Blue moon V.S. Deko

[Blue..Moon]

بسم الله الرحمن الرحيم
كيفكم يا أعضاء ياحلوين شخباركم شلونكم شعلومكم؟؟
مرحبا بكم في هذا الموضوع اللي فيه نوع من التحدي والحين وبدون مقدمات وهذرة زايده أنا وديكو اتفقنا على ان نرسم هيكل لفكرة وبعدين نرسمها ونلونها وفي النهاية تكونو انتو الحكم تختارون الرسمة الفايزه علشان الفايز هو اللي راح يقرر الهيكل القادم وكبدايه احنا في البيت اتفقنا على هذا الهيكل :

[Blue..Moon]

وكنتيجه طلع معايا هذي الرسمه:

[john5]

Aoia Man
هممممممممممم أجل بدينا من الحين ؟ ؟ ؟
جنيتي على نفسك
خذي

[john5]

لحظه لحظه
اللورد زاكس تحداني















































CooooooooooooooooooooooooooooooooooooL قبلت تحديك زاكز (( ماعليه زاكز أذا أنتبهت في توقيعتك ماكنت قبلت تحدي أختي بس مابي أصير بو كلمتين ))
المهم أنا فيني محنة رسم هل يومين أنشالله 4 يتحدوني قابل مشكووووووووور زاكز على التحدي بنتطرك ^^ .

[Hard Rock]

ياسلام ياسلام
تحدّي بين بلوموون و جون 5
والله رسماتكم حلوين كتيييييييييييير كتير
بس خلوني اعلق عليهم شوي

رسمة بلوموون :
رسمها رائع وتلوين متقن كعادتها ^ ^ ولكن
-انا اشوف شكل جون 5 صاير شكله كأنه بنت شوي
-الحصان والجندي والباقي اللي اكلتوهم في الشطرنج المفروض يكونون جريبين منكم مو في الدريشة (الشباك)
-يد جون 5 اليسار على وين تأشــّر ؟؟؟
بس اللي عجبني اكثر شي في الرسمة هي قعداتهم

النتيجة النهائية :
9 - 10

أما رسمة ديكوو ^ ^ :
رسمك جميل وتلوينك خفيف ورائع ولكن
-الجلسة جامايكر مو مضبوطة مع اني متأكد انك تقدر تضبطهه احسن من شذي
- التلفزيون اللي في الغرفة موصـّـل بكيبورد ؟؟؟ أو ان الكمبيوتر موصــّــل بالبلايستيشن 2 ؟؟؟
- يد شخصيتك - ديكو - اليمين صغيرة جدا جداً ^ ^،،،
الصراحة انت أبدعت بالتلوين ( خفيف وحلو ^ ^)
بس اعتقد الشي الوحيد اللي مو مضبوط عندك هي شخصية جامايكر

النتيجة النهائية :
8.5 - 10

أتمنى اني ماظلمت أحد

يالله خلونا نشوف رسمات أكثر
وبالتوفيق جميعا ً
سلاااااااااااااااااااااااااااااام

[Hard Rock]

وييييييييييييين باقي أعضااااااااااااء المنتدى ؟؟؟
ليش ليحين ماردّوا هني ؟؟؟
يمكن مشغولين بالدراسة والامتحانات ؟؟
ووين بقية التحدّي يا ديكوو ويا بلووومووون ؟؟ !!

وعلى طاري التحدّي .. اذكر أيام كنا نتحدّى فيها أنا والخطاف وشاهين في رمضان (تتذكرون ؟ )
كنا نتحدّى رسم من بعد التراويح الي وقت السحور .. صج كانت أيام لاتنسى (ولا تسألوون من كان يغلب ذيج الفترة لأني ماقط غلبتهم دايما يا شاهين أو الخطاف ) ياريت لو نواصل التحدّي هالأيام لأني حاس ان لي امل ضعيف اني اغلبهم :naughty2: ...

يالله ..نشوفكم على خير
سلااااااااااااااااااااااااااااام

[yuki-babe]

هاااااااااااااااااااي ,, أوبس !! هذا الموضوع ما انتبهت عليه إلا الحين ^_^ ,,

واااو تحدي رائع ,,,

و أعتقد إن رايي من راي Hard Rock قال اللي في بالي تقريبا ,,,

آنا أشوف الرسمتين حلوين ,,

بس بلومون ضبطت وضعية الشخصيات و الأشياء أكثر من gohn5 , لكن gohn5 غلبت

بلومون بالتلوين ,, تلوينك بصراحة عجييييب مشالله ,, ناعم و مرتب ,,

لحظة لحظة آنا ما أقصد إن بلومون مو حلو تلوينها بالعكس تلوينك رائع لكن gohn5 غلبك

في تلوين هذي المرحلة من التحدي ^_^ ,,,,

و أعطي نفس الدرجات التي وضعها هارد روك لكل من المتحديان ,,,

و شكرا......

