اهلين شباب وحشتوني والله كلكم
عاد تصدقون اني كل يوم تقريبا ادخل المنتدى ولكن ما اشارك بشي بس اتلقف واقرا مواضيعكم الحلوة صار لي تقريبا اكثر من 8 شهور ماكتبت موضوع ابدا ....لانه ببساطة طول الفترة اللي راحت ماكان عندي سالفة ...اممممممممم الحين عندي سوالف صدقوني بس تولموا انتم
اول شي احب اسلم على اصدقائي الغالين زينوساجا
وسوني كيد ...اممممممم ومن بعد ياربي ....نسيت
المهم موضوعي اليوم خواطر شياب بما انه سنة 2003 انتهت...اصبروا اتأكد هي الفين وثلاثة والا لا تراني من جنبها بالتقويم والتواريخ المهم انه سنة قظت ....واللي لفت نظري في هالسنة اللي راحت انها كانت ثقيله مب ثقيل دمها ولا طولها ولا وزنها ولكن قصدي ثقيلة يعني محملة بالالعاب اللي نصها مالعبتها من كثرتها ..وبما انها كثيرة وانا جيمر ....اممممممممممم ايه صح قبل لا انسى بعلمكم بتصنيف معين عندي
بما انه اللي يفهم بالالعاب ويلعبها ويعشقها يسمى جيمر....وطبعا هذولي قليل مره لانه اكثرالموجودين هالاليام من جنبها مولود مع البلايستيشن ون ودايم لعبته المفضلة والتوب هي رزيدنت ايفل ويينج الفن وميتل جير ...لا وبعد الحين فيه فئة جديدة لعبتهم المفضلة والتوب هي هيلو وجراند ثيفت اوتو ..وفي كل موضوع ينطون بحلقك ويغلطون بالعاب عريقة ولها تاريخ يتعدى ال18 سنة ويرمي له كم كلمة عنها ثم يلزق لك عاد اسماء العابه المفضلة بديلا عنها وطبعا بتكون زي ماذكرنا هيلو او جراند ثيفت اوتو او ميتل جير ...واغثتي من كثر مايطامرون باسماء هالالعاب بكل موضوع ....زي اللي اذا مدحت فلم معين نط فيك وقال بس مب زي بريف هارت ..درينا ان بريف هارت فلم ممتاز وجدي شافه قبل مايموت ..المهم ان الشخص من هذه الفئة بدل مايسمى جيمر يسمى(عيمر)
فهمتوا مجرد حرف واحد الفرق يعني شوي ويصير جيمر
المهم يا اخواني الجيمرز منكم والعيمر ايضا
انا حبيت بما انه السنة قظت انه ننوه لبعض الالعاب اللي شدت انتباهي هذي السنة واتكلم عنها باختصار العاب يمكن بعضها كان ظاهر ومايحتاج كلام وبعظها غاب عن البعض..طبعا الالعاب بالمجمل الحصرية على الاغلب لانه الاخرى راح يكون لها موضوع اخر نتكلم فيها مثل برنس اوف بيرشيا وبيوند جود اند ايفل وغيرها
خخخخخخخخخخخخ خلوني ابدا كل ذي مقدمة ياطول مواضيعي بعد انا وخشتي الله يعينكم الموضوع ذا بيكون مجلد يالله عاد تحملوا كل ثمانية شهور موضوع واحد وش يضركم.
