نجاة الهلال وما حدث للاعبيه من مصادر موثوقه (( والله كبير يا الاهلي ))

[نجمه الليل]

مراحب ....

نعم لقد نجى الهلال من هزيمه مؤكده
فقد استطاع الاهلي الرائع بكتم انفاسه الى نهاية المباراه
ولولا عارضة الدعيع لرأينا شئ اخر


هدف الهلال اتى من خطأ تيسير النتيف ولم يأتي من مهاره او فن
فجاء الهدف القاتل لسعود الخيبري المنتقل حديثا من الطائي
ليعرف الجميع ان الاهلي لا يرضى بالخساره


تعادل الاهلي هو خساره له
اما تعادل الهلال فوز لهم

والدليل فرحة المدرب الهلالي و رئيس النادي عندما اطلق الحكم صافرته
===== اكيد شفتم حركة رفع اليد

ولكن لم ينتهى الدرس الاهلاوي بعد
فهناك الدور الثاني وياويلكم من الكواسر

ــــــــــــــــــــــــــــــــــــــــــــــــــــــــــــــــــــــــــــــ
مقتطفات من المباراه :
افاد مصدر موثوق به
ان اللاعب عبدالله سليمان وبعد الانتهاء من المباراه توجه مباشرتا الى الطايف
حيث كان يبحث عن مقعد فاضي
اما اللاعب فهد المفرج فقد نام نوما عميقا وتمنى ان يكون كل ما حدث حلما او كابوسا
واللاعب خالد عزيز فقد قرر اجراء عمليه في كل مفصل من مفاصل جسمه والكشف على اربطته لعل وعسى يكون فيه مفصل صاحي
والدعيع قد رفع شكوى للمحاكم بسبب هدر تاريخه و مسحه كاملا من قبل لاعب لا يتجاوز عمره 20 سنه
اما المدرب قرر ان اول طائره تذهب الى بلاده راح يحجز فيها
و الجماهير قررت المكوث في البيوت عند ملاقاة الفريق الاهلاوي خوفا من طيحة الوجه

و ذكر المصدر ان المتسبب بكل هذه الاحداث التى تجري على اللاعبين هو الارهابي (( كـــــــــيـــــــم ))
اللي سحب فيهم و هزأهم من اول المباراه الى اخرها حتى داخوا :hypnotize

اما الاهلي فقد خرج وهو يجر اذيال الهزيمه
و الهلال العكس

بالتوفيق للاهلي في مبارياته القادمه

ــــــــــــــــــــــــــــــــــــــــــــــــــــــــــــــــــــــــــــــــــــ

ايش اخبار الاتحاد
سمعت انهم ما عندهم سالفه
انا قلت الاهلي هو الاجدر بتمثيل الوطن
و نشوف ايش راح تسووا مع الكويت الكويتي

ــــــــــــــــــــــــــــــــــــــــــــــــــــــــــــــــــــــــــــــــــــ

طبعا يضل هذا الموضوع للتسليه
لكن مافي مانع من كونه واقعي

واللي عنده اضافه يضيف




اهلاويه صميمه :arabchatr

[Owashiq]

مباراة الأمس كانت جميلة
وانا اعتبرها مباراة بين الأهلي والدعيع فقط
اولهلال نجى كالعادة من هزيمة كبيرة
*
اللاعب البرازيلي المحترف في الأهلي ( دياز ) لعب في الهلاليين لعب
بصراحة لاعب موهوب ذكرنا باللاعب يوسف الثنيان
يعني ما تقدر تأخذ منه الكورة إلا بالخشونة
*
هذا اللاعب (دياز) ما راح يطول في الأهلي
لأن مكانه في أوروبا مو هنا في الدوري السعودي
*
الكابتن العزيز (نواف) ما زال بعيداً عن مستواه
لو يعود إلى مستواة الطبيعي فالهلال سيكون له شان في البطولة
*
نصراوي صميم :vereymad:

[DE NILSON]

ههههههههه ياخي ناس ماادري كيف شافت المباراة

يعني الهلال بيلعب في ارضكم وفي غياب 5 اساسيين الدوخي- سيسيه- الغامدي- الجمعان -سامي

وفي جدددددددده يعني تخيل الجهة اليمنى في الهلال كلها مشلولة


ذياب مجرشي لعلمك هذه اول مباراة يشارك فيها هذا الموسم حتى احتياطي عمره مادخل في التشكيلة الاساسية

العنزي الله يا يبارك فيه اللاعب رقم 12 في الاهلي اخ اخ لو سيسيه كان مكانه والله ثم والله لكانت تاريخية هلالية

حتى هدف الاهلي جاء بسببه قاعد يتفرج على الخيبري وهو يثبت الكورة ويسدد


على فكرة حسين عبداالغني كان اسعد لاعب في هذه المباراة لأن الجهة اليمن ىفي الهلال كانت مشلولة بعد غياب الدوخي وسيسيه

وهذا ماجعل عبدالغني يقدم مستوى حلو لكن على من ؟ مجرشي والعنزي

على العموم انصحك بدخول منتديات الاهلي

وشوفي الفرحة الحقيقية هناك بالتعادل شوفي مواضيع التبريكات بالتعادل والفرحة ويكوووي ومدري ايش خخخخخخ

على قول احدهم احنا ليش فرحانين بالتعادل اذا مافزنا على الهلال وهو ناقص 5 اساسيين اجل متى بنفوز


الشي الوحيد اللي اعترف به

بأن كيم هو سيرجيو الجديد ومسخر بالهلاليين

لكن لاتنسي بان سليمان وعزيز والخثران معاهم كروت يعني اي كرت اصفر راح يغيب المباراة القادمة لذلك لم نرى التحامات قوية بكيم


على العموم الشوط الاول كان هلالي والثاني اهلاوي واكيد بيكون اهلاوي

يعني احا الهلال فايز عليكم في جده وبغياب 5 وكمان تبغوه يهجم في الشوط الثاني

اكيد الاهلي بيضغط ويسيطر ويضيع فرص مادام يوجد هناك حارس اسمه

محمد الدعيع

اتمنى ان تبتعدي عن العواطف في كتاباتك وياليتك فتحتي موضوع قبل المباراة

وتحديتي


عشين يفوز الهلال


لكن خسارة ما عملتي موضوع


وعلى الععموم حنا دلعناكم في جده وفي الرياض على درة الملاعب

بنتفاهم ثاني

[الرهـــيـــب]

بالموت جابوا التعادل وطلعوا فرحانيين ويقولون انهم خسروا بالتعادل ههههههههههههه


احمد ربكم ان مدربنا جبان ولا نزل الا مهاجم واحد كالعادة والله لو نزل ثاني كان المبارة انتهت من الشوط الاول


وبعدين مو عيب عليكم جمهور الهلال يثبت وجوده في جدة وجمهوركم ما له وجود في الرياض ههههههههه


ويكفيكم هدف المطيري قالوا غلطة النتيف هههههههه والله ما يتحملها كورة ملعوبة مبرومه من فوق الحائط اولفر كان ما يجيبها (هدف خرافي)


لا والجمهور الاهلاوي يغنون وفرحانيين بالتعادل ههههههههه

لكن اهم شي الهلال والاهلي قدموا مبارة كبار

[jo0oj_almrjo0oj]

اقول يا نجمه اليل
انتي متاكد شايفه المباراة؟؟؟؟؟؟؟؟؟

كلامك كلام وحده شايفه مباراة ارطاوي الرقاص وريال مدريد

شوفي المباراة زين واحكمي

[DE NILSON]

يكوووووووووووووي خخخخخخخخخ

[Scorpion KING-911]

رغم انني اهلاوي
لاكن النتيجة لم ترضيني ابدا ابدا ابدا


يعني اذا اننا تعادلنا وفي ارضنا وناقصهم 5 لاعبين اجل ايش نبي نسوي في الرياض


عا العموم تيسير النتيف هو السبب والا كان عا الاقل الاهلي في الصدارة الان


وانا ما ادري ايش يبغون في تيسير يعني ثلاثة ارباع بطولات الاهلي طارت بسبتة


لاكن الله يعين وانشا الله في درة الملاعب نحقق الفوز



ولكم تحياتي

[نجمه الليل]

Owashiq
كيم مو بس لعب فيهم لعب الا عدمهم
وخلاهم فرجه حق اللي سوى واللي ما يسوى


DE NILSON
اقوووووول
انا تابعت المباراه
وبعدين حتى حنا ناقصين ( فوزي و الزهراني و الشليه و القهوجي و عبيد ) وجاي تتفلسف
وبالعكس حنا زعلانين على التعادل انتم اللي فرحتم
واتحداك تجيب موضوع فرحانين فيه بالتعادل اتحداك
وحسين كبير طول عمره كبير حارق دمكم


