انهيت ماريو كارت^^............ وبمناسبة ذلك.... عندي كم كلمه بقولها-__-

[wario2002]

السلام عليكم....

ختمت ماريو كارت اليوم العصر اكيد بعضكم ختمه من زمااااان بس انا ما شريته الا متأخر.........المهم

انا ماتوقعت اللعبه بتنتهي بهالسرعه........ اذكر ايام اول يوم كنت العب زيلدا اوكرانيا اوف تايم ، كانت اللعبه طويله..... يعني يمكن تقعد عليها شهر وانت ماخلصتها ، اما العاب الحين..... مثلا ماريو سن شاين...... انا لعبت 7 ساعات وجبت 73 شاين........وويند ويكر لعبت 4 ساعات وخلصت اول تيمبل وثاني تيمبل وكان يمديني على الثالث بس قعدت استكشف الجزر......

وين الألعاب الحلوه الي تقعد معك وقت وانت ماانهيتها........... من اول ماشريت الجيم كيوب ماحسيت اني العب لعبه حلوه وطويله الا في لعبتين............ سماش بروذرز وانمل كروسينج.....

الحين الألعاب قصيره وسعرها 250 ريال....... ليش؟؟؟ اول كان عندي 15 لعبه جيم كيوب....... بس الحين 8 تدرون ليش؟؟؟ كل مابغيت اشتري لعبه جديده مامعي فلوس......... لازم ابيع العابي القديمه علشان اشتري العاب جديده.....

مثلا ماريو كارت...... ماقدرت اشتريه الا يوم بعت 3 العاب من عندي........ بس فكرة البيع صارت حلوه وفيها مكسب........

اشتري الألعاب وامل منها بعدين ابيعها بنص السعر........... واليوم انا رايح ابيع ماريو كارت لأني محتاج اشتري كم لعبه مستعمله والعب فيها..... المهم ماودي اطول عليكم هذا الي بغيت اقوله...... مع اني ادري انه مب مهم وماله فائده..............بس حبيت اقولكم هذا الكلام......

وشكرا...

[LINK0072]

أولاً مبروك عليك تخليصها

بالسنبه بأن الألعاب قصيره اعتقد ناقشت الموضوع معك بالماسنجر لكن ازيد على كلامي انه فعلاً الألعاب بدت تطلع قصيره وصارت العاب الـ RPG هي الألعاب الي تلقاها طويله وقليل من الأنواع الثانيه..وهلحين تلقى بعض الألعاب قصيره وغير جيده ويحاولون يعتمدون على شهرة الأسم في نجاحها...او محاولة اخراج اللعبه بأسرع وقت ...

وشكراً على الموضوع

[wario2002]

الله يبارك فيك وكلامك كله صح ومشكور على الرد.

[Yoshi SD]

مبرووووووك...

حتى أنا لاحظت أن الألعاب بدأت تصير أقصر.(بس كنت أقول أن السبب في تحسن لعبي)

يس لو تقارن بين ويند وايكر بـ OoT بتلاحظ فرق كبير.

ونفس الشي بالنسبة لماريو 64 و سنشاين.

وألعاب كثيرة غيرها.

يا زين أيام أول يوم كانت اللعبة تحدد بالمتعة مب بالجرافيكس والأشياء التكميلية الثانية <== (مسوي انه شايب)

[wario2002]

الله يبارك فيك...
=========================
(بس كنت أقول أن السبب في تحسن لعبي)
=========================
هههه يالفنان .


===============================================
يا زين أيام أول يوم كانت اللعبة تحدد بالمتعة مب بالجرافيكس والأشياء التكميلية الثانية
===============================================
والله انك صادق وحكيم....مثل الشياب .

[aoks]

ماريو كارت؟؟ حلوة جماعية بس

[wario2002]

مثل ماقلت اخوي اوكس........... حلوه جماعيه بس الواحد يمل منها اذا انهى فيها كل شي....... انا ماحبيت اللعب الجماعي الا بالجراند بريكس........

انا العب الجراند بريكس مع اخوي.......... اما اذا كنت بدون اخوي..... اقولك ان اللعبه ماتسوى.... ومشكور على الرد.