[Noobsaibot]

السلام ^^


الصراحة الصراحة رسمة ديكو وايد أحلى من رسمة الثانية (ألوانها وضعيتها ) وايد أحلى وووماعليك من الأعضاء البقايا خاصة هارد روك وأخوه الخطاف (المخوضر) لأنهم ما جوفون الرسمه شنو تحمل من تعابير

[الخطاف]

الله
تحدي... كلمتي المفضلة
بين من؟... ديكو وبلوون
كنت أقارن بين رسمكم من زمان
ممممممممممم
...
بدى التحدي بشكل جيد ومفاجئ
مممممممممممممم

رسمة بلومون حلوة وايد
الأجسام متناسقة أكثر من ديكو
والوضعيات بعد أكثر من ديكو
ووووو... حلوين بعدين أكثر
والخلفية أحسن بعد
والسجادة مصنوعة في الهند بعد... هذي نقطة إيجابية

أما عن رسمة ديكو (جون5)
تلوينه منسق أكثر من بلو مون وهادي ولطيف
وتظليلة بالألوان بعد أحلى
مممممممممممممممم

النتيجة أقول... بأن ...
مممممممممم...
هارد لك ديكو
أجوف بلومون غلبتك
معليش... عوض في الدوري الياي

وعلى طاري التحدّي .. اذكر أيام كنا نتحدّى فيها أنا والخطاف وشاهين في رمضان (تتذكرون ؟ )
كنا نتحدّى رسم من بعد التراويح الي وقت السحور .. صج كانت أيام لاتنسى (ولا تسألوون من كان يغلب ذيج الفترة لأني ماقط غلبتهم دايما يا شاهين أو الخطاف ) ياريت لو نواصل التحدّي هالأيام لأني حاس ان لي امل ضعيف اني اغلبهم :naughty2: ...

ياسلااااااااااااااااااام
ذكرتنا هارد بأيام فعلاً ماتنسي
تحدي مستمر على طول ليالي رمضان
ونسبة فوزك اللحين زادت وايد... طلعت إبداعك بشكل مفاجئ
مثل ماطلعت البحرين وعمان بشكل قوي في دوري خليجي16
...
ها؟... شرايك نتحدى في المنتدى؟

--------------
نايت مير:
من وين طالع أنت؟ مالك شغل فيني أنا وهارد لأدوس بجبدك فاهم :vereymad:

[may lee]

ممممممم.........شئ حلو تحدي (من زمان ما سمعت هذه الكلمة )

فكرة التحدي عجبتني ،وأحس أن المنافسة شديدة مابين الأشقاء (يعني كل واحد يبي لطلع كل مواهبه) زين زين

من نظرة الأولى أجوف أن رسمة ديكو تجذب أكثر من رسمة بلو مون لأن ألوان ديكو خفيفة متناسقة ومرتبة بحيث يقدر الواحد يميز ما بين الأشياء الموجودة في الرسمة

الشئ الثاني أن رسمة بلو مون مو محدد (حلو بس مو لهذه النوعية من الرسمات بس هذا يميزج عن البقية) لكن في شئ ما عجبني (في الرسمتين) أنا ما أقول أسنخدموا المسطرة بس شوي حاولوا أن ترسمون خط أكثر أستقامة خاصة عند بلو مون (الطاولة كلش)

أنا أدري أن وضعية الأجسام الشخصيات عند بلو مون أرتب شوي من ديكو بس أنا بضم صوتي إلى Noobsaibot أن رسمة ديكو أفضل بقليل من رسمة بلومون (على فكرة الوزير عندج وايد حلو من وين ياي بينه)

[john5]

أهلا ربع كيفكم ^^ ؟
هممممممممم ^-^ .... مشكووووووووووووووووووووووورييييييييييييييييين يأخواني على التصويت ^^ .
بمعنى ثاني النتيجه :
2 لــ Deko و بتصويت Noobsaibot و may lee
3 لــ Blue . بتصويت هارد و الخطاف و yuki-babe
بمعنى Blue فازت مبروك أختي ^_- الهيكل القادم لها بس هذي المره بتقن الشخصيه عدل عرفت أغلاظي (( هع هع هع هع هع ))
و مره ثانيه مشكووووووورين جدا على رائيكم أخواني بالفعل أنتبهت لأشياء ماكنت أنتبه فيها أنتظروا الهيكل القادم ... بعد الامتحانات -__-

[yuki-babe]

م م م م متى تخلص الامتحانات >_<

يالله ننتظر فعاليات التحدي القادم ,

هذا تحدي رائع , انشالله ما يتوقف لهذي النقطة ,

و نحن في انتظار المرحلة القادمة

,, حظا طيبا للجميع ,

[Hard Rock]

وووماعليك من الأعضاء البقايا خاصة هارد روك وأخوه الخطاف (المخوضر)

ههههههههههههههههههههههههههههههههههههههههههههههه .. أراويك يالتعبان
أعلــّــم عليك ؟ هيهيهيهيهيهي

[assassin]

ohh ... john vs blue moon ..


حلوه رسماتكم ... التلوين روعه ماشالله عليكم فنانين بالالوان الخشبيه

.....

كنت ابي انتقد شوي بس هارد روك ماخلى شي


يالله ماعلي ديكو انشالله في المباراه اليايه اتعوض ^^ .... ولا تتاخرون

[C.Falcon]

انا أرشح جون 5