أنا أبشتري سيارة بعد ثلاث أسابيع وش تنصحوني بأي سيارة من بين هذي السيارات الثلاث...

[رزدنت إيفل]

أنا أبشتري سيارة بعد ثلاث أسابيع تقريبا من الآن ...

وش تنصحوني محتاج نتيحتكم ضروري

هذي السيارات/
1/كامري gli 2003
2/لومينا s 2003
3/ هوندا أكورد 2003

من كل النواحي :
من نا حية صارفيه البانزين
من ناحية قطع الغيار
من ناحية الإستعمال
من نا حية خربات السيارة
من ناحية سعرها عند وقت بيعا هل ينزل سعرها أم يحافض على شيئا من سعرها
وهكذا

أبي كل واحد يشارك

[D0WN~T0WN]

اهلين اخوي

من نا حية صارفيه البانزين
الكامري والاكورد متشابهه
اما اللومينا فهي اكثر منهم

من ناحية قطع الغيار
الكامري واللومينا متقاربين من ناحية رخص الاسعار وتوافرها مع افضلية للكامري
الاكورد غالية قطع غيارها

من ناحية الإستعمال
الاكورد الافضل بدون منازع تليها الكامري

من نا حية خربات السيارة
اللومينا اكثرهم خرابات والاكورد الاقل خرابات بينهم

من ناحية سعرها عند وقت بيعا هل ينزل سعرها أم يحافض على شيئا من سعرها
الاكورد بالتأكيد
حتى اعرف واحد شرا اكورد ب74 تقريبا وجابت له حول 80
ومعروف ان الاكورد 2003 عليه طلبية شديدة جدا جدا حتى ان اللون الاسود خلص من بدري

ومبروك مقدما

[بيتل]

السيارات إلي ذكرتخا منتشرة كثير

من رائي تاخذلك ميتسوبيشي ماجنا

او لومينا كوبية

اما المجنا مكينتها اكبر من المكسيما وشكل رياضي

وسعر معقول وتجيب قيمة عند البيع

بس عيبها قطع الغيار غالية شوي

والله يعطيك خير السيارة إلي بتشتريها

[راعي البيوك]

انصحك صراحه بالزووم 6
1- اقل صرفيه من الكامري
2- اسرع من الهوندا والكامري
3- ارخص قطع غيار
4- ما يطيح سعرها

اللومينا احسن بس امريكي خرابات واجد بقوة وقطع غيارها اكيد اكثر من الزووم ويطيح سعرها الى 15-20
احسن شي فيه الراحة والسرعه بس

وهذي صور للزووم




وسعرها ترا الفل كامل تقريباً55الف ريال
4سلندر وعزم قوي جناح وجنوط 17 بوصه وتحياتي لك

[حسن644]

السلام عليكم

شوف أخوي

اذا انت تبي واحدة من السيارات الثلاث فأنا أنصحك بالكامري أو الأكورد

الأكورد شكلها احسن من الكامري

و انت بكيفك

تحياتي

[Scorpion KING-911]

والله يا اخي العزيز سبق وان كتب لنا اخد الاخوان من شهر تقريبا نفس موضوعك وقعد يحاورنا اسبوعين


ورسا عا الهوندا اكورد


وانا انصحك فيها

[قونزالس]

السلام عليكم

اخي الكريم قبل كل شيئ عليك بصلاة الاستخاره !!

بالنسبه للمقارنه :

الكامري سعرها 78 ألف( اتو/ فتحه / مخمل / 4 سلندر) غير متوفره عليك بالحجز من الآن .
الاكورد سعرها 76 ألف ( اتو / فتحه / جلد / 4 سلندر ) بالاضافه للكثير من المواصفات الخاصه بالأمان.

بالنسبه للومينا (انصحك بالابتعاد عنها )

الصرفيه بين الاكورد والكامري اعتقد نفس الصرفيه يمكن خزان الكامري أكبر بقليل من خزان الأكورد وهذا يضاف للكامري .

قطع الغيار :

الكامري : قطع غيارها أرخص ( يتم تصنيعها خارج اليابان ) متوفره بشكل كبير عند جميع الموزعين .
الأكورد : قطع غيارها أغلى أحيانا بكثير وذلك لسببين 1- يتم تصنيعها في اليابان , 2- عمرها الأفتراضي أعلى (تدوم ((جوده عاليه)) أطول)
عيب تسويقي للهوندا معضم الأكسسوارات وبعض القطع يتم طلبها من المصنع أو من موزعين خارج منطقتنا !!!!

الأستعمال :
تتفوق الكامري على الأكورد في الراحه + عزل الصوت + مساحه داخليه اكبر .
بينما الأكورد أكثر ثبات (تعليق رياضي)

الخرابات :
جودة تصنيع الأكورد أعلى هذا ما يعني ان الكامري سيئه (استخدامك هو العامل الرئيسي).

اعادة البيع :
الكامري مرغوبه لاسباب كثيره يكفيك انها (تويوتا) سعرها ما ينزل كثير يعتمد على النضافه .
الأكورد بدى الناس يقبلون عليها ولكن ما عندها شعبية كبيره مثل الكامري ,, سعرها ينزل اكثر من الكامري بقليل ويعتمد على نظافتها .

في النهايه أحب أقول لك مقدما يعطيك خيرها ويكفيك شرها

ولا تنسى تمر علي

تحياتي ...

[FARES360]

HONDA ACORRD 2003 ..... no cominnts

[رزدنت إيفل]

أشكركم جميعا أشكركم على تفاعلكم معي
وأنا من خلال حواركم خلاص أنا

عزمت أشتري أكورد أسود
وأشكركم على نقاشكم الرائع
وأنا طبعا خلاص أستخرت

[حسن644]

مبروك

الله يعطيك خيرها و يكفيك شرها

تحياتي