Viewtiful Joe

[Trapped Inside]

والله غريبه هذي اللعبه من افضل الالعاب الي لعبتها بحياتي..ومحد كتبلها تقرير.. يلا انا بكتبلها تقرير..

الناشر : capcom
المطور:capcom
النوع:Action

القصه

قابلوا بطل العالم الجديد انه Joe...شاب عادي يعشق افلام stunt-filled Action..وفي ليلة من الليالي خرج مع صديقته الى السينما لمشاهدة احدى هذه الافلام ولكن صديقته لا تحب هذا النوع من الافلام وفي اهم لقطات الفلم كان تضايقه صديقته.. فلم يستطع مشاهدة اهم اللقطات فغضب جوي...فجأة شخصية الفلم الشريره يمسك بصديقة جوي ويدخلها الشاشة..وحصل نفس الشي مع جوي لكن من قبل الشخصية الخيره..

التحكم

التحكم في اللعبه ربما يكون معقدا ولكن ستعتاد عليه مع الوقت..ففي البدايه ستستخدم فقط ازرار قليله ولكن مع مرور الوقت والمراحل ستتعلم حركات اكثر وستسخدم ازرارا اكثر ولكنه امر بسيط تعتاد عليه مع الوقت...

الجرافيكس

الجرافيكس في اللعبه هو من النوع السيل شداد..بكل صراحه جرافيكس رائع وبسيط جدا من رغم انه يعتبر 2D (لكن المراحل ورسم الشخصيه يكون 3D )..

الاصوات

بالنسبه للاصوات فانا لست خبيرا في هذا المجال..لكن الاصوات بصفة عامه رائعه من ناحية اصوات تكسر الاغراض وضرب الخصوم..

التسلية

التسليه في اللعبه رائعه بكل المعنى..بصراحه اللعبه مره ممتعه وما تنمل منها بذي السرعه..ففي المراحل الاولى كل شوي بتتعلم حركه جديده بتحمسك اكثر للمرحله الي بعدها..والوحوش باللعبه متنوعين ورائعين..باختصار اللعبه مره ممتعه..

بعض الصور

وبالنهايه انصح اي شخص عنده الكيوب يشتري اللعبه وحتى الي ما عنده الكيوب اللعبه والله تستاهل انك تشتري الكيوب عشانها..



بالمناسبه هذا اول تقرير اسويه بحياتي وانشالله يعجبكم..

[دب مزيون]

هلا الله فيك ياسعودي وصرحة تقرير حلو مرة وبداية موقفة بس معليش سؤال صغير هو مانزل الا حصري
ووش اللغة الي نزل فيها يعني ياباني ولا انجليزي

[Golden_Sun]

شكراً على الموضوع سعودي ^^
واللعبة روعة .. وافضل شب وجود طور الAdult

ولو ترجع شوي للوراء بتشوف مواضيع عنها ^^

[megaman]

ماشاء الله حلو تقريرك اخوي سعودي 2002

وفيوتفل جو هي لعبتي المفضلة على الكيوب حتى الآن ..

وبالمناسبة اللعبة قد انكتبت عنها تقارير من قبل بس يمكن أنت جديد على منتدى الننتندو


ومبروك عليك اللعبة

[wario2002]

مشكور على التقرير الحلو ياسعوطي ...... وترى اللعبه حلوه مره وكنت ناوي اشتريها لأنها عجبتني مره يوم كنت العبها بالديمو.....

ودي اشتريها الحين بس الأختبارات قربت ويبغالها شدة حيل....... مشكور مره ثانيه^^.

[Naif Eissa]

اللعبة من افضل العاب العام .. و هي قدمت اسلوب البلاتفورم القديم بشكل جديد رائع ..

مشكور على تقريرك الحلو ^_^

[Trapped Inside]

دب مزيون

اي اللعبه حصريه على الكيوب...وطبعا في باللغتين بس الانجليزي احسن..

Golden sun

العفو...اي والله افضل شي الAdult لان الKids مره سهل >>>سوالي فنان.. اها يمكن ما انتبه للموضوع..

megaman

فله والله كلن يمدح..
حتى انا جو افضل لعبه لي بالكيوب..
غريبه انا لي كم اسبوع وانا اتصفح المنتدى بس ما انتهبت..
الله يبارك فيك..

wario2002

العفو وانت احلى..بالمناسبه حلو التدليع (سعوطي)..
يا رجال نصيحه مني اشترها بتخلصها باسبوع على الكثير والاختبارات باقي عليها اسبوعين..
العفو..

Naif eissa

اي والله اللعبه روعه وبصراحه عجبتني اكثر من زيلدا...
العفو..


والف شكر على الردود الروعه...^_-

[Super Shadow]

مشكور على الموضوع

مع أن اللعبة صارت قديمة

و مخلصها من زمان

[DR-Nintendo]

مشكور أخوي على الموضوع ^_^
بس اللعبة ما تستاهل بصراحة
الشي الوحيد اللي حببني فيها هو حوارات الشخصيات بس

[Trapped Inside]

Super shadow

العفو..والف شكر على الرد..


Dr Nintendo

حرام عليك والله اللعبه مرررررررره حلوه اذا كان عجبتك زيلدا هذا احلى منها...

[wario2002]

==================================================
حرام عليك والله اللعبه مرررررررره حلوه اذا كان عجبتك زيلدا هذا احلى منها...
==================================================
مب كأنك بالغت شوي... زيلدا احلى لعبه لهذا العام...... وانا برايي انها احسن من فيوتفل بمليون مره........... هذي زيلدا مب اي كلام ، انت مالعبت اوكرانيا اوف تايم وماجورا ماسك......مع انها كانت على الننتندو64 بس حلوه مره.

وآسف على المداخله <=== عاد انا عالريحه.

[Trapped Inside]

==================================================
حرام عليك والله اللعبه مرررررررره حلوه اذا كان عجبتك زيلدا هذا احلى منها...
==================================================
مب كأنك بالغت شوي... زيلدا احلى لعبه لهذا العام...... وانا برايي انها احسن من فيوتفل بمليون مره........... هذي زيلدا مب اي كلام ، انت مالعبت اوكرانيا اوف تايم وماجورا ماسك......مع انها كانت على الننتندو64 بس حلوه مره.

وآسف على المداخله <=== عاد انا عالريحه.

هلاوالله بواريو...انا متوقع ان احد بيرد مثل هذا الرد...انا ادري ان زيلدا لعبة العام ومره حلوه بس بصراحه جو عجبتني اكثر..يمكن انا الوحيد الي يقول كذا..
وبالاخير الناس اراء واذواق..