شباب ابي اقتراحاتكم في هالسيارات.........

[راعي الclk 500]

السلام عليكم




شباب احد من الاهل يبي يشتري سياره فورويل وعائليه في نفس الوقت وهو محتار ما بين :




لكزس LX 470 او كاديلاك اسكاليد او جي ام سي يوكون


وهو يبيها تكون قويه وسريعه وما تكون خراباتها وايد


لا تبخلون علي في الردود لانه يبي يطلعها فهلشهر



وتحياتي لكم

[*اسـيـرالـحـزن*]

وعليكم السلام

اذا كان يبغى سياره عمليه وقليلة الخراب وارخص ياخذ اليوكون

واذا كان يبغى فخامه وتحمل لكن بسعر اكثر ياخذ 470


لكن خله يبعد عن كاديلاك اسكاليد لانه خرابات ولا يتحمل

[the DEVIL 911]

على حسب اذا من ناحية الحجم طبعا ً الجمس واذا من ناحية الفخامة اكيد الكادلاك ...
والجمس عيبه مو عملي لكن الكادلاك واللكزس عمليين

[راعي الجي تي آر]

الجمس يوكون
نصيحة من واحد مجربها عمليا في العراقيب (الطعوس)
وبديها قوي جدا جدا

[راعي الفايبر]

اليوكن قوي وعملي وقليل خرابه

[Dark Devil]

أحسن له اليوكن لانها قوية ذي ماقال الاخ راعي الفايبر

وأنا أقتراحي ذي الأخ راعي الفايبر

[عراوي]

انا اعتقد الكزس مايعلى عليها بس عيبها السعر غالي
ويجي اليوكن عقب

بس حقيقة الي ماجربتة كاديلاك اسكاليد

بس الكاديلك بكل انواعة سمعتة سيئة لكثر حاجتة لصيانة

[راعي البيوك]

السلام هذا رأيي

انصحه اذا كان راعي طعوس وبران وكشخه يأخذ جيب باترول فأنه اقوى وافخم من ذي كلها الا في الفخامه فأنه الاسكاليد بس الاسكاليد ما يطعس هذي

مشكلته اما الباترول

دوره في كل مكان

تحيات يور برذر راعي البيوك

[راعي الclk 500]

مشكوريين يا شباب على ردودكم وما قصرتو



بس وين بقيه الشباب



وينكم؟؟



قولولي ويش اقتراحاتكم


باي

[auronxxx]

الفرق بين اللكزس والكاديلاك وبين اليوكن كبير في السعر (ما اظن تفكر فيهم)
خاصة ان السيارة عائلية اكثر مما هي شخصية
وبعدين عندك الفورد فورويل جبدة

وإذا تبي للطعوس والبر عندك النيسان باترول والGX-R اخف واقل صرفية للبترول (خبرك الامريكي ثقيل شوي)

وقول لنا إذا وصلت لشيء

[QataR NighTMarE]

لا ذي ولا ذاك
نيسان باترول وبس

[cubelover]

ياراعي 500
أنت قلت يبي سياره عائليه يعني من نوع جيب
طيب يبيها قوه في الطهوس شكل عملي؟

[راعي الclk 500]

مشكوريين يا شباب


على ردك يا اخوي cubelover هو يبيها تكون قويه في الطهوس وعمليه


وعلى رد auronxxx انشالله بقول لكم يوم هو يقرر وانا قلتله على كل الردود




ومشكورريين شباب والله يعطيكم العافيه

[alahmadf2001]

مرحبا شباب ..... ياخوي الclk 500 انا انصحك بالكزيس اولا عائليه وماعليها غبار ... و شركه
لها سمعه ممتازه وعريقه في السوق السعودي .... وسعر بعد البيع .... والخرابات قليله ...
وكنت بصراحه باشتريهيا ولاكن ...المشكله يا عزيز السعر .... سعراه مرتفع جدا ....بس تعيش ...
بالمقارنه مع بعض السيرات العائليه ....ومواصفات ممتازه جدا .....
اما الكدلك .... فسمعتها سيئه جدا في السوق السعودي ...وخرابات كثيره .... بس شكل ممتاز ...
واما اليوكن ..... فسعر مناسب للعائله السعوديه ...وسمعة الشركه ممتازه .... (الجميح ) فقط ....
ولاكن الكدلك واليوكن صرف بنزين عالي جدا بالمقارنه مع السيارات اليابانيه .... واذا بتاخذ اعالى
مواصفات بيزيد السعر اكثر .... ويكون الفرق مع افظل سياره يابانيه او منافسه الشيء البسيط.... واخيرا لك ياعزيزالاختيار.... ومبروك مقدما .... وبالله التوفيق ....... ..**عيد سعيد**.....

[cubelover]

فيه الباثفياندر عيبه الوحيد خمس ركاب بس في الطعوس أبداع ميزته البدي خفيف ويطاعس براحه وموصافت ممتازه ولا خرابات و لا صرف بانزين