امممممممممممممممم طبعا اسماء الالعاب اللي بيخطر على بالي بقولة دون ترتيب بمواعيد الاطلاق
1- كريمزون ساكايز
اممممممممممم لعبة اللي ماكان يتوقع انها تكون بالجودة هذي فهو مجنون لان اللعبة تم العمل عليها بشكل راقي اعجبتني لحد الجنون حملت العاب التصويب او الشوتينج بالطائرات لمستوى سينمائي ضخم وانا قلت سينمائي لاني فعلا تفاجأت في اللعبة لكون تجربة السنجل بلاير افضل بكثيرو تعطي جرعة قوية من الاحداث واللعمق من الايف وانا كنت متوقع انها تكون العكس بحيث تكون لعبة لايف اكثر من سنجل بلاير لكن اثبتت البراعة في الجهتين بتفوق تصميم الشخصيات والرسوم ماتحتاج اي تعليق وايضا شدني اداء اصوات الممثلين في اللعبة كان رائع بكل بساطة من العابي المفضلة واللي اقدر اقول عنها لاغبار عليها على الاطلاق
2-ستار ورز كوتر او زي مايعرفها البعض ينايتس اوف ذا اولد ريببلك :
وااااااااااااااااااااااااااااااااااااااااو واااااااااااااااااااو واااااااااااااااااااااو وحده بعد عشانكم وااااااااااااااااااااااااااااااااو لعبة اربي جي دسمة بالفعل يقولك المثل ((يوم كثرت الخيبة زادت الهيبة )) لانه من جد العاب ستار وروز طول عمرها ركيكة يعني يمكن القليل منها كان ينلعب باستثناء طبعا المذهلة روج ليدر على الجيم كيوب كانت نقلة جيدة ومن ثم اخيرا ستار وورز انتقلت من العلاك المصدي الى الرقي ....اممممممممم عقبال العاب غيرها ان شالله اللعبة فعلا امتعتني واكيد امتعتكم باستثناء العيمرز ماراح تعجبهم لانها مو زي ميتل جير او صح هيلو ...المهم اللعبة كانت زي سيارة الاسعاف بالنسبة للاكس بوكس حيث صدرت في وقت كان الاكس بوكس قد نفذت اسطوانة اكسجينة المعبأة بهيلو ولكن جت اللعبة وانقذت الموقف وصفت محل الالعاب الجيدة للجهاز ...اللعبة اربي جي متميزة لاتخفى عن احد منكم قدمت قصة ملحمية مليئة بالمفاجأت واحتوت ايضا على رسوم جيدة نوعا ما بالنظر لضخامة اللعبة ...اللعبة كونها من فئة الاربي جي الامريكية تعتبر نجاح خارق في عالم الالعاب ...ايضا من العابي المفضلة للسنة اللي راحت
3-جرابد باي ذا جولس :
مالك ومال الفلسفة يارير اممممممممممممم مدري وش السالفه في هذي اللعبة لكن بكتفي بذكر ماشد انتباهي فيها البرسنتيشن يعني تقديم اللعبة كان ممتع وجيد اعجبني شخصيا باسلوب الكوميك والاصوات المعتادة من رير ...رسوم طبعا رائعة تصميم الشخصية امممممممم هارد لك الولد حتى اني ما اعرف اسمه ويمكن كثير منكم بعد لانه ماترك اثر على الاطلاق وان عرفت اسم الولد ماعرفت اسم الشرير وان عرفت اسم الشرير ماعرفت اسم البنت اللي بيساعدها اقول رح ناظر المانيول احسن لانه بالفعل ماتركت اي اثر اللعبة ماقدمت اي شي سوى كومبات سيستم جيد لكن مع تكرار الشيء نفسه تحول الى ملل ومن ثم غثيان ومن ثم بروح انام ...يعني باختصار اللعبة ما اعجبتني على الاطلاق اللي اعجبني فيها ذكرته لا صح فيه شي اعجبني اللي هو تصميم المنشن كان ممتاز فيه تنوع ياليت هالتنوع كان بطريقة اللعب مو بغرف البيت ....على العموم خيرها بغيرها رير ان شالله بكميو بتكون الامور احسن
4- رينبو سكس 3 :
رائعة ومذهلة لعبة جمعت العنصرين بتوازن مذهل الايف بقيمة عالية والسنجل بلاير بقيمة عالية ايضا اممممممممممم الللعبة استخدمت محرك سبلنتر سيل وهذا شي رائع واعطاها جو ممتاز من الاضاءة والدقة في الللعب بصراحة من اشد المعجبين بهذي اللعبة كمضمون قيم من الحبكة في العاب البالغين والسكواد مشنز
5-كاونتر سترايك : اممممممممممم مدري وش اقول غير اممممممممممممممم لاتعليق عندي اللعبة عادية جدا يمكن كانت لها رونق خاص على البي سي وخاصة في مجال اللعب في الشبكة لكن على الاكس بوكس ما اضافت الكثير طبعا يمكن البعض حس انه استمتع فيها على الايف لكن بالنسبة لي نو ثانكس مع احترامي لعنوان اللعبة المحبوب لكن بكل بساطة هي مكانها البي سي فعلا
6-اوتجي :
ااااااااااااااااااااااااي اوجعتني هذي اللعبة هي كانت ضربة لكل من استهان بها اللعبة لم يكن لها نصيبها من الصحافة والضجة ومع ذلك اتت بشكل مفاجأ وراقي اللعبة فعلا تعتبر من اكثر الالعاب ذات النجاح غير المتوقع تحتوي اللعبة على عناصر متوازنة وبكل بساطة لعبة جيدة اعجبتني شخصيا
7-بروجيكت جوثم ريسنج 2:
ممتاز متتاز متتاز هذا ما اسمية تقدم لمسيرة اللعبة اللعبة ممتازة بالاول والان تقدم متعة اكثر مساارات اكثر واضخم وسايرات جديدة وطبعا خاصية الايف اللي اعطتها ميزة ايجابية اللعبة بكل بساطة ممتازة كعادتها.
8-توب سبين :
امممممممممممممم تنس!!!!!!!!! تنس؟؟؟؟؟
اكيد تنس ومو اي تنس هذي توب سبين ....جبارة اول لعبة من العاب الاكس بوكس اللي يقولون عنها بتكون قوية وتكون قوية بالفعل
بكل بساطة يالله روحوا اشتروها هذا اذا ما كنتم شريتوها طبعا او اشتروها مرة ثانية وثالثة ورابعة
لعبة تنس قوية متعددة الالعبين بالاضافة الى خاصية الايف ...شيء يبكي من الروعة
9-جراند ثيفت اتو دبل باك:
هيييييييييييييييه انبسطوا يالعيمرز لعبتكم المفضلة على الاطلاق...على العموم انا ماعندي اي شي ضد اللعبة اللعبة ممتازة وقدومها الى الاكس بوكس شيء اجابي بجزئيها الثالث والفايس سيتي وبسعر متميز بالفعل شي ممتاز...انا شخصيا اقول اسف روك ستار
ما اثرتي اهتمامي باللعبة لاني لعبتها على البلايستيشن 2 وشوية تكستر وبفرنج وريسلوشن اقوى مايمشون علي ...اللعبة روعة لكن لن العبها مره اخرى شبعت منها على العموم هي ليست حصرية بس خطرت على بالي
10- قروب اس شالنج:
وات ايفر كابكوم .........ظفي عفشك الله يعافيك مالها داعي تسوين زحمة على الظهر ..او العصر مدري يمكن الليل ..على العموم اللعبة لاتعني لي شيء لم تكن جيدة على الاطلاق بس زود وجع راس
11-ديد اور الايف بيتش فولي بول:
هههههههههههههههههههههههههههههههههههههههههههههههههههههههههههههههههههههه
حسبي الله عليهم مدري هي اصلا لعبة والا وش كانوا يقصدون على العموم انا احب كرستي ((<<<<<مسوي نفسه مايبي اللعبة وهو معسكر عندها)) لا من جد اقبح مشروع لهذي السنة بالفعل
12- ارمد اند دينجرس:
اللعبة غريبة فعلا غريبة ودها ولا ودها تكون ممتازة لكن على العموم هي جيده رسومها عادية ينقصها الكثير الجيم بلاي جيد مليان اكشن في اكشن .....مهماتها كثيرة على العموم لعبة عادية وجيده بنفس القوت كيف مدري ...
13- فودو فينس :
ممتاز يامايكروسوفت هذي تعتبر خطوة جيده في تحسين نوعية البلات فورم اللي تقدمة وخاصة من بعد بلينكس حبيبة قلب العيمرز ...اللعبة يمكن لها تصميم مميز بشخصية غريبة فعلا الفودو ههههههههه ورسومها ممتازة واللعبة ليست قصيرة بل ضخمة جدا يمكن التحكم شوي كان يفلت لكن على وجه العموم اللعبة لم تكن سيئة علىالاطلاق......ماشي الحال لكن الجاي يكون افضل ان شالله من ناحية البلات فورم
14-امبيد2:
لابأس لعبة ممتازة وخاصة بجزئها الثاني حصلت تطورات كثيرة من ضمنها الايف طبعا ....لكن انا شخصيا اميل لملكة السنو بوردينج اس اس اكس3
15-ديوس ايكس ..انفيزبل وور:
انا كنت من معجبين الجزء الاول على البي سي مع انه كان يحمل الكثير من العيوب ولكن كان مميز وعميق ....عادت مره ثانيه هذي المرة على الاكس بوكس والبي سي ممتاز جدا اللعبة اعجبتني لكن من جد لحسة مخ مدري وش السالفه فيه خلل شوي وتشتيت في القصة لكن اللعبة فعلا تطورت عن الاول برسوم ممتازة ونظام اضاءة جيد وعناصر جديدة طبعا ولاننسى صعوبة اللعبة المعروف عنها حتى بجزئها الاول ...بالنسبة لما لفت نظري في هذي اللعبة هو الفريم ريت فهو ضعيف بعض الشيء ويقل في مواقع كثيرة وخاصة عند النشوب في اطلاق النار يحصل بطء كما في هيلو .........ولكن هذا لايؤثر عليها كثير امممممم اللعبة احسنت بالفعل .
شكرا شباب على طولة بالكم واشوفكم بمواضيع جاية ان شالله
,حتى في المسنجر افتقدناك,بس أنا عارف وش اللي كان شاغلك,بالتوفيق 
msx 
المشاركة الأصلية كتبت بواسطة SALOOME
