السلام عليكم
بغيت اتكلم عن بنات السكن، يعني اكيد الكل سمع عن سوالفهم
ملاحظة: انا بتكلم بصيغة الجمع ولكن اللي اقصده 50% بس من نسبة الجامعيات ويمكن
اكثر بشوي
* نشة الصبح: تروح تصبح على التيلفون تكلم البوي فريند خمس ساعات من الصبح لحد ما
يقرب ايي كلاسها ، وبعدين تخلي خمس دقايق تسلم على هلها ( فيج الخير الشيخة)
* في الكلاس: سماعات الموبايل بالاذن تسمع اف ام، وهاده الدكتور يلعلع بروحه. (زين
ما سويتي تره كله يسولف ويخيس البنات بتفافيله يود حلجك ابوي).
* بعد ما تخلص الكلاس: اليوم عيد ميلاد فلانة ، واااااااااو لا ما يصير ما عندي لبس
( اي لبس عاد، كل القطع اللي تلبسهم ما ايي نص وار ، يعني عاشت عاشت الإل بي سي ،
ولا لو تشوفون الرقص )
* طبعا خلاص الحين وقت الرقاد: هذي بيجامة ولا ؟؟؟؟؟؟؟؟، مابغي اقول بس ترا والله
حرام بنات عرب وقبايل يسوون هالاشياء يعني مافي احترام للناس الثانية ابد.
*** خلنا نشوف النتايج لكل هالاشياء اللي يسونها
* النتيجة الله يسلمكم، بنات مب بنات: يعني استغفر الله طلعن بنات جنهم رياييل، قصة
الشعر ؟؟ والصبغة وصلت للبنفسجية؟؟ ( والله ولا لندن)، تعرفون ان في وحده خارمة
حياتها وحاطه عليها حق ( وع امحق تربية صراحة). وفي بنات يحبون بنات واكيد هالسوالف
معروفة لكم، هذا في الله يسلمكم شارع اسمه شارع الحب ، شارع الحب تمشي في بنت وي
بنت مستريلة وانواع قلة الادب وقلة الحيا في هالشارع ، هالشارع يسوونه كل يوم
ثلاثاء )
عجيبة يا دنيا عجيبة
اسفة طولت عليكم،،،،،،،
بس اي واحد يقرا هالموضوع يحاول يشوف شو الاسباب اللي خلت مثل هالبنات يسوون جذا ،
و شو نقدر نسوي عشان نمنع البنات اليايين من انهم يصيرون مثل هالطفيليات اللي
عندنا.
المشاركة الأصلية كتبت بواسطة silent evill
... 
وهذا رأي