بــربــســه !!

[Chandler]

هلا شباب..كل عام وانتم وبخير قبل الزحمه ...

هذا الموضوع عبارة عن مكس بين اكثر من موضوع..

===========================================

نبدأ بسؤال كان مدوخني من زمااااان..وهو..من اللي اخترع الشماغ ..
انا اقدم واحد شفته لابس شماغ..هو الملك عبدالعزيز في صورة قديمه له..اللي اعرفه ان الصحابة والتابعين كانوا يلبسون عمامه..
شلون انقلب الوضع من عمامه..الى شماغ ...
قبل شوي قال لي عماد18 ان فيه ناس اسمهم العقيلات هم اللي جابوا العقال للجزيرة العربيه ومن هنا استنتجت هالمعادلة..

عمامه + عقال = شي ابيض عليه كفر

شي ابيض عليه كفر === مع مرور السنين ===> يتحول الى شماغ

وعلى طاري الشماغ..الكلام عنه ذكرني بالسعودية..والسعودية ذكرتني ببيتنا..وهذا يأخذنا لنقطة مهمه..
وهي معاناة الطلاب العزاب بشكل عام..والمغتربين بشكل خاص..
يعني هناك بتقدر العيشه في بيتك ..الاكل الجاهز بيطلع من اذانك..
والشقه او الغرفه اللي ساكنها ما تترتب الا بالشهر مرة..اسألوا مجرب..

من كثر الحوسه اللي بشقتي يبي لي ساعه ونص عشان اقدر اطلع من اكوام الملابس والكتب (افهموها تراني دافور )..
حتى مرة من المرات وانا ارتب..لقيت اللي يوصل البريد تحت كومه ملابس (طلع الاخ ضايع له اسبوع)...
الزبدة..كل واحد فيكم الان يروح يحب راس امه وان كان عنده خدامه يعطيها 5 ريال تقديرا لجهودهم...

وما دمت جبت طاري الام..تذكرت اني قبل كم من يوم حلمت حلم مدري وش يبي ...
حلمت اني قمت من النوم واخذت مفتاح السيارة بطلع..وانا طالع رحت اقول لأمي الجمله المعتاده ((انا طاااااالع))..
قلتها ولا الاقي امي تناظرني نظرة غريبة..وين حبيبتي..وين رايحه يا بعد قلبي..
قمت اناظر امي واقول في نفسي..وش السالفه؟!..امي خرفت بدري؟!..وراها تكلمني كأني بنت؟!..
ولحظتها لمحت طرف نفسي في المرايه (حلوه طرف نفسي )...

اكتشفت اني تحولت لبنت ..تقبلت الموضوع ومشيتها..قلت مو مشكله..اكيد انا قاعده احلم..آآآ..اقصد قاعد احلم ...
قلت لأمي ابي اطلع مع السواق..ويجي اخوي الصغير البثر ويقول..ما عندنا بنات يطلعون مع سواق :vereymad:
قلت طيب ابي اروح للشله..مجتمعين في بيت ابوخالد..آآآ..اقصد ام خالد..
قال اخوي ما فيه الا انا اوديك..وبصراحة مالي خلق..انثبري في البيت زيك زي اي بنت عاقله..انقهرت..
وقعدت ابكي وابكي وابكي (عادي..انا بنت..يحق لي ابكي )..

وبعدها باسبوع كانت مباراة الهلال والنصر..وانا متحمس بروح اناظرها..
قلت لأمي بروح اناظرها..ومرة ثانيه يطلع لي اخوي ويقول..هههههههههههههههه..حلوة ذي..بنت وتبي تناظر المباراة في الملعب..
واناظر امي لعل وعسى تنقذني..قالت بكل حنان..عسى ما شر انهبلتي انتي؟!..
ورجعت ابكي وابكي وابكي..
ومن القهر مسكت اخوي ومسحت فيه الارض تصفييييق و..........قمت من النوم وانا مقطع المخده ...
ما يستفاد منه..شباب..ترى فيه بعض البنات يتعذبون..
ما يتحصل لهم نصف اللي يتحصل للشباب..
وغياب الاخ او الاب يلزمهم انهم يخرجوا مع السواق اللي مهما كان..ماله امان..جربوا اطلعوا مع اهلكم مرة كل اسبوع..ترتاحون وتريحون....

