القصة و باختصار شديد تقول :
مرة ثلاثة من الشباب حبوا يطلعون رحلة .... و اتفقوا انهم يروحون الجبل الموجود قريب من مدينتهم
كان الوقت في منتصف الليل و البرد ما في منه مثيل ... و الشباب طالعين بالجيب و يتمشون في الجبل ... و فجأة لقوا ان الجبل فيه غابة صغيرة ... دخلوها و تموا يتمشون فيها ... بعدين و بدون سابق انذار طلعت لهم بنت .. استغربوا الشباب.. من وين طالعة هذي في نص الليل ... واحد منهم خاف .. و قال رجعوني انا ما ابي اتم هني .... بس الثنين الباقين قالوا له بنتم و بنشوف شو سالفة هالبنت... المهم ... قربوا من البنت و سألوها :انتي شو تسوين هني و في مثل هالوقت ...
قالت : انا ضايعة هني و ابي ارد البيت ...
قال الاول : خلاص ... بنوصلج...
قالت : لا اخاف ابوي يعصب و يسوي لي مشاكل
قال : لا تخافين بنزلج عند الباب و بنشرد
قالت : اوكي ... يللا بينا ياللا ....
ركبت معاهم الجيب ... و قاموا يحاوطون في الجبل املا في العثور على البيت ... لما وصلوا القمة لقوا بيت ما في غيره ... واحد بس ...
قالت لهم : هذا بيتي وصلوني هناك ... و اشرت عند الباب ...
وصلوها الشباب و كانوا بيروحون بس قالت لهم : لحظة بنادي لكم ابوي ...
قال الثاني : لا لا بنروح الحين
قال الثالث: يا شباب انا مب مطمن ... خلنا نروح
البنت: لالا خلكم هني ... انا بناديه و بيي
دخلت البنت و تموا الشباب ينطرونها .. بس البنت ما طلعت ... ولا ابوها طلع....
الثالث : يا شباب خلونا نروح و نسلم بارواحنا
الاول : لا لحظة البنت يمكن معجبة بواحد منا..لحظة بدق الجرس
نزل الاول و دق الجرس.... شوي ولا وحدة عيوز الله لا يراويكم ويهها لين يوم القيامة
العيوز: نعم شتبي
الاول : سلامتج.. بس في بنية دشت توة و قالت بتنادي ابوها بس ما طلع لين الحين
العيوز: اي بنت؟؟
الاول : و الله و قسم بالله و انشالله اموت هالساعة اذا ما دخلت بنت من هالباب
العيوز: لحظة شوي
الثالث: يا جماعة الخير انا شاك في الموضوع و الله ان السالفة فيها ان
طلع الاب: هلا و مرحبا .. خير يا شباب شو بغيتوا؟؟
و حكوا له الشباب باللي صار... قال لهم : اقربوا عندي اشربو قهوة
دخلوا الشباب و جلسوا في المجلس
و شربوا قهوة من عند الشيبة
شوي .. جان يقول الشيبة حق الاول ..: تشوف هالبنت اللي في هالصورة؟؟
الاول : اي اشوفها
الابو: هي هذي اللي كانت وياكم؟؟
الثالث : انا مليش دعوة .. بموت من الخوف
الاول: اي هي بعينها و شحمها و لحمها
الابو: متأكد؟؟
الثاني : وليييييييييييييييييييييييييييييييييييين
الاول : اي متأكد
الابو: هذي بنتي و هي متوفية من خمس سنين ...
تغيرت وجوه الشباب ... كل واحد تم في حالة ذهول ...
فجأة بدأ وجه الاب يصفر .... و يشحب ...
قام الثالث و شرد ...
و وجه الاب يشحب زيادة و يقول .. قعدوا معاي شوي يا شباب
شرد الثاني
الاب و قد صار وجهه ابيض كالثلج ... ما تم غير واحد ... تم وياي يا وليدي
و مسك كتف الاول عشان ما يشرد و شوي ....
جان اقوم من الكابوس
...خخخخخخ
ريفلكس.. أو هاردروك !
Re: قصة حلوة ^^ يا ريت لو تسوونها مانجا ^^ و تحققون حلمي
مين يتبرع يسويها مانجا 
نبي نعرف شصار بالجزء الثاني 
,,
هم م م تصلح مانجا فعلا ,, أفكر أسويها هالعطلة ,,, ^_^
.. 
!!
