرا مانجا..
في بعض الاحيان نقرا المانجا و نشوف الانيمي الخاص بنفس القصه..
البعض يفضل المانجا.. البعض يفضل الانيمي.. البعض ماتفرق عنده..
في نقاط مميزة في الانيمي على المانجا والعكس صحيح..
في النهاية.. انت.. و انت.. و انتي.. و كلكم.. شنو تفضلون؟
و ليش تفضلون المانجا عالانيمي او الانيمي عالمانجا؟
شنو الاشياء اللي تحبونها وتجذبكم (يعني تشدكم مب تكذبكم ) في نوع اكثر من نوع آخر؟ و ليش؟

i thought it would be an interesting topic to talk about together
انا راح اكتب رايي و اجابتي عالاسئلة قريبا..
سلام

[C.Falcon]

مشكور على الموضوع الحلو ...
انا أحب مشاهدة الإنيمي لأن اسمه إنيمي <== أكيد فهمتوها
و كمان بالتحديد الـــــــ OVA`s لأنها تحتوي على تفاصيل أكثر

و أحب قراءة المانجا لأسباب هي :
احب القراءة و لأن رسومها خطيرة و تكشف بعض خفايا الإنيمي و خاصة
ما يتعلق بقصة الإنيمي ... يعني الاثنين يكملوا بعض ... سايونارا

[Neo Cid]

موضوع جيد أخوي رانما ..

أنا بنفسي .. ما أشوف انمي وايد ولا أقرى مانجا حتى .. بس شي وحيد لفت انتباهي .. و هو الانمي

الحاصل على جائزة الاوسكار Spirited Away .. الانمي أكثر من رائع .. و المانجا حتى ..

و أنا أفضل المانجا لأنه يتنقل معاك وين ما تروح .. و أنا من النوع اللي يحب يقرا كتب وايد و قصص ..

فميلي للمانجا أكثر .. لأنها تفتح المجال أكثر لي للتخيل .. اما الانمي .. احيانا الدبلجة ما بتكون بذاك المستوى ..

فالملجأ الوحيد يكون المانجا ..

رأي شخصي ..

[هـداف]

اول شي كل عام وانت بخير رانما..ولكل الأعضاء الأحباء ...

موضوع جميل جدا رانما...يبيله تفكير اشوي
همممممممممممممممممم..

المانجا تساعد على تعلم الرسم أكثر من الأنيمي..
مممممممم
الأنيمي فيها اثارة أكبر بكثير من المانجا،عكس المانجا الي يسيطر عليه في كثير من الأحيان نوع من الملل،لكن بحسب..يعني مثلا لو كان المانجا بالعربي،مااعتقد اني بتملل الا نادرا جدا جدا..اما الانجليزي ..فما اعرف،ابذل مجهود عقلي في الترجمة أكثر من الاستمتاع من الرسم

لكن الحين بعطيك الجواب من الآخر!؟!

لو واحد قال لي،شنو تبي؟ مانجا كينشن ولا أنيمي كنشن!؟!
بختار الأنيمي علطول
يعني أفضل الأنيمي أكثر من المانجا اذا كان انجليزي^^

سلام

[assassin]

موضوع حلو رانما ^^

انا ما اقرى وايد مانجا يعني نادرا بس الانمي دايما اتابعه الانمي فيه اثاره اكثر بس ا لرسم والقصه اعتقد المانجا احلى ...

على العموم انا افضل الانمي

[Touya]

المانجا.... رحت جيت أنا... اخب اقرى شيء واحد المانجا!
وبعدها تصف أفلام الأنمي والأوفئيز....

لكن نادرأ ماأنجذب لمسلسل... وماخفي عليكم اني طفشت آخر مسلسل تراجين... وآخر مسلسل ايفانجليون...وآخر مسلسل كينشن... يمكن السبب لني كنت اطالعهم مرة وحدة.... وهاذي عادة سيئة..

