نزلت ffX-2 عنجلزي .. أنجليزي

[sion001]

السلام عليكم

كل عام و أنتم بخير

صدرت لعبة ffx-2 الإنجيلزية كوبي في السعودية من كم يوم (( ما قدرت أدخل النت معطل )) و أخيرا شاهدت النصوص أنجلزية ((و شريت أيضا معه ffx ))

اللعبة مشوقة لأنها أنجلزية لكن في ملاحظات عليها :

أغنية البداية مشوهة كانت أغنية كرستي أشوى ألف مرة ، هذا صوت كودا كومي ؟

صوت يونا و باين حلو لكن ريكو ممل مهو مثل الياباني

الشعار خربوا أبوه ، كان yu ri pa أجمل بكثير من yrp شعار ثقيل الدم مو مثل الياباني

الأسماء مغيرينيها لأونو وسانو ، إش السبب ؟!!!

إنشاء الله ما تكون أجزاء اللعبة تغيرت أو أسرارها

و أنتظرونا مع الحل الكامل

سلام

[أبومروان]

مشكوووووووووووووووووورة على الخبرية ...

بس متى تنزل بعمان؟؟ ولا أعتقد إنه ما في المنتدى عضو عماني غيري ...

أوكيه ...

أنا رحت للفجيرة (الإمارات) يوم السبت و ما كانت نازلة .... أصلا هناك ما يعرفوا إذا كانت اليابانية نازلة

هل نزلت بالعين؟ يا ريت تقولوا لأني بكرة رايح العين ...

[Final Fantasy 7]

أغنية البداية مشوهة

جدا .. جـــدااا

ريكو ممل مهو مثل الياباني

مو بس ريكو .. حتى صوت بروذر ><

الشعار خربوا أبوه

ههههههه .. والله أنج صادقه
صج فرق كبير بين الـ (( يو-ري-با)) الخفيفه الحلوه و بين الـ ( واي-آر-بي )) الثقيله و التافهه



ياختي ما أدري ليش أحس أن سكوير تعاند و تحاول تخلي مستوى النسخه الأمريكية أقل من النسخه اليابانية

[BuGaTTi]

الي تأدي صوت يونا نفسها الي كانت بالجزء العاشر ؟

[sion001]

السلام عليكم

بس متى تنزل بعمان؟؟

و الله أخوي ما أعرف ، حتى موعدها في السعودية ما كانت دارية شفتها بالصدفة فأخذتها (( أصلا أول ما شفتها ما صدقت أنها نزلت ))

صج فرق كبير بين الـ (( يو-ري-با)) الخفيفه الحلوه و بين الـ ( واي-آر-بي )) الثقيله و التافهه

ما أدري وش حارق رزهم في الشعار القديم ، خفيف على اللسان و مميز ، أصلا لما تبدأ المقدمة و تقولها ريكو كأنه واحد جابرها غصبا عنها تقولها مو مثل الياباني بحيوية

ياختي ما أدري ليش أحس أن سكوير تعاند و تحاول تخلي مستوى النسخه الأمريكية أقل من النسخه اليابانية

و دائما الفروقات كبيرة حتى في الألعاب الأخرى بين النسخة الأنجلزية و اليابانية

الي تأدي صوت يونا نفسها الي كانت بالجزء العاشر ؟

أي حتى أنا أتسائل هذا السؤال ، لأني إلحين بألعب العاشر و صوت يونا متغير عن الجزء الثاني ، الأول وحدة بااااردة و الثانية صوتها مقبول و حلو !!

[Yamato]

يا بومروان
انا من الفجيرة وطلبت من المحل اللي اتعامل معاه انه يجيب اللعبة اصلية
المحل اسمه الحساني للالكترونيات
وقبله كنت ناوي اخذه من العين من محل كابول لكن النسخ خلصت من عنده
يمكن تلحق وتحصلك نسخة (اذا تريد اصلي)

أصلا هناك ما يعرفوا إذا كانت اليابانية نازلة

الله يسامحك يا بومروان

[Techno]

مشكورة على الخبر الجميل

[أبومروان]

