فدفدة <<< فضفضة لكن الاخ بينعم نفسه P:

[Justine]

فضلا اذا كنت تقرا الموضوع من برا فادخل رجاء فهذا مو بيت جيرانكم
و ترى الباب الامامي مفتوح لكل من طلب اليد بالحلال



أوهايو او كومبانوا ... على حسب وقت قرائتكم للموضوع ^________________^


أول شي يسرني اني اهني نفسي قبل الجميع بقدوم عيد الاضحى المبارك ..

موسم الولائم و العزائم و اللحائم ( لضبط القافية ) ... و موسم زيادة الاوزان و تكبير الكروش بسبب و لا بدون سبب ..

رحم الله كل من استغل عشرة ذي الحجة في عبادة ربه و صام يوم الوقفة ...تقبل الله منكم ...آمين..

ثانيا اهني كل عضو في ها المنتدى الرائع و اللي ما في زيه بالنسبة للمراهقين .. فهنا على الاقل ما في اعضاء من طراز الاستاذ ( قرقور) الله يستر عليه و الله لا يرد أيامه ..


ثالثا اترحم عليكم لاني بشخصي الكريم الطوائي ( نسبة لحاتم الطائي .. و طبعا ملاحظين عمق اللغة العربية لدى الكاتب) كتبت موضوع ثاني في اقل من شهر ( و كله من رفعة معنويات عضو ما الله يستر عليه!! )


خلاصة الموضوع هو مجرد خواطر طرت على بالي .. يمكن تتسمى مقالات .. او ممكن تتسمى تخاريف ... او حتى طعمية ما فرقت ..

في الحقيقة هي مجرد فشة خلق .. راح اتكلم عن شي و لا عن شي ..

المهم تصبر اللين تقرا الموضوع بعدين ترد عليه ... ثم توكل ترى و الله ماحد ماسكك ..





= = = = = = = = = = =
أكرهك كره العمى
= = = = = = = = = = =

الا و هو احد اقرابي الله يزوجه من واحدة تربيه صح

يا قماعة شو رايكن في شخص مخرب ... لسانه مفلوت ... شوفته تجيب المرض ..

و المصيبة انه بايت عندنا لحظة كتابة هذه السطور T_____________________________T


أبغى أبكي

استحل جهازي الكريم و صار يلعب في تصاميم الفوتوشوب ..

استحل سريري و صار ينام محلي بحجة انه ضيف ...

استحل فلوسي في أي محل : أحمد اطرش لي كم قرش !!!

تخيلوا سجل اغاني كونان و صقور الارض على شريطي حق المنوعات اللي مزبرقه و اسمع فيه كل يوم

ركب دباب اخواني و خرب الفرامل !!!

مسك أورج اخوي و بغى يخربه ... و كانت خمسة آلاف ح تروح ( فش ) في الهوا ..

آاااااااااااااااااااااااااااااع أبي انتحر

[Justine]

= = = = = = = = =
حياتنا في المعتقل
= = = = = = = = =

" مرحب بالزيارات في سكن معهد الادارة في جدة ... مبنى 3 .... غرفة 211 لا تