أتمنى ترشحون لي بلد لإجازة الصيف القادمة!!

[أميرة حبيبي]

سلااااااااام يا أعضاء و عضوات المنتدى هذي أول مشاركة لي بينكم و أتمنى تساعدونني و تكونون قدها و قدود إن شاء الله...... أريدكم تساعدوني في اختيار بلد ممتاز لقضاء إجازة الصيف و أقدر أقضي فيه حوالي شهر أو أكثر إن شاء الله و ما تكون بلد تصلح لخمس أو أربع أيام، و أهم ميزة إنها تكون مليئة بالأماكن الترفيهية للأطفال..... و الدول اللي زرتها سابقاً: أستراليا و ماليزيا و سويسرا و تركيا و النمسا و بريطانيا و إسبانيا و ألمانيا .... هذا اللي تذكرته، أتمنى تختارون لي بلد ما زرته، وقولولي وش رايكم في جزيرة موريشيوس تنفع للأطفال أو للعرسان أحسن؟؟ إذا تعرفون دولة غنية بالأماكن الترفيهية إعطوني فكرة عنها بليييييييز لأني أريد أختار البلد من ألحين و أستعد بسرعة للحجز و للسؤال عنها و عن فنادقها و غيره..... بانتظاركم.. بااااااااي.

[DE NILSON]

عرسان روحي فيينا

للاطفال روحي باريس وبرشلونة

[Scorpion KING-911]

انا انصحك تروحي جزر المالديف
هي دوله فقيرة جدا بس فيها 3000 جزيرة
والجزر حقتهم مأجرينها على شركات فتدقةوسياحة وفيها شاليهات مرة كشخة
غير الاسواق الشعبية اللي في العاصمة




روحيلها واذا ما انبصطتي جيبي كل فواتير المصروفات وادفعها لكي

[أميرة حبيبي]

ـ هلا DE NILSON النمسا زرتها من قبل و كذلك برشلونة الأسبانية .... أما باريس مريت عليها أثناء رحلتي لسويسرا و قضيت فيها بضعة أيام المشكلة ما ارتحت لناسها وجوههم معكرة وفوق هذا يحتقرون اللي يكلمهم إنجليزي شو أسوي ما أعرف فرنسي؟؟ إنجليزي الحمدلله غيره لأ!! يا ليت تعطيني فكرة عن فرنسا يمكن أتشجع و أفكر أزورها للسياحة رغم اللي شفته و ألف شكر على ردك الجميل.

ـ أهلاً ½][KING-911][½ و الله كنت أفكر في المالديف لكن الناس اللي أعرفهم و زاروها قالوا لي تصلح لأربع أو خمس أيام و إني بحس بالملل لو طولت فيها أكثر.. شو رأيك ؟؟ هل كلامهم صحيح أو لك وجهة نظر أخرى، و فرضاً فكرت أروح المالديف عطني أسماء أهم الجزر اللي تنفع للسياحة و أهم المنتجعات اللي فيها.. و ألف شكر على ردك الرائع.

[Dark Devil]

حظــــاا سعيــداا في الرحلات

[QataR NighTMarE]

انصحك بـ امريكا <== عشان يقولون ارهابيه
لآ امزح الله يسلمج عندج دول كثيره
مو لازم دول اجنبيه
في دول عربيه حلوه
كمثال مصر وبالذات شرم الشيخ تراها روووووووعه
وعندج ايطاليا واذا تحبين الأثار التاريخيه عندج اليونان جميله وحلوه
وكمان لبنان رووووووووووووووووووووووووعه

[DE NILSON]

اها صح كلامك

في ناس ماتعجبهم باريس وانتي شكلك منهم

اذا كدا جربي تروحي هولندا يقولو مرة حلوة

[kakashi]

السلام عليكم ،،كيف الحال اختي
صراحة تبين الصدج عليج بدبي لأن ما شي احلى عنها ... وهي بعد بلاد عربية و أهلها طيبين وااااايد
و هي تزهو كل صيف و الكل يجيلها
و أنا ما اقول جذي لاني من الامارات

[Dark Devil]

اها صح كلامك

في ناس ماتعجبهم باريس وانتي شكلك منهم

اذا كدا جربي تروحي هولندا يقولو مرة حلوة

THE GOOG PARIS خطيره مرة

[neji]

اختي انصحج روحي الهند او باكستان...لوووول
اصلا الامر ما يحتاج لكل هاي السالفة ...
انصحج بطلي اطلس العالم و اختاري البلاد اللي تبينها....مع العلم اني قضيت اجازتي في استراليا...والله كشخة.
و السموحة..

