السلام عليكم ورحمة الله
ياهلا بالمهلا
من زمان جدن جدن ماكتبت موضوع
اكيد وحشتكم:naughty2:
يمكن الاغلبية مايعرفوني
انا عضو قديم نسبيا بالمنتدى ايه نقدر نقول نسبيا
المهم انا فاتح الموضوع عشان اسلم عليكم الي يعرفني والي مايعرفني
وفيه كم شغلة بعد باقولها
,,,,,,,,
المنتدى تغير والله شكله صار حلو
اخيرا هذي النسخة الي كانت تحت الدراسة <<<<صار مشروع
فيه اضافات حلوة زي السمايلز ومربع النص الي يطلع اذا خليت المؤشر على عنوان الموضوع يريحك انك تفتح الموضوع اذا كان الموضوع يستاهل انك تفتحه ولا لا
عشان كذا لازم بداية الموضوع تكون جذابة
ماعلينا المنتدى نحبه ونعزه من يوم ماكان بلونه الازرق الغامق الذي عشنا معهو اللحظات الحولوة والمورّة
,,,,,,,
طبعا كلنا نعرف وخصوصا السعوديين عن الفساد الاداري الي عندنا بالوطن العربي
واغلبنا يشوف المشاريع الي عندنا تقعد بالسنين وهي نفس الشي والوزراء الطيبين يصرفون فلوس المشروع بأمانة
والنهب والسرق الي حاصل<<<<شكله بيروح فيها
المهم ماابي اطول بهذا الكلام ياروح مابعدك روح
هذي قصة صغيرة , يمكن تفي بالغرض
يقول لك فيه واحد وزير عربي تعرف على وزير اوروبي بإحدى الزيارات الودية بين البلدين , المهم الوزير الاوروبي عزم خوينا الي من عندنا
راح الوزير العربي وشاف الوزير الاوروبي عنده فلل وسيارات هذا غير الشاليهات الي على البحر واشياؤن رائعتون
اخونا الوزير سال الاوروبي :من وين لك الفلوس هذي كلها وانت وزير الراتب مايغطي هالعز الي انت فيه ؟
قال الوزير الاوروبي :شايف الجسر الي هناك
الوزير العربي:يازينه حلو ونظيف<<<مسوي خفيف دم
الزير الاوروبي: هذا المشروع تكفّلت فيه وزارتي وكانت تكلفته 10 مليون دولار , 4مليون سويت فيها الجسر والباقي في الجيب لازم نستفيد
وهّز الوزير العربي رأسهُ وهو يبتسم ابتسامة مكر
المهم خوينا الوزير رجع لبلاده المعطاء وبعد فترة ليست بقليلة عزم الوزير العربي خوينا الاوروبي عنده
يوم وصل الاوروبي شاف عند الوزير حقنا فلل وقصور اكثر من الي عنده هو
قال له كيف سويت كل هذا ؟(الوزير الاوروبي)
قال اخونا : شايف الجسر الي هناك....
الوزير الاوروبي:أي جسر؟
الوزير العربي:طالع زين هناك فيه سور
الوزير الاوروبي: ايه المشروع هذاك ,ايش فيه
الوزير العربي:هذا الله يسلمك تكلفته 10 مليون دولار ,10 مليون بجيبي والباقي سويت فيها المشروع
قصة حلوة وتحاكي زمننا الحاضر
لكن الحمدالله ماعندنا هنا هالكلام ابدا ابدا ولله الحمد والمنّة
عارف اني طولت عليكم بس الهدف من الموضوع هالقصة القصيرة والسلام عليكم طبعا وهو الأهم
P.S:وش رايكم بتوقيعي؟
؟
المشاركة الأصلية كتبت بواسطة RPG fan
