السلام عليكم
حبيت احكيلكم عن اول يوم لي بالمدرسة (هي القصة شوي بايخة)
أول يوم ما كان اول يوم بمعنى الكلمة شوفو ليش
انا اتفقت مع المدرسة اني بستلم مريول المدرسة بعد بكره (يعني بعد غد) و انا وافقت
رحت للمدرسة بملابسي العادية عشان ابدأ أول يوم مثل ما قالولي دخلت ال reciption (إدارة المدرسة) عشان اخذ الجدول و أدخل الصف
دخلت عليي المديرة و شافتني من فوق لتحت و قالتلي باحتقار( بالانجليزي طبعا) : وين المريول قلتلها بستلم المريول بكره (أنا فكرت انه مثل المدارس العربية عادي ادخل من غير المريول اول يوم) قالتلي : اهااااااااااا و تعتقدين انك بتدخلين الصف قلتلها لازم ادخل لأن ابوي راح و انا جديدة في البلد و ما اعرف الطرق قالتلي هذي مشكلتك انتي مو مشكلتي و انا ما بدخلك تحبين تستني ابوك أهلا و سهلا ما حبيتي روحي لبيتك احسن
انا قلت في نفسي كيف استنى المدرسة تنتهي الساعة 3 و ألحين الساعة 6 و نص (حاولت اتصل بالبيت ما احد يرد) قلت خليني اطلع يمكن اعرف ارجع (لأن ابوي وصفلي المكان من قبل و المدرسة قريبة شوي من البيت)
الجو شتاء يعني برررررررررررررد و البلد هاذي ما فيها شي اسمه taxi مشيت انا و مشيت و ما انتبهت انه الطريق غلط ( قلت في نفسي أنا اول مرة اشوف هالطريق) و مشيت مطرت السما مطر قوي فظيييييع (قلت في نفسي كملت)
مشيت حوالي ساعتين بالظبت و المطر ما يوقف كنت راح ابكي من البرد
قلت خليني اسأل احد من الشارع يمكن يدلني ( عشان تعرفون انا ما اعرف عنوان بيتي كل اللي اعرفه هو اسم الشارع) سألت فلان و فلانة تعرفون شارع اسمه كذا لين ما دلوني
أنا ألحين وصلت شارعنا لكن ما اعرف رقم البيت بس اعرف شكله و انا ادور و ادور و امشي و الدنيا تمطر لكني ما لقيته رحت لمحطة الباص و قعدت و قلت خليني قاعدة يمكن أبوي او اخوي يعبر بالسيارة و لشوفه
مرت ساعة و انا قاعدة شافتني وحدة عجووووووووووووووووووووووز و قعدت تكلمني عرفت اني ضايعة و اخذتني على بيتها عشان اسوي تليفون
كلمت امي و كان بيغمى عليها لما عرفت تعرفون الأم (المشكلة انه ابوي بالشغل) و قالتلي اوصفيلي المكان و وصفتلها و طبعا هي ما فاهمة شي (و لا أنا بيني و بينكم) قالتلي خليكي مكانك و لا تروحين مكان
انا طلعت برة و استنيت ساعة في المطر لكن ما في أحد قلت خليني ارجع للمدرسة (و انا نسيت طريق المدرسة)
قلت "وكلت امري إليك يا الله" و ما كملت الجملة إلا و لقيت امي بره تدور عليي فرحت فرحة كبيرة و صار فيلم هندي
قعدت احمد الله كثيييييييييير و رجعت للبيت ( المشكلة انه البيت كان قريب مني طول الوقت و أنا ما عارفه لأن كان في شارع كان لازم اعبره لو عبرته كان لقيت بيتنا)<<<<<يا الله على الغباء
لكن ألحين انا حافظة الطريق احسن من كل اخواني خخخخخخخ
انشاءالله المرة الجاية بقولكم عن اول يوم الحقيقي في المدرسة (يعني داخلها مو بره)
مع السلامة
المشاركة الأصلية كتبت بواسطة TEDUSE 1=BAGGIO