الرهـــيـــب
يا زينك ساكت
الحين حنا فرحانين
مين اللي طار من الفرحه يوم صفر الحكم ومين احتظن اللاعبين يوم صفر الحكم
واكرر هدف المطيري غلط من النتيف مو مهارة اللاعب من متى المطيري له مهاره
وجمهورنا اللي بالرياض راح تشوفه في الاياب يا شاطر لا تستعجل
وماتقدر تحلف ان جمهوركم كان اكثر من جمهورنا
جمهوركم ينعدون على الاصايع ولا تنسى الاتهاديين اللي شاركوا بتشجيعكم


jo0oj_almrjo0oj
هذا اللي اسمه هروب من الواقع
بلا تصريف
قول ما تعرف ترد والا ماتقدر تكتب شئ
انا شفتها زين
بس انت باقي منصدم من واقعك او يمكن من شده الفرح ما تعرف ايش تقول


½][KING-911][½
اكيد
نحن كاهلاويين النتيجه غير مرضيه ابدا
وبعدين ليش قلبت كلامك
وخير ناقصين 5 حنا كمان ناقصين والا ايش تشوف ؟



الوعد الاياب يا هلاليين
والكاس والتاهل
اخضر X ابيض
وقولوا ماقلت




اهلاويه صميمه :arabchatr

[doctor 719]

الأهلي استحق الفوز وهذا يكفي....

[jo0oj_almrjo0oj]

jo0oj_almrjo0oj
هذا اللي اسمه هروب من الواقع
بلا تصريف
قول ما تعرف ترد والا ماتقدر تكتب شئ
انا شفتها زين
بس انت باقي منصدم من واقعك او يمكن من شده الفرح ما تعرف ايش تقول


الحين من الي جاب التعادل في اخر الدقايق؟؟؟ ومن الي بالصعوووووووبه جاب القول؟؟؟؟؟؟؟؟
والمباراة في ارض مييييييييين؟؟؟؟؟؟؟؟؟
وجايه تقولين حنا الفرحانين بالتعادل
اصلا من اول ما شفتك تقولين ان هدفنا مجا بطريقه فنيه وانا غااااسل يدي منك

ههههههههه ما اقول الا الله يستر عليك
ما بقا الا بنات ويفهمونا بالكورة
اقول صبي شاهي

[نجمه الليل]

doctor 719
صح لسانك
وصدقت


jo0oj_almrjo0oj
الاهلي بعد ما كتم على انفاسكم
جاب الهدف وحطم امالكم في اخر دقايق
بس لا تنسى ان الاهلي كان في اي لحظه راح يجيب هدف وانتم على نااااااااااااااااااااااار
الين انتهت المباراه
وعلى فكره البنات الان صاروا يهتموا بالكوره اكثر من الشباب
و يفهمون فيها اكثر من دروسهم (( مثلي يعني ))

والحين فهمت




اهلاويه صميمه :arabchatr

[الرهـــيـــب]

نجمة يا زينك ساكته قبل كل مبارة ازعاج وبعد كل مبارة ازعاج وفي الاخير ما تفوزون


هذا كلام واحد اهلاوي في منتداكم:

واحمدوا الله ان الشيحان وسيسيه والدوخي اليوم مالعبو ولا كنا رحنا وطيء

http://www.alahlisc.com/alahlisckt_v...threadid=49658

جمهوركم ينعدون على الاصايع ولا تنسى الاتهاديين اللي شاركوا بتشجيعكم

كثري منها جمهونا وقف بوجه جمهوركم

وبعدين هذي أعذاركم يا اهل جدة اذا لعبنا مع الاتحاد قالوا هذا جمهور الاهلي واذا لعبنا امام الاهلي قالو هذا جمهور الاتحاد


أتسائل لماذا فقط مع الهلال (هل الفرق الاخرى لا تلعب بجدة؟؟)

شوفي هذا الموضوع في منتداكم ولا تتكلمين على الهلال بعد كذا اوكي

http://www.alahlisc.com/alahlisckt_v...threadid=49692

[ORA]

أولاً: الأهلي والهلال حبايب وهم يمثلون الكرة السعودية ونتمنى ان يتأهلوا اثنينهم عن هذه المجموعة.