===========================================

عارف ان الموضوع بشكل عام..ماصل لكن هذا اللي كان في بالي وما لقيت الا المنتدى افضفض فيه..هذا غير اني طفشااااااان...
على العموم..الموضوع مفتوح للمناقشه

[MetalGear]

أهلين ،،

صراحة الشماغ موضوعه اثارني

وش دراني مين اللي اخترعه , بس شكله شخص ما فكر في رؤوسنا

الواحد يرجع من العمل ولا المدرسه وراسه وده تنفجر تقول أربعة كانوا ماسكين راسه ..

ياخي ليه مايصير اللبس الوطني بالـشعر عادي !!!

ولا بالـIceCap ,, أحلى

أما العزوبية ,,

صراحة لما سافرت بالصيف , وماكان فيه مين يغسل ويكنس ,,

عجبني الموضوع كثير , يوم الكنيس علي ويوم على ولد عمتي ,

والغسيل كل يومين نلم الملابس وفي الغسالة اللي بالقروش

والطبخ كل واحد بعد الأكل يقوم بنفسه يغسل صحنه وينشفه ويرده زي ما كان ,,

والله حلوة الشغلة

صح انها شوي تعب بس تعجبني شغلة النظام هذي ،

واللي من مزاياها انك مالك غير بنفسك !!!!!!!!!

ماتتحمل اعباء غيرك ..

ومشكور على فتحة النفس هذي

[ثريول]

غلطان ياعزيزي العزيز ,
العمامة أصلا غترة أو شماغ ملفوف على الراس .. ومع الوقت أنفتحت ثمن الجماعة أقتثوا منها .. كل شوي تطير .. جابوا حبل وربطوا فيه الغترة ..!
تأكد بأن كلامي صحيح , لأني لحقت على ناس يلبسون عقال شبه حبل ..!

وهذا حصل تقريبا قبل 300 سنة .. ولو بتلاحظ .. بس البدو وأهالي نجد وقطر والكويت وبدو العراق والشام هم اللي كانوا بس يلبسون الشماغ في شكله الحالي .. أما الباقي فكانوا يلبسون عمايم ..(الأمارات, عمان, الحجاز )

وبخصوص حلمك , أقرى أذكار النوم , وأرقد على طرفك اليمين ولاتشوف طاش ماطاش واجد.. !

وإذا عندك أي موضوع أي موضوع .. حطه حتى لو بتكتب فيه : كيف الحال؟
لأن المواضيع منقرضة هنا ..



تحــــــــياتي

[Chandler]

أهلين ،،

صراحة الشماغ موضوعه اثارني

وش دراني مين اللي اخترعه , بس شكله شخص ما فكر في رؤوسنا

الواحد يرجع من العمل ولا المدرسه وراسه وده تنفجر تقول أربعة كانوا ماسكين راسه ..

ياخي ليه مايصير اللبس الوطني بالـشعر عادي !!!

ولا بالـIceCap ,, أحلى

أما العزوبية ,,

صراحة لما سافرت بالصيف , وماكان فيه مين يغسل ويكنس ,,

عجبني الموضوع كثير , يوم الكنيس علي ويوم على ولد عمتي ,

والغسيل كل يومين نلم الملابس وفي الغسالة اللي بالقروش

والطبخ كل واحد بعد الأكل يقوم بنفسه يغسل صحنه وينشفه ويرده زي ما كان ,,

والله حلوة الشغلة

صح انها شوي تعب بس تعجبني شغلة النظام هذي ،

واللي من مزاياها انك مالك غير بنفسك !!!!!!!!!

ماتتحمل اعباء غيرك ..

ومشكور على فتحة النفس هذي

هلا والله..

