ما ادري اذا هالموضوع سبق و نوقش قبل و الا لا ..
لكن من ملاحظاتي انه اغلب مصممي الباتشات مازالوا يقولون اذا بغيت الانتقالات و الاسماء و اللاعبين الجدد يظهرون فلازم تحذف ملف الاوبشن القديم حقك ..
بينما حل هالمشكلة بسيط لكن طويل نسبيا بالنسبة للي يهمه الاوبشن القديم ..
مثلا انا ما زلت استعمل الاوبشن اللي انشأته من اول نسخة لويننج اليفن 7 نزلت و الي هي اليابانية ..
و اخر باتش نزلته هو باتش ديو الايطالي - تقريبا اصغر باتش فيه الانتقالات الحديثة و الملابس الرسمية مع الاعلانات للفرق و المنتخبات حيث ان حجمه 49 ميجا تقريبا مناسب للملطوعين مثلي على الديل اب لكن مشكلته انه باللغة الايطالية لكن مو مهم بالنسبة للي تعود على اللعبة -..
جميع الانتقالات عندي صحيحة و كذلك اللاعبين الجدد مثل كاكا و غيره..
طبعا الملابس نفس الي في الباتش لانه تتغير تلقائيا اذا ما كنت سبق و عدلتها ..
طريقة اظهار الانتقالات بسيطة و سهلة ..
و هي انك تروح لطور التعديل او الايدت ..
ثم تختار خيار الانتقالات ..
و بكل بساطة تضغط مثلث ثم اوكي و جميع الانتقالات لجميع الفرق راح تتحول للوضع الاصلي للشريط بمعنى اخر الوضع الاصلي للباتش ..
بينما طور التعديلات على اللاعبين هو فعلا طويل ..
حيث انك لازم تدخل لخيار تعديل اللاعبين ..
و تروح للاعب لاعب و تدخل خيارات التعديل عليه و تضغط مثلث ثم اوكي ..
و بهالطريقة راح تخلي كل لاعب يظهر شكله على نفس الهيئة الي في الباتش ..
هي طريقة طويلة لكن لو خصصت كل يوم 10 دقايق على الاقل لها الشي لمدة 6 ايام او ساعة كاملة مرة واحدة راح تخلي جميع اللاعبين بنفس ما هم عليه في الباتش مع الحفاظ على ملف الاوبشن حقك من حيث ظهور جميع الفرق السرية و غيره من الخيارات ..
المشاركة الأصلية كتبت بواسطة كلايفرت