الغاء بطولة قطعه 13 بعد التاكد من ان تنظيمها لايجوز شرعا

[مستر اكس]

بعد الاعتذار من كل المشتركين فلقد تم الغاء البطوله وذلك بعد زيارة احد الاخوان الملتزمين للمحل واطلاعه على عدم جواز تنظيم مثل هذه البطولات لاانها تعتبر كحال القمار ولهذا تم التنويه واداره المحل تعتذر لكل المشتركين وتطلب منهم مراجعة المحل لااستلام اشتراكاتهم مع الف شكر وتقدير لهم

[ديفرنت]

مرحبا اخوي مستر اكس

سبق وان اخبرتك في موضوعك السابق ان البطولات اللي مثل كذا ماتجوز

على مشكور وجزاك الله خير

تحياتي للجميع

[ابو فيصل 966]

هذا اللي ضيعنا كل ماجانا واحد وقال انه ملتزم صدقناه في كل شيء

يعني بالله وش الحرام في شباب قاعدين يلعبون بلايستيشن ويتنافسون ايش المشكلة بس اذا قصدكم الهدية اللي يحصل عليها بعد الفوز فمو لازم الهديه مجرد يكون شيء رمزي


تحياتي

[TAM2003]

يا بو فيصل المشكلة و من المسابقة ولا كون هناك هدية للفائز
المشكلة في طريقة أعداد الجائزة اللي هي حصيلة جمع المال من المشتركين لكي يحوز عليه شخص أو شخصان.
لكن لو أن المحل تكفل بالجائزه كان ما فيه مشكله.

[ابو فيصل 966]

ياخي الناس قاعده تلعب مو عشان جائزة عشان يوسعون صدورهم بس والحل انه الفائز يوضع اسمه في لوحة اعلانات في المحل المقام فيه البطوله ويعطى هدية زمزية ماتساوي حق اشتراكه لوحده فقط

اهم شيء المنافسة.

[MOJ]

خي ابوفيصل هذا دين وشريعة وعليها يترتب العقاب والحساب وليس مجرد كلام تقليه من شتفاك لاتلقي لهُ بالا , اللعب بهذه الطريقة قمار حذر من الكتاب والسنة وهو قريب للقمار الذي كان في الجاهلية والمعمول به في دول الغرب ومحلات الخنى وحانات القمار والميسر ,اما اللعب ويكون الدفع من شخص واحد فانه يجوز ,اما ان يجتمع 100شخص ويدفع كل واحد 100ريال ويكون الفائز له مبلغ 10000ريال فهذا القمار المقيت اعذنا واياكم وجميع المسلمين من الوقوع فيه.
واشكر تجاوب محل قطة 13 على الرجوع والله انه لامر افرحني كثيراً.
وان اردت ان افصل لك في المسأل التي درسناها في الثنوية فلك هذا.
والسلام عليكم ورحمة الله وبركاته.

[بوعبدالرحمن]

أنا قلت من قبل بس معليه

على العموم
أهم شيء أنكم فهمتوا الموضوع وبس
وجزاكم الله خير على إلغائها

أخوي ابو فيصل أتمنى تفهم السالفة عدل
وترجع عن كلامك

[ابو فيصل 966]

MoJ/ اتمنى انك تقرا كلامي زين قبل ما تكتب عشر اسطر وتتعب ايديك

بوعبدالرحمن/ اتمنى انك انت اللي تفهم السالفة

[بوعبدالرحمن]

لا تعليق على كلامك أخوي فيصل
ولاتزعل علي ، لأني ماني مقتنع بكلامك مادام السالفة بفلوس

وأنا أعيد وأكرر جزاكم الله خير يا محل قطعة 13
وإن شاء الله يبارك لكم في محلكم

[ام فيصل 966]

الاختلاف في الراي لايفسد في الود قضية

[بوعبدالرحمن]

صادق أخوي بوفيصل

بس شفيك مغير إسمك لأم فيصل

[أبومروان]

يا شباب

عندنا في عمان تقام بطولات لكن بشكل مختلف ...

أنا صراحة مستغرب من اللي يصير معاكم ...

كل شخص يدفع ريال عماني واحد (10 ريالات سعودية) ، عدد المشتركين لا يصل للعشرين ...

و في النهاية الجائزة جهاز تحكم أصلي ، أو ميموري كارد ، أو لعبة أصلية .... و إذا كان صاحب المحل كريم يخليه يأخذ أكثر من سي دي ... ، و هناك جوائز للمركز الثاني و الثالث و الهداف (يعني أكثر لاعب سجل أهداف بفريقه) ....

يعني باختصار ، النقود اللي يتم دفعها من اللاعبين لا تصل لنصف ما يدفعه المحل ... كل هذا فقط لإبراز اسم هذا المحل ..

هل يسمى هذا قمااااااااااااااااااار ؟؟؟

[الجمعان]

أفضل شيء طريقة أخوي أبو مروان

[ابو فيصل 966]

يسلم فمك ابومروان ياخي ذبحونا عجزت افهمهم
قال واحد لهم حرام خلاص مافيه نقاش كله اجل صار حرام



ملاحظه / المنتدى احيانا يذب خيط وخيط

[boss898]

ياجماعه الحكم واضح بهذي الامور يعني مايبيلها كلام

لاتكبرون الموضوع اكبر من كذا