بالنسبة للعزوبية..جرب تقعد لحالك ..انت على الاقل معاك ولد عمتك...
اما الاكل..عندي لك سؤال..كيف كنت تاكل؟!..يعني كنتوا تطبخون كبسه ومكرونه ولا ساندوتش جبن و خبز توست وتونه ؟!
وبعدين مهما صار ومهما طبختوا..ما راح يجي نص طبخ البيت..<== بدا يسعبل

غلطان ياعزيزي العزيز ,
العمامة أصلا غترة أو شماغ ملفوف على الراس .. ومع الوقت أنفتحت ثمن الجماعة أقتثوا منها .. كل شوي تطير .. جابوا حبل وربطوا فيه الغترة ..!
تأكد بأن كلامي صحيح , لأني لحقت على ناس يلبسون عقال شبه حبل ..!

وهذا حصل تقريبا قبل 300 سنة .. ولو بتلاحظ .. بس البدو وأهالي نجد وقطر والكويت وبدو العراق والشام هم اللي كانوا بس يلبسون الشماغ في شكله الحالي .. أما الباقي فكانوا يلبسون عمايم ..(الأمارات, عمان, الحجاز )

وبخصوص حلمك , أقرى أذكار النوم , وأرقد على طرفك اليمين ولاتشوف طاش ماطاش واجد.. !

وإذا عندك أي موضوع أي موضوع .. حطه حتى لو بتكتب فيه : كيف الحال؟
لأن المواضيع منقرضة هنا ..

هلا والله..
مشكور على الايضاح...والله منطقك مضبوط..السؤال اللي يسدح نفسه هو..كيف تغير لونه من الابيض..الى الاحمر..
اما عن الحلم..آخر حلقها اذكر اني شفتها..قبل سنة ونص..يعني ماله دخل...ومثل ما يقول المثل..خذ وخل

[MetalGear]

هلا والله..

بالنسبة للعزوبية..جرب تقعد لحالك ..انت على الاقل معاك ولد عمتك...
اما الاكل..عندي لك سؤال..كيف كنت تاكل؟!..يعني كنتوا تطبخون كبسه ومكرونه ولا ساندوتش جبن و خبز توست وتونه ؟!
وبعدين مهما صار ومهما طبختوا..ما راح يجي نص طبخ البيت..<== بدا يسعبل

يانشتري مثلج او جاهز ,, او جدتي تطبخ لنا ,,

بس مسكينة ماتقدر تغسل ولا تكنس عشان كذا الطبخ ويادووب ,,

والباقي علينا !

[Yamato]

هلا شباب..كل عام وانتم وبخير قبل الزحمه ...

هذا الموضوع عبارة عن مكس بين اكثر من موضوع..

===========================================

نبدأ بسؤال كان مدوخني من زمااااان..وهو..من اللي اخترع الشماغ ..
انا اقدم واحد شفته لابس شماغ..هو الملك عبدالعزيز في صورة قديمه له..اللي اعرفه ان الصحابة والتابعين كانوا يلبسون عمامه..
شلون انقلب الوضع من عمامه..الى شماغ ...
قبل شوي قال لي عماد18 ان فيه ناس اسمهم العقيلات هم اللي جابوا العقال للجزيرة العربيه ومن هنا استنتجت هالمعادلة..

عمامه + عقال = شي ابيض عليه كفر

شي ابيض عليه كفر === مع مرور السنين ===> يتحول الى شماغ

وعلى طاري الشماغ..الكلام عنه ذكرني بالسعودية..والسعودية ذكرتني ببيتنا..وهذا يأخذنا لنقطة مهمه..
وهي معاناة الطلاب العزاب بشكل عام..والمغتربين بشكل خاص..
يعني هناك بتقدر العيشه في بيتك ..الاكل الجاهز بيطلع من اذانك..
والشقه او الغرفه اللي ساكنها ما تترتب الا بالشهر مرة..اسألوا مجرب..

من كثر الحوسه اللي بشقتي يبي لي ساعه ونص عشان اقدر اطلع من اكوام الملابس والكتب (افهموها تراني دافور )..
حتى مرة من المرات وانا ارتب..لقيت اللي يوصل البريد تحت كومه ملابس (طلع الاخ ضايع له اسبوع)...
الزبدة..كل واحد فيكم الان يروح يحب راس امه وان كان عنده خدامه يعطيها 5 ريال تقديرا لجهودهم...

