>> هزلت <<

[Neo Cid]

السلام عليكم و رحمة الله و بركاته ..

شباب انا مستعيل و بكتب لكم بسرعة كلامي ..

المشاكل الأخيرة اللي صارت بمنتدى الرسم الحر المبارك كانت أحد أسبابها التواقيع و الرسوم ..

فحبيت يا ادارة منتدى الرسم الحر تحطون قوانين تحددون رسمات الإناث و قواعد الرسم اللي يكون في

حدود ديننا وما يتعدى التعري أو الرسوم المحرجة ..

نصيحة ..

و حتى بقول ..

منتدى الرسم كان بأفضل ما يكون .. و المشاكل كانت خارجة عن حدود الطائفية .. مستغرب أنها تحولت
إلى طائفية بحته ..

وأنا بدوري أطالب بعودة الاخ ميثم ولو كان بأيقافي و عودته ..

ميثم منا و فينا .. و علاقتنا بمنتدى الرسم الحر أكبر من أنكم تسمونها يا ادارة المنتدى صداقة أو أخوة ..

أحنا أصدقاء إخوان ..

و ما اظن انكم لو درتوا المنتدى بكبرة ما راح تشوفون اللي احنا نحس فيه ..

** لو تردون كل شي مثل ما كان قبل .. وعد منا أعضاء منتدى الرسم الحر أن الادارة راح تقول بالتغييرات

اللازمة حول قوانين الرسوم و ما إلى آخره .. بس أرجوكم لا تخربون بهجة الأعضاء ..

و شكرا ..

السلام عليكم

[Rewayah]

وأنا بدوري أطالب بعودة الاخ ميثم ولو كان بأيقافي و عودته ..

راح يرجع إن شاء الله.

[Space Cowboy]

..اضم صوتي لأخي نيوسيد !

و متأكد تماما ان عائلة منتدى الرسم الحر كلها معنا ..نطالب بعودة ميثم للمنتدى

..اظن المشكلة انتهت و الأمور هدئت ..اعيدوا ميثم

[wildkitty]

عاااااااااااااااااااااااااااااااااا



صراحه ناااس فااااضيه


شيبون طاردين ميثم


شتبوووون

شايفين نفسكم مراقبين يعني

تقعدو اطردون كل من هب ودب

هذه ماهو عقل وله ما يحزنو


ميثم لااااازم ترجعونه

[Rinka Kitsune]

o.k

[لوجــــــين]

سلااااااااااااااااااااام على الفنانين و الفنانات

نيو سيد كل كلمه قلتها بهل موضوع توزن بلد ^^

وانشالله اخونا ميثم يرجع بسرعه

[ODIN]

من ناحيه ميثم المشكله بسيطه جدا .. والي فهمته من الرساله الخاصه الي وصلتني من هداف انه عرف ايش المشكله الي عملها وراح يمشي مع الوضع الي بالمنتدى ...

من اساس مانبي احد يفتح مواضيع طائفيه لان الخسران تعرفون مين هو .. وكذا مشكلة صارت والنتيجه واضحه للجميع ...

راح ارجع ميثم من باب الصفح من الادارة وشفاعة كثير اعضاء مميزين له .. وراجاءا اتمنى انه يعرف وضع المنتدى زين حتى ما ننحرج معاكم مرة ثانيه اذا احد من المراقبين العامين او مشرفين وقفه ..

رجاءا يرجع لكن بدون ما تفتحون هذي السيرة مرة ثانيه وكأن الوضع طبيعي وما صار شي ..

العضو غلط بنشره لحديث مخالف وغير صحيح بمذهبنا السني .. ويكفي بانه يعتذر حتى يزال الايقاف بكل اريحية ..

الموضوع مقفل .. تلاحظون ان سياستي هذي الايام مقاربه للكبت والاغلاق .. لكن والله اكتشفت ان هذه انسب طريقة .. لو فتحنا الموضوع للجميع كان صارت مشاكل ومنابزات مالها نهاية وبكذا يزداد الشر والاعضاء يتفرقون اكثر ..

فاذا انا قفلت الموضوع .. كل الكره راح يجي علي انا ... وانا صارت عندي مناعه من هذا الشي مب مشكله اكرهوني بس اهم شي لا تتمشكلون فيما بينكم .. انا يكفيني ان اجد شخص واحد فقط يقدر الي افعله والحمدلله موجود ...

المشكله انتهت ولا اعتقد انه من المناسب ان يجي احد يفتحه بعدي ..
سااامع يا رواية