سؤال عن الشبكة المنزلية لـ DSL

[salman f o]

هلا شباب سالفتي سالفه
بس ان شاء الله اقدر اوصلكم السؤال صح
واحتاج رد سريع
اذا امكن
----------
الحين انا مركب خدمة ال DSL 128
وموصلة بـ سويتش فيه 8 فتحات
والشابك فيه 3 كمبيوترات
-----
هل اقدر اوصل سلك من السويتش الي سويتش ثاني
واي سلك موصل في السويتش الثاني يقدر يدخل في النت
اذا كان الجواب ايه يعني صح
اي نوع من الاسلاك الي استخدمها للتوصيل بين السويتش الاول بالثاني
هل السلك الي من كمبيوتر الي سويتش او من كمبيوتر الي الكمبيوتر
--------
ومشكورين
-----
-----
لا تقولون السؤال مو في مكانه الصحيح عشان ما عرفت في اي قسم اسال بس اتوقع كم واحد من الاعضاء يقدرون يساعدوني
----
يلا سلام ابروح الحق علي الصلاة

[ZACK]

اخوي اول شي انت تبي تسوي shairing يعني ؟

وثاني شي شالفايدة تركب سوتش ثاني اذا عندك اماكن فاضية ...

واما اذا بتجرب فأتوقع ( بعد تفكير عميق ) انه لازم يكون الواير من كمبيوتر الى سويتش !! ...

هذا اذا صار ... واسمحلي اذا اخطأت ... شوف المرفق ...

[ZACK]

اسف اسف ... من كمبيوتر الى كمبيوتر .... انت لما بتيي تشتري قوله ابي الواير ال cross مو ال straight ... اظن من كمبيوتر الى كمبيوتر ...

[salman f o]

مشكوؤ اخوي ZACK
الحين انا مسوي شبكة صغيرة لثلاث كمبيوترات اوكيه
ونقدر ندخل النت
ابي اوصل سلك من السويتش الي سويتش ثاني عشان يركب علي كمبيوترين ثانين
الحكمة ان الكمبيوترين الي ابي اركبهم بعيدين عني فقلت اوصل سلك واحد و بعدها اركب سويتش عشان اوصل الكمبيوترين الجدد
----------------
هل الطريقة الي استخدمها في الاتصال عن طريق الانترنت DSL صحيحه او لا
اني مركب المودم بالسويتش ومن الي ثلاث كمبيوترات
وهل اذا صار كمبيوتر في مشاكل او مهكر عليه ياثر علي الباقي
وهل في طريقة تعالج المشكلة اذا كانت في مشكلة
---
ومشكور
----
حسيت اني هندي يوم رجعت اقر الي انا كاتبه
من كثر ما اروح (( حراج الكمبيوتر))
صديق برامج برامج
بعدين اسولف معه شوي عن البرامج عاد يحوس مخي

[MoaeD]

بسيطه مد سلك من السويتش اللي عندك للسويتش اللي بالمكان الثاني وخلصنا


بس وش الفايده تشغل 5 سوا على نفس الأشتراك ما دامه 128 على كذا بيكون التصفح اردى من الدايل اب


على الأقل زد اشتراكك الى 256 عشان يصير فيه موازنه بالسرعه على عدد الأجهزه


بعدين سؤال يا سلمان ابغاك تعد باللهي كم موضوع حطيته عشان الDSL بس وكلها اسئله وكم مره شاركت في موضوع واحد عشان تفيده

[ستيف بورنسايد]

مع ان ردي بيخرب الموضوع بس يالله اسمح لنا
يقولون نزلت سرعة 512 و1ميجا
عندكم معلومات؟اسعارهم

[MoaeD]

الى الان ما اعلنت الشركات بشكل رسمي انه هالسرعات نزلت لمستخدمي المنازل


واللي اخبره انها نازله من فتره موب قصيره كتجريبيه وبس للشركات ..!

[salman f o]

بلاك ما تدري يا MoaeD
احتفظ بالمعلومات لنفسي
عععععع
وقلت لو اسال في المنتدي ممكن احد يقدر يفيدني
والشباب ما قصروا
وعلي فكرة اتصلت عليك قبل ما انام بس ما رديت قلت اكيد انك نايم
وعبد العزيز جواله مقفل ما ادري ليش من زمان عنه
----
((((بعدين سؤال يا سلمان ابغاك تعد باللهي كم موضوع حطيته عشان الDSL بس وكلها اسئله وكم مره شاركت في موضوع واحد عشان تفيده )))
انت ادري فيني يا مؤيد ما ادري وش الطبخه
وان شاء الله اشارك في مواضيع الشباب
---
وان شاء الله اقدم علي خدمة 256 - عشان هذا متوسط وا احس اني محتاج اسرع منه
وغير كذا الحين الشغال الفعلي هو كمبيوترين مو 3 - ومع ذالك بطئ او متوسط
اما من ناحية التصفح تمام - بس بعض المرات يخبط عليه بطئ مو صاحي
واذا قطع واتصلت علي سعودي نت يقولون المشكلة من عندي الكيبل ما يستحمل
وبعد 10 دقايق او حولها يشتغل
يلحسون عقل الواحد
----------------
معليش ابرجع للسؤال انا اعرف اني اوصل سلك بين السويتش الاول مع السويتش الثاني
السؤال اي نوع من الاسلاك استخدم (( من كمبيوتر الي سويتش )) او (( من كمبيوتر الي كمبيوتر ))
وهل الي في السويتش الثاني يقدر يدخل النت
--
--
ومشكورين

[MoaeD]

اللي تبي .. يعني سلك الشبكه العادي يشتغل .. بس لو المسافه بعيده فيه اسلاك خاصه تفصل للمسافات البعيده .. في محل بحراج الكمبيوتر يفصلها لك


قله الطول والطريقه اللي بتسويها وهو يزبطها لك زي ما تبي


بالنسبه للأسعار ما قد والله سعرت لأني ما عمري احتجت سلك اطول من 5 متر



واكيد اللي بالسويتش الثاني يقدر يسوي نفس اللي يسوونه اللي بالسويتش الأول


يعني تلعبون سوا وتدخلون النت وتنقل ملفات وبنفس السرعه كنهم جمبك ..!

