من كم يوم زاد الحط و السب و التشهير على قناة شباب المستقبل "سبيس تون"
الموضوع ذه المفروض انه يكون رد على الحمله الهمجيه على سبيس تون و ان شاء الله
اتمنى ان كلامي ما يزعل حد ونحن في منتدى حر لتبادل الاراء و الخبرات في نطاق الادب و بدون
تجريح .... و اتمنى من المراقبين عدم اغلاقه .....
لا حول ولا قوة الا بالله ..........يا جماعة انتوا من صجكم ... ؟؟؟؟؟؟؟؟
سبيس تون افضل قناة متخصصه في الانمي المعاد صياغته ..... والله ان الشركة
ما قصرت ..انتجت اعمال كتير حلوه و كثير من الاطفال يشوفونها و هم مبسوطين
سبيس تون قناة مميزه و تستحق منا كل الاحترام و التقدير...
انا استنكر و بشدة من كلام الاخوان ... الاخوان زعلانين لان القناة بتقطع في المشاهد الاباحية
ليه يا جماعة ؟؟؟؟ مش احنا مسلمين ولله الحمد ...ليه عاوزين تشوفوا هالمناظر و اللقطات
اللي تحرك الغريزه ..... ليه عاوزين تخلو بناتنا تشاهد الملابس العريانه حقت البنات في الانمي
بيجي واحد و بيقول يا كوبوشي ان هذي مجرد رسوم متحركة و مافيها شي ...او ممكن احد بيقول
ان هالملابس عاديه في بعض البلدان العربية ..... انا اقوله غلط و اكبر غلط ياجماعة
الحين الطفل لما راح يشوف هالمشاهد من صغرة راح يتعلم و ما بيكون عنده اي حياء او خجل
والله يستر ممكن كمان يتعلم حاجات ثانيه .....
التقطيع و خصوصا التاليف اصبح ضروري و ضروري للغاية .... خصوصا المسلسلات الجديده
لانها تحتوي على كم هائل من اللقطات و المشاهد الغير اخلاقية بالمرة .... انا اشوف ان الانمي لو يشيلو
منه جسم العنصر النسائي بالمرة لان هاليابانيين بيتعمدوا يظهروا مشاهد جسم الانثى في اوضاع
و حركات قبيحة ...
انا استغرب ان في ناس عمالين يقولوا ان سبيس تون تتعمد دبلجة الاعمال حقت الكبار !!!!!
يا جماعة هذا الكلام خطير و يدل ان في فئه عماله تشوف اعمال منافية للاسلام فيه قلة ادب
و مسخرة كتير و مشاهد عنف مع احترامي الشديد لجميع الاعضاء... يعني هالاعمال حلال على الكبار
يعني عضو عمره من 15- 18 يشوف اعمال لا اخلاقيه شي عادي صحيح؟؟؟
في ناس بينصحوا الاعضاء لمشاهدة قناة مانغاس و قناة RTL و المعروف ان هالقناتين ما بتحذف
اي لقطه ... يشوفوا اللقطات الاباحية السافرة و بعدين بيجيبوا على سبيس تون انها تقطع و و ...الخ
الاخ بعد ماشاف و شبع من الرسوم في القناة عمال يقطع و يسب القناة ... طيب اذا انتوا معترضين
على القناة ليه تشوفونها ....خلكم على الفرنسي و الالماني ما شاء الله في ناس عندهم ثقافة اوروبية
وفي حاجه كمان انا استغرب من بعض الاعضاء اللي يقولوا ان كونان فيه تقطيع .... حرااام والله
حرام اللي عمال ينعرض كتير و انا اشوف ان القناة ماقامت بتقطيع العمل بالشكل المطلوب....
في عضو زعلان لان الشركة ما دبلجت بعض الحلقات من مسلسل كونان...... اصلا هاذي الحلقات
اباحية و فيها مظامين تدعوا الى الانحلال ... والله انتوا عاوزين تشوفوا جريمه اغتصاب ...والله
الاخ اللي معترض عارف انها كانت حلقة عن الاغتصاب انا ما شفتها ولكن قريت عنها في احد
المواقع الاجنبية.... و في حاجه كمان قناة RTL قناة سافرة و كفاية انها على القمر الاوروبي ...
في احد الاخوان مش عاجبه مسلسل حنين.. يا اخي العزيز الرسوم ذه افضل رسوم عائلي..خالي تماما
من مشاهد التعري و السفور...... يعني يا اخوان انتوا عاوزين الشركة تدبلج بالحرف ..ما يصير
هالكلام ... الطفل كيف بيستوعب ان بنت تتحول ..يا جماعة هذا سحر و السحر حراااااااااااام ....
ولا دراغون بول الجزء الاول ...انا اعتبره قمه في الابداع ...بعكس الجزء الثاني اللي مرة ما حبيته
ما فيه نكهة الجزء الاول .... مشاهد عنف كتييييييييييييير في المسلسل ما انحذفت .... ياريت لو ان
المشرفين على العمل انهم يعيدوا النظر في هذا المسلسل و يخلوه زي الجزء الاول...
التقطيع مهم ولازم الكل يسلم ان سبيس تون ماراح تغير من سياستها ... بارك الله في سبيس تون
وفي الزهرة ..والله يخليك يا ابو زهرة مناع ..و كل عام و انتوا بخير و الى الامام
و شكرا