DE NILSON:
الأهلي غايب منهمنصور النجعي- محمد شلية- طلال المشعل- فهد الزهراني- فوزي الشهري- خالد قهوجي- عماد صديق) وما راح أذكر عبيد لأنه وجوده مثل عدمه لكن كل السبعة هذولي كانوا ما بين مصابين ومريضين (انفلونزا).
الجماهير في المنتديات ماهي فرحانة عشان تعادل بل فرحانة عشان المستوى المبشر اللي ظهر فيه الفريقين.
بعدين أرى ان كيم أفضل من سيرجيو واللي ما يعرفه الكثير ان كيم مرشح للإنضمام للمنتخب البرازيلي والمدرب اللي رشحه انه يلعب للأهلي هو/ سكولاري وذلك للعلاقة القوية التي تربطه بالأمير خالد بن عبدالله.
بعدين لعيبتك اللي تقول عندهم كروت وخايفين يلتحموا!!!!!
ليش هم غشمان ما يعرفون يقطعون كرة لاعب مثل عبدالله سليمان لعب في ثلاث مونديالات ما يعرف يقطع كورة؟؟؟؟؟ (أعتقد عذر أقبح من ذنب)

الرهـــيـــب:
جمهور الهلال جمهور كبير ومتواجد في جميع أرجاء المملكة ومو مستغرب يحضروا مباراة فريقهم في جدة. كما أن الأهلي برطوا له جمهور في كل مكان ولا تنسى كيف كان حضورهم في مبارياتي نهائي الدوري والكاس العام الماضي وحضورهم نهائي كأس المؤسس.
بعدين الله يرحم والديك كل الهدف ذاك ماهو غلطة النتيف صحيح المطيري شاته جميلة لكن واضح 100% انه غلط النتيف ولو كان الهدف دخل على الهلال كان قلت انه غلط حارس الهلال.
وجمهور الأهلي يغني والأهلي فايز ومتعادل ومهزوم لأنهم لا يفقدوا الأمل في فريقهم، وان كانوا فرحانيين فلمستوى الأهلي الذي ظهر به.

jo0oj_almrjo0oj:
أخي الهدف الأهلاوي جاب بطريقة ممتازة ما شفت كيف رفع الكورة من فوق اللاعب وسددها بقوة!!!! (للأسف العاطفة تغلب أحياناً).
(بكل عقلانية) الهدف اذا انحسب ما يحسوبونه بنص هدف اذا كان في آخر المباراة الهدف هدف في الدقيقة 1 ولا90 وبعدين ليش الهدف جاء بصعوبة الأهلي ضاغط طول الشوط الثاني لاتنسى ان كرة ماتياس في بداية الشوط الثاني فرصة حقيقية ضائعة والدبل اللي دبله كيم وتسديدة الخيبري الي ابعدها الدعيع لركنية وكرة لابراهيم سويد في الشوط الأول وسط دربكة شاتها وخلصها الدعيع لكورنر وأكثر من عرضية من كيم ما وجدت المتابع المتمركز صح، يعني المباراة كانت شبه متكافئة مع تفوق نسبي للأهلي.

أخيراً أحب أقول ان كيم لسى عنده الكثير يقدمه اصبروا وبتشوفوا.

أكرر وأقول الأهلي والهلال حبايب ويمثلون السعودية في هذه البطولة ونتمنى انهم يتأهلو عن هذه المجموعة.

[نجمه الليل]

جمر الوداع
كفيت و وفيت
وانشاء الله يفهموا منك
يمكن كنت اتكلم ياباني وانا ما ادري
وشفتي رد جمر الوداع في قمه الابداع والرقي
طبعا اهلاوي


الرهيب انت قلت
وبعدين هذي أعذاركم يا اهل جدة اذا لعبنا مع الاتحاد قالوا هذا جمهور الاهلي واذا لعبنا امام الاهلي قالو هذا جمهور الاتحاد

اولا انا ماني من اهل جده
وبعدين اترك الفلسفه شوي




ومضه
لا تحاولون الكاس اخضر وابيض
واعلى مافي خيلكم اركبوه



اهلاويه صميمه :arabchatr

[الرهـــيـــب]

للأسف ما قريتي ألي مكتوب فس منتداكم

ومباركتكم لبعضكم بالتعادل