وما دمت جبت طاري الام..تذكرت اني قبل كم من يوم حلمت حلم مدري وش يبي ...
حلمت اني قمت من النوم واخذت مفتاح السيارة بطلع..وانا طالع رحت اقول لأمي الجمله المعتاده ((انا طاااااالع))..
قلتها ولا الاقي امي تناظرني نظرة غريبة..وين حبيبتي..وين رايحه يا بعد قلبي..
قمت اناظر امي واقول في نفسي..وش السالفه؟!..امي خرفت بدري؟!..وراها تكلمني كأني بنت؟!..
ولحظتها لمحت طرف نفسي في المرايه (حلوه طرف نفسي )...

اكتشفت اني تحولت لبنت ..تقبلت الموضوع ومشيتها..قلت مو مشكله..اكيد انا قاعده احلم..آآآ..اقصد قاعد احلم ...
قلت لأمي ابي اطلع مع السواق..ويجي اخوي الصغير البثر ويقول..ما عندنا بنات يطلعون مع سواق :vereymad:
قلت طيب ابي اروح للشله..مجتمعين في بيت ابوخالد..آآآ..اقصد ام خالد..
قال اخوي ما فيه الا انا اوديك..وبصراحة مالي خلق..انثبري في البيت زيك زي اي بنت عاقله..انقهرت..
وقعدت ابكي وابكي وابكي (عادي..انا بنت..يحق لي ابكي )..

وبعدها باسبوع كانت مباراة الهلال والنصر..وانا متحمس بروح اناظرها..
قلت لأمي بروح اناظرها..ومرة ثانيه يطلع لي اخوي ويقول..هههههههههههههههه..حلوة ذي..بنت وتبي تناظر المباراة في الملعب..
واناظر امي لعل وعسى تنقذني..قالت بكل حنان..عسى ما شر انهبلتي انتي؟!..
ورجعت ابكي وابكي وابكي..
ومن القهر مسكت اخوي ومسحت فيه الارض تصفييييق و..........قمت من النوم وانا مقطع المخده ...
ما يستفاد منه..شباب..ترى فيه بعض البنات يتعذبون..
ما يتحصل لهم نصف اللي يتحصل للشباب..
وغياب الاخ او الاب يلزمهم انهم يخرجوا مع السواق اللي مهما كان..ماله امان..جربوا اطلعوا مع اهلكم مرة كل اسبوع..ترتاحون وتريحون....

===========================================

عارف ان الموضوع بشكل عام..ماصل لكن هذا اللي كان في بالي وما لقيت الا المنتدى افضفض فيه..هذا غير اني طفشااااااان...
على العموم..الموضوع مفتوح للمناقشه

سوالفك حلوة يا باشا..
بس انا ما احب البس الغترة والعقال.. واذا لبستها فللضرورة فقطو..

اما عن حلمك... ما شاء الله شو طويل... طويل جدا..

وبعدها باسبوع

يالله... شو سويت خلال هالفترة زين..

[Yamato]

سوالفك حلوة يا باشا..
بس انا ما احب البس الغترة والعقال.. واذا لبستها فللضرورة فقطو..

اما عن حلمك... ما شاء الله شو طويل... طويل جدا..

وبعدها باسبوع

يالله... شو سويت خلال هالفترة زين..

[ثريول]

هلا والله..
مشكور على الايضاح...والله منطقك مضبوط..السؤال اللي يسدح نفسه هو..كيف تغير لونه من الابيض..الى الاحمر..
اما عن الحلم..آخر حلقها اذكر اني شفتها..قبل سنة ونص..يعني ماله دخل...ومثل ما يقول المثل..خذ وخل

هو ماتغير .. لأنهم أصلاً كانوا يلبسون عمامات ملونه .. وللعلم بأن الشماغ بشكله الحالي .. قديم .. وتقريبا هالشماغ منتشر في نجد .. يمكنك ملاحظة هالكلام في صور شيوخ الخليج القدماء ...ماكانوا يلبسونه في الغالب ..!