لكن مقارنة مع المانجا.... لما اقرى مانجا.... يصير عندي شبه مستحيل إني ازهق
وبالنسبة لي كما ذكر شاعر... المانجا فادتني كثير في دراسة اساليب وتطوير مهاراتي بين تجربة اساليب مختلفة... ولايخفى عليكم ان رسمي يتأثر كثير بالمانجا اللي اقراها..
وأنا احب المانجا لنه يحكي بعمق اكثر... وتكون الشخصيات فيه اكثر والقصة اعمق... ولكن أنا أقدر المانجا اللي من جد متعوب على رسمها... مثل Berserk... و Eden وغيرهم

بالنسبة للنقاط اللي احبها في الأوفيئيز والأفلام من الأنمي...
أحب الإهتمام الكبير بالرسوم! وكون القصة لاتتوقف الإثارة فيها... والحرية الأكبر في الأفلام والأوفئيز من المسلسلات... بحيث أن الأفلام والأوفئيز لاتعرض على التلفاز بالعادة.. بعكس المسلسلات اللتي تكون موجهه في اغلب الأحيان لفئات يجب التحفظ عليها من العنف وماإلى ذلك


بالمناسبة شاعر... مانجا كينشن لاتفوتها.... ناس كثير يمدحونها ويقولون انها احلى من الأنمي...

[اليسون]

افضل النمي لانه فيه حركة بمعناها حركة وصوت ومشاعر تدفق عبرها
احب المنجا لاني اقدر اتمعن بكل صورة على حدة وما اخاف تفوتني لقطة او همسة
مشكووور Ranma على الموضوع ولكل شخص رايه

[wildkitty]

احب الباباي انا

Spirited Away

هذه روعه وحلو

بس انا مليت منه اشوفه باليوم 10 مرات غصبن علي


شوكرا على الموضوع رنومه

[هـداف]

فعلا تويا

سمعت بهذا الخصوص،بس انت ادرى بالحال
قبل مدة ليست بالقصيرة طلعوا حقوق نشر لكنشن للأسف..وهاي خلّى المواقع تحذف وصلات التحميل،طبعا انت تقدر تخزنهم من الآي آر سي أو الكازا بس انت اتعرف مشكلتي صح

الأهم من هذا إني قريت المانجا الأول والثاني والثالث والرابع،من السلسلة المترجمة على أيام مجموعة أرمب..من العضو داركنيس،كانت فظيعة O_O!! وقريت بعد عدد خاص..كريه !؟!ليش إن الكلام كان فيه زايد عن الازم...بس مع هاي،الى الآن أشوف إن الأوفا الي شفته لكنشن(الأوفا الأول)من أروع شي شفته مع ان الصورة كانت رديئة بس للحين الأحداث أذكرها بدقة

[Ranma Saotome]

السلااام عليكم
ثننكس على ردودكم و اراءكم..

بالنسبه لي..
على حسب نوع القصه..
يعني لو السالفه فيها أكشن و قتال و لآليات أفضل ان أشوف الانيمي اكثر من المانجا.. لأن اقدر اجوف الحركات و القتال بصوره كامله بعدة زوايا و المؤثرات تكون اكثر و اقوى و تجذب اكثر.. أما في المانجا غير.. حتى لو السالفه فيها فانتاسي افضل الانيمي اكثر يخليني اتأمل اكثر في الالوان و الجو المرسوم..
أما اذا كان كوميدي فماتفرق معاي وايد ان كان انيمي او مانجا كلها كوميدي وضحك يمكن الانيمي يخليني مسترخي اكثر..
بس لو كانت القصه رومانسيه افضل ان اقراها مانجا احسن.. اندمج معاها اكثر يمكن لأني اقدر اقرا الصفحه اكثر من مره من دون الحاجه مثل الانيمي ان اعيد و اطوّف..

بس عادة تكون القصه في المانجا افضل.. لأن المؤلف نفسه هو اللي يرسمها ويشرف عليها بصورة اكبر.. و مثل ماقال تويا في المانجا تكون القصه اعمق و يتعمقون في الشخصيات اكثر وهالشي من افضل الاشياء بالنسبه للمانجا تعيش القصه بصورة اكبر.. اما عند التحويل للأنيمي في معظم الاحيان يغيرون في القصه من ناحية التعمق و يزيدون الحركة والاكشن.. لدرجة أن مرات في اشياء تكون موجوده في المانجا لكن غير مذكوره في الانيمي ابدا و مرات تكون في مثلا حلقة موجوده في الانيمي لكن غير موجوده في المانجا..

الحلو في المانجا بعد أن تقدر تاخذه وين ماتبي مثل ماقال نيوسيد.. يعني واحد متملل في الجامعه يطلع ويقرا.. و المانجا بعد يوسع الخيال اكثر من الانيمي و يخلي الواحد يركز في الرسم اكثر.. انا مب رسام فماقدر اتكلم في هالنقطه بس المانجا اعتقد يساعد على تعلم الرسم اكثر من ناحية وضعيات و تركيز اكثر على تعابير الويه..