[Dark Devil]

أنا قضيت أجازتي في لندن أسبوعين وشكرااا

[أميرة حبيبي]

شكراً لردودكم جميعاً:
ـ ..cRaZY CAR.. أهلاً و أتمنى لك أيضاً السعادة إن شاء الله في جميع رحلاتك و لندن جميلة و شبعت منها و الحمدلله، باين عليك ذويق في الرحلات أتمنى لك التوفيق.

ـ هلا و الله بـ ولد البوكواره بالنسبة لأميركا من أجمل الدول اللي زرتها و نسيت أذكرها فوق زرت ( ميتشجن و أوهايوا و واشنطن و شلالات نياجارا و كاليفورنيا و شيكاغو و غيرها )و بصراحة و بكل أمانة أكثر دولة ما حسيت فيها بنظرات احتقار للمسلمين مثل اللي اشوفها في كثير من الدول الأخرى كانت أميركا هذا طبعاً قبل الضربة لأبراج نيويورك أم الآن أكيد الواقع اختلف، و بالنسبة للدول العربية فيها الحلو وفيها الشين لكن بدون ما أسمي هذي الدول كرهتها من كثر الشحاتين و النصابين الله يستر عليهم بس.. و اقتراحك حلو بالنسبة لإيطاليا و اليونان بفكر فيهم و بختار إن شاء الله.

ـ أهلاً DE NILSON للأسف الظاهر إني من هذيلا اللي ما يطيقون الفرنسيين و اقتراحك جداً جميل بالنسبة لهولندا فعلاً ما زرتها و ما مرت في بالي بس أكيد بفكر فيها لأنها من زمان تعجبني بس ما صارت لي فرصة إني أزورها و بصراحة كنت أشوفها دايماً و أنا فوق في الطيارة و كانت تهبل كأنها جنة في الأرض !!طيب كيف إذا نزلت فيها ؟؟ في غاية الروعة و أنا فوق بس أكيد حلوة و يسلم لي ذوقك الحلو يا DE NILSON.

ـ هلا kakashi الانسان اللي عمره ما زار دبي كأنه ما سافر العمر كله نحن إخوان لأني مقيمة في دبي و أنت في العين و ألف شكر على ردك الجميل.

ـ هلا neji الهند و باكستان أكيد روووعة بس أخاف من هذي الدول ما أدري ليش أحس جسمي يقشعر لما أسمع فيهن، و ياليت السالفة تكون بس في إني أختار أي دولة من الأطلس و أريح نفسي لكن اللي ما بلقاه في الأطلس هو الخبرة و التجربة لذلك سألتكم علشان تساعدوني و ترشحون لي دولة تستحق الزيارة سواء زرتوها أو سمعتوا عنها لأن توجد دول أسماءها أحلى من أشكالها.. و أستراليا زرتها مرتين و كانت من أمتع الرحلات حقيقة..شكراً على مرورك الكريم.

و الآن الدول اللي رشحتوها لي: المالديف و إيطاليا و اليونان و هولندا ....... بفكر فيهم و بسأل عنهم و بخبركم أي واحدة اخترتها .. بس أتمنى أعرف جزيرة موريشيوس تستحق السياحة في الصيف أو ما عندكم فكرة عنها أو ما سمعتوا فيها؟؟ بانتظاركم أعزائي... مع تحياتي: أميرة حبيبي.

[DE NILSON]

ــ أهلاً DE NILSON للأسف الظاهر إني من هذيلا اللي ما يطيقون الفرنسيين و اقتراحك جداً جميل بالنسبة لهولندا فعلاً ما زرتها و ما مرت في بالي بس أكيد بفكر فيها لأنها من زمان تعجبني بس ما صارت لي فرصة إني أزورها و بصراحة كنت أشوفها دايماً و أنا فوق في الطيارة و كانت تهبل كأنها جنة في الأرض !!طيب كيف إذا نزلت فيها ؟؟ في غاية الروعة و أنا فوق بس أكيد حلوة و يسلم لي ذوقك الحلو يا DE NILSON.

ـ هلا kakashi .

العفو وهذا من ذوقك

[Dark Devil]

العــــــــــفو يــــــــــــــــــــــــــــــــــــــــــــــــــــــــــــــــــــــــــــٌـــــــــــــــــــــس تي

[neji]

عفوا اختي على الرد...
و خلاص لا تروحين الهند و باكستان ما دمتي تخافين.... و انا كنت اتغشمر وياج
عيل روحي أفغانستان.هاها اتغشمر بعد....