[Golden_Sun]

مبرووك على ختم اللعبة ^^ ..
وعقبالي ان شاء الله

اما عن كلامك .. صحيح للأسف
فيوتيفل جو قصيره لولا وجود طور الAdult لكنت تقدر تنهيها بيوم او يومين
سن شاين همم متوسط الطول ..

انا حتى في فينال فانتسي 10 وتاكتيكس ادفانس لاحظت هالشي .. اللعبة قصيره

[DeadLy_]

ترى مو بس العاب الكيوب صارت قصيرة ايضا بعض العاب الاكس و الps2قصيرة

[aoks]

سوني كيد...لكن ليس بكثره العاب الكيوب

للاسف الكيوب تفوق في هذه الناحية

[wario2002]

Golden_Sun: الله يبارك فيك........ تصدق كنت ناوي اشتري فيوتفل جو بس قالولي انها قصيره بعدين شلت الفكره من راسي .....
=====================================================
sonykid: صح كلامك...... بس هم بعد لو تلاحظ ان الكيوب العابه اقصر العاب من بين الأجهزه كلها.

[Hardcore~Gamer]

مبروووووووووووك

انا شريتها قبل اسم مع فيووتفل جو وريسلمينيا ..

المهم تراني ما قريت كلامك فوق يا واريو تدري ليش؟؟ !! خايف اقرا اشياء تخرب علي اللعبه

[Hardcore~Gamer]

سويت مغامرة وقريت كلامك والحمد لله ما خربت علي اللعبه ..

المهم بالنسبه للمستعمل انا بديت اشتغل فيه من فترة ... لكني ما ابيع الا الالعاب السخيفه جدا والي ما اطيقها
اما الاعاب الحولة اخليها عندي ...

وانا استفيد من المستعمل لمن اشتري..لان في العاب قديمه تفوتني وما احصلها الا مستعمله وباسعار حلوة .. مثلا ويف ريس اخذتها ب 80 ونفس الشيء بومبر مان جينيريشن .

اما الالعاب الجديده الي توها نازله اشتريها جديده وانا شريت للحين 3 العاب مستعمل وبعت 3 ..

وعندي الحين 17-18 لعبه ..كلها شريتها جديده لكن زي ما قلت فوق بعت منها 3 سخيفه وشريت بقيمتها 3 مستعمل

[فاضل711]

الصراحة مثل ألعاب البي سي ما في !


أنا اللعبة الوحده أقعد عليها 6 أشهر لين ما أمل منها و الأسباب هي :

1 وجود طور single player

ثانيا multiplayer

ثالثا وجود modifications

رابعا وجود expantions

و أنا بعد ما لعبت بألعاب البي سي نسيت شي أسمه كونسلز

!!

[wario2002]

The Game Cube: انا ماشتري العاب قديمهمثل ويف ريس وبومبر مان.... انا اعتبر انها خساره اشتريها بـ80..... في العاب حلو وجديده واصحابها يبيعونها بأسعار ماتتوقعها......

مثلا.... انا في 3 يوم عيد......رحت لألعاب الكمبيوتر وقالي ان في كيربي اير رايد بـ70 ريال وامريكي.... بس انباع في 2 يوم عيد ومامداني عليه وللحين وانا ادور على كيربي.....
===============
وعندي الحين 17-18 لعبه
===============
كان عندي مثل هالعدد من الألعاب بس........انا احب الألعاب ولازم اشتريها بأي طريقه....... واذا طلعت لعبه جديده لازم اسوي اي شي علشان اشتريها....... علشان كذا بعت العابي وصار عندي 8 العاب واليوم ببيع ماريو كارت وبيصير عندي 7 العاب.... متى يطلع الكوبي ويفكنا ....

=====================================================
فاضل711: انا معك في هذي النقطه........ العاب البي سي طويله مره........ بس ماتحس بالمتعه لأنك تستخدم الماوس...... واكثر الألعاب 2D وتتعبك في التفكير...... الجيم كيوب والسوني 2 عندي احسن بكثير من البي سي.........

مشكور على الرد اخوي.