وتبي الصج ... الله فكك منه .. صار مسلسل غثيث ..

تحاياي ..

[silverpaco_101]

موضوع هادف

[Trapped Inside]

هلا والله شالندر..

اقول وش اخر فلم شفته تنصحني فيه..

=======

على طاري الشمغ حتى انا محتار من وين جا ذا الشماغ..
وبعدين ياخي الشماغ انواع القلق نلبسه بذي الصحرا ويقالنا انه يحمينا من الشمس لا والله ان يزود البلاوالقهر ان الشماغ صار رجوله..انواع التخلف والله والحين انا ماكلها كل يوم فطيسة حر بالمدرسه..الله يعين بس
انا انشالله بسوي مثلك بروح اسكن ببريطانيا ولا عند جيرانها ازين لي ياخي..
=====

وبالنسبه للحلم عندي سؤال..رحت الحمام وانت بالحلم؟؟

اي والله الام والشغاله نعمه لنا...

ثانكس على الموضوع..

[Y a z e e d]

هلا تشالندر ! ...
هههههه الشماغ انا بيني وبينه ثار >__< ما البسه ولا حتى مرة بالسنة !..
وعلى طاري الحوسة ! أنا كل ساعة احوس اللي حولي ويمكن ناقل كل كاسات البيت عند شاشة الكمبيوتر !...
أما سالفة البنات صراحة كل مافكرت فيهم رحمتهم ! ... بس ترى كل شيء له + و -
ههههه أما الموضوع رهيب لان اصلا هذي مواضيع اول ايام عز المنتدى والمفاطيح اليومية !...

[ثريول]

آنا متعجب شلون أنحسر الشماغ في السعودية ..!
قبل كم سنة إذا رحنا هناك نشوف الغالب إن لم يكن الكل بأشمغه .. لكن الآن .. القليل من الشباب ..!
هذا يثير الكثير من علامات الإستفهام بالنسبة لي ..!
وهذا الكلام ينطبق على كل دول الخليج ,, بإستثناء قطر وبعض إمارات الإمارات ..
عندنا مافيه شاب يمشي بدون شماغ .. شيء أساسي .. وحتى غيرها من المظاهر القديمة .. كالقنص بالصقور المنتشر بين الشباب بشكل ملفت للنظر .. وغيرها من العادات ..

أعتقد بأن هالشي بسبب العلاقات الإجتماعية القوية جدا عندنا ..!
طبعا بتقول شدخل .. الجواب على هالسؤال طوييييل .. إن فضيت بتكلم عنه ..


تحــــــــياتي

[Angel whisper]

ههه بقولك منو اخترع الغتره او الشماغ اذا قلتلي منو اخترع العباه

وعن الغربه .. اممم حاول تتعلم تطبخ بنفسك .. وتخدم نفسك بنفسك ..
خذ كورس طبخ وتنظيف من امك يوم بترجع السعوديه ^^

ههههههه وحلمك.. لا تعليق

الله يعينك تشان

وثانكس عالموضوع ..

[DiGit4L]

الانقليز هم الي اخترعوا الشمااااااغ

اما العقال .. يوم خسرنا الاندلس .. حولوا العرب العمامه للون الاسود ... وقالوا
" محنب لابسين ابيض لمين تعطوننا ارضنا "

وهمن مع مرور الوقت .. صارت الربطه بس سودا .. همن تحول لعقال

[SNOoOP]

الي سمعته ومتأكد منه انه على ايام سقوط الأندلس لبسوا الناس العقال بعد مافكوا عمامتهم وصارت مثل الغتره ولبسوا فوقها العقال تعبير عن حزنهم

وكان كل ماسقطت دوله من دويلات الاندلس زادوا في سمك العقال تعبير عن الحزن على دولتهم

الله يخلف علينا المفروض اننا نحط فوق راسنا كفر الحين

ومشكور على الموضوع