يا بومروان
انا من الفجيرة وطلبت من المحل اللي اتعامل معاه انه يجيب اللعبة اصلية
المحل اسمه الحساني للالكترونيات
وقبله كنت ناوي اخذه من العين من محل كابول لكن النسخ خلصت من عنده
يمكن تلحق وتحصلك نسخة (اذا تريد اصلي)




الله يسامحك يا بومروان

و الله العظيم أنا أمس كنت في الفجيرة ، سألت واحد في محل ، انتبه لسؤالي: "عندك فاينال فانتاسي؟" ، ما حددت أي جزء ، قال: "ما فيه"

و الله بموووووووووووووووت قهررررررررر

[Yamato]

قال: "ما فيه"

اذا قال ما فيه عيل ما فيه

هو اصلا الكوبي ما وصل للفجيرة بس انا طلبت الاصلي

ونصيحة احسن المحلات للالعاب بتحصلها في مركز الامارات بالفجيرة (لازم تعرف مكانها)...

بس بياخذ منك وقت الى ان تحصل كوبي

انا على يوم الخميس ان شاء الله بحصل الاصلي... هذا للاصلي وكذا عيل كيف للكوبي...

[$SOLIDUS$]

أنا ما لي خلق الصراحة أتريا الكوبي


أنا وصيت واحد من الربع

وانشاء الله اليوم العب الاسطورة الامريكية

[أبومروان]

بتحصلها في مركز الامارات بالفجيرة (لازم تعرف مكانها)...

على فكرة .. ترى مركز أسواق الإمارات يسموه بعد "سوق الفلبينيات "

أنا بكرة بروح العين ، يمكن ألاقيها هناك ...

[البرت]

السلام عليكم

وعليكم السلام

كل عام و أنتم بخير

وانتي بخير

صدرت لعبة ffx-2 الإنجيلزية كوبي في السعودية من كم يوم (( ما قدرت أدخل النت معطل )) و أخيرا شاهدت النصوص أنجلزية

حتى انا شفتها من كم يوم في الاسواق بس استغربت ان محد حط موضوع عنها قلت يمكن عشان ايام العيد


((و شريت أيضا معه ffx ))



غريبه من وين شريتيه انا لفيت الرياض كلها ما لقيت ff 10
ولقيت بكثر النسخه اليابانيه المعدله

فا أتمنى انك تعلميني من اي محل شريتيه

ولكم مني اطيب تحيه

لان تعقدت وانا ادورها

[سيــــــــفروث]

هههههه
ابو مروان هههه(فلبينياتتتت)
المهم انا اتعامل مع محل اسمه(((((الهــــــزم)))))بجانب الحساني الصراحه يقدر الواحد مو مثل الحساني (تقوله شي ما يعطيك شي ..؟ : )
وانا ماخذ رقم المحل الهزم (كل يوم اتصل له؟صراحه كووووووووول ))بس مانزل عندهم .. يقول بعده ماوصل
(تراه اذا توصيه بش عطول يجيبه:؟..(يروح العين ودبي))انا زبونه الخاص هههه
حتى رقم موبايله عندي؟؟؟؟؟؟؟؟؟؟
وانصحك تتعامل معاه وشكرراااا
شكلي طولت
اقول حتى ديناستي وايروور4 المطور ماوصل

وانا رايح السبت
حد يوصيني بشي؟؟؟

[أبومروان]

سفروث

وين بالضبط هذا المحل؟؟؟

[سيــــــــفروث]

هلا ابو مروان

بعدك ماعرفت مكانه ههههه
المهم بتلاقيه بجانب الحساني (الحساني ؟السندباد؟بعدين الهزم)يعني الثالث
في اسواق الامارات(الفلبينيات) ؟
صح انه يتاخر شوي بس مضمون وتقدر ترجع الشريط اذا خرب
بس لازم يعرفك ؟؟؟ولا شوي مشكله
واقولك
تراه الحساني شوي يزود بالاسعار للاكسسوارات انا لاحظت هالشيي
وانا مااريد اطول بس من يوم نحس عند الحساني.....؟.الحين مااسيره ابدا

هههههههههههههههههههههههه
واي شي تامرني حاظر
واقولك اي المحلات بهذا السوق تمام
في وايد بس....................؟
وانشاله ماطولت عليكم؟؟