الانيمي الحلو فيه ان الواحد يقدر يسمع اصوات الشخصيات و نبراتهم لما يحزنون لما يفرحون.. غير اصوات البيئة اللي عايشين فيها.. اصوات السيوف والاسلحه لو في حرب.. حتى يكون عند الرسامين مساحه اكبر للرسم حق الخلفيات و هذا من الاشياء اللي احبها في الانيمي لأن المانجا مافي هالحريه مثل الانيمي..

المشكله في النهاية شلون تعرف إذا كان المانجا الفلاني افضل من نسخته وهو انيمي.. هالشي مانقدر نقرره الا عقب مانشوف الاثنين $_$.. بس اعتقد ان المانجا عادة بشكل عام افضل من الانيمي..


انا ماقدر اقول اذا احب شي اكثر من شي.. لأن كل واحد له مميزاته..

شرأي باقي الاعضاااء؟

[fatoom]

السلااااااااااااااااااااااااام ^ ^

موضوع حلو رانما ^ ^

تقريبا انا نفسك

لأن ساعات تكون المانجا نفس الأنيم ^ ^ مثل كاريكانو

و ساعات تختلف مثل ماوضحت

لكن كل شي له ميزته ^ ^

المانجا له متعته

و الأنيم له متعته

بالنسبه لي الأثنين مهميين

نشوف راي الباقي ^ ^؟

[Buried_Talent]

مرحبا بالجميع وكل عام وانتم بخير
موضوع جميل
بصراحة انا رأي مثل الاخت fatoom كلهم مهمين واحيانا مكملين لبعضهم. لكن في مجموعة نقاط تروح لصالح المنجا على الانمي وهي:

1- المنجا اسهل في الحصول و الاستعمال (يعني ماتحتاج لجهاز تشغيل فقط عقلك )
2- المنجا كلاسيكية..يعني هي الاساس في ظهور الانمي...وهذا يزيد في عدد جمهورها ايضا (الكبار في السن (الكلاسيكين و الصغار).
3- المنجا تحتاج الى (more imagination) بمعنى قدرة تخيل اكبر...لانك ما تشوف الاحداث بالتفصيل لكن تقدر تتخيلها...وهذه في نظري ميزة تفكيرية جميلة.
4- المنجا عليها عصير يجنن خصوصا مع فطور رمضان

اما الانمي:
1- متفوقة في الرسوم (اذا كانت المنجا تعلم الرسم بدقة فالانمي تعلم الرسم والتلوين الذي تفتقر له معظم المنجا)
2- عنصر الصوت والموسيقى التصويرية(الاصلية) يعطيها طابع خاص ولمسة مميزة..احيانا العكس
3- الانمي وحتى لو كانت غير مترجمة تعطيك الفرصة لفهم القصة من سياق الاحداث المفصلة تفصيلا كبيرا اكثر من المنجا التي تحتاج الي الترجمة لفهمها...مثال : عندي مسلسل (مازنكايزر) بالكامل لكنه غير مترجم بالانجليزي... لكني شفته كامل و استطعت فهم 70% من القصة...

خلاص يكفي والا صار مشروع تخرج

[Lunar Poet]

انا افضل الانيمي

و رايي مثل راي الاخت اليسون

[Hard Rock]

أول شي ثانكس رانما على الموضوع
ثانياً .. أنا أفضل المانجا .. ولا أحب الأنيمي كثيرا ..
لأن المانجا - بالنسبة لي - مدرسة كبيرة حق تعلم الرسم ، ولان كل الرسومات اللي فيه ثابته
يعني استفيد منها أكثر ، على عكس الأنيمي اللي تكون فيه الرسومات مو مثل المانجا ولا الرسومات
ثابته. وبعدين المانجات أستانس عليهم لأنهم مترجمين للأنجليزي ، يعني اقدر أترجم علشان افهم ،
والأنيمي يتكلمون واااااايد وما أفهم إلا قليل كخخخخخخخخخخخ

نشوف راي الباقي ^ ^؟

[Rewayah]

موضوع جميل يا رانما! ^_^

ووااااااايد مفيد! -_^

بخلص كتابة الرد وبعدين بنشره.

أنا رفعته ألحين لسماع رأي عدد أكبر من الأعضاء.

حياكم.