[Striker]

اسمحولي على المداخله.
بس حسب علمي لمن تقولون سرعة 128 أو 256 لا تصدقون شركة الإتصالات فهالموضوع. لأن ما يضمنون السرعه فكل الأحياء خاصتآ انت يا سلمان ساكن الأن فالملز وهو من اردأ المقسمات بالرياض.
واحد ساكن فغبيرا ومركب DSL ولمن سألتو كم البنج عندك فجنرالز قال 300 ضحكت لمن قلي الرقم لأنو انا البنج عندي 300 وهو DialUp, ايش رائيك؟

[[c.o.d.e.x]]

سلام

ممكن أشارك

لوصل سويتشين ببعضهما البعض يجب استخدام منفذ الـ Uplink port وهو مخصص لوصلهما ببعض.

عادةً , هذا المنفذ يشارك المنفذ العادي رقم 1

يوصل بينهما بكيبل Crossover

* إن كان لديك سويتشين وأحدهما متعطل منفذ الـ Uplink port به أو لا يوجد به والآخر يحتوي على هذا المنفذ , قم بوصل السويتشين( منفذ الـ Uplink port في السويتش الأول السليم , بأي منفذ ماعدا المنفذ المتعطل بالسويتش الآخر) بكيبل Straight-thru

أتمنى إني قمت بالتوضيح , لا الخبص

تحياتي

[salman f o]

هلا [c.o.d.e.x]
اقول لو انك ساكت احسن
((أتمنى إني قمت بالتوضيح , لا الخبص ))
الا ضيعت وما ادري وش الي تتكلم عنه
شكلك تحسبني فاهم في الاجهزة و الاسلاك تراني جديد علي الشغلات هذي
اقول تكفي وضح زيادة
--
والله لك وحشه من زمان عنك
---
---
هههه Striker
انا عندي البنج 208
وتمام اللعب بس المشكلة بعض الي يلعبون يتخوفون من انه يعلق ولا يلعبون معي
عشان كذا صادقت المان وادهر العب معهم
ودايم تلقاني موجود اذا دخلت دق علي عشان العب معك
انا موجود في 2 ضد 2
اغلب الاوقات
KSA]BioHazard]
مدهر
---
سرعتي 128
صدق شي يقهر المفروض يكون البنج احسن من كذا بس انت تتعامل مع شركة الاتصالات
تحمد ربك انهم حطو الDSL
-----
ارجع اقول نايف اذا تقدر توضح اكثر من كذا اكون شاكر عشان ما ادري وش الطبخة

[MoaeD]

سترايكير


السرعه مو على حسب الحي على حسب خط التلفون واذا قالو 128 يمكن ينقص بالكثير الى 120 (اي 10 كيلو بايت بالثانية) ما يقارب 3 اضعاف الدايل أب


بالنسبه للبينج بجينيرالز فأقل شي حصلته في الDSL هو 80 ومرتين بس واكثر شي يجيني من 120 الى 160 لشخص واحد


كود اكس

والله انا ما ادري عن الuplink port موجود بالأيد ماكس ولا موب موجود لأنه هذا اللي عند سلمان


بس يا سلمان اللي فهمته من كلام كود اكس انك تشبك السويتشين مع بعض عن طريق الفتحه رقم واحد بالسويتش (دائما السويتش مرقمه فتحاته)


وما اظن انه يحتاج cross over بس انا ما دامي ما جربتها 100% (سويناها عند علي مره وزبطت بسلك عادي) ركب كروس اوفر يا سلمان

[ADSL]

قل للي بتاخذ منه السلك من سويتش لسويتش , فيه محليّن للشبكات في حراج العليا , واحد اسمه Sacs , والثاني بجانب جزيرة الكنز ..

المستخدمون في السويتش الثاني لديهم القدرة الكاملة في استنفاذ جميع الخدمات الانترنتية والشبكية ..

لدي راوتر قم بوصله لـ Hub بكيبل شبكة عادي في أي من المنافذ , صارت الأجهزة المشبوكة في الـ Hub تستخدم الانترنت بشكل كامل ..

[Striker]

سلمان. جيب سلك يسمى كروس كيبل أو كروس أوفر. واشبك جهه في السويتش الأولا في الخانه رقم واحد و الجهه الثانيه في الخانه رقم واحد في السوتش الثاني و جرب.

في نوعيه من السويتشات فيها زر من ورا, في الحاله هذي تقدر تستخدم كيبل عادي بس لازم تشبكو فالخانه واحد من كل سويتش و تضغط الزر فواحد من الوستشات يقوم هو انوماتيكيآ يعكس الإشاره و يسير الكيبل كأنو كروس كيبل.

طبعآ فالحاله الي عندك حيكون السويتس من النوع العادي الي ما فيه زر من الخلف يعني لا بد من إستخدام كروس كيبل زي ما شرحت في البدايه.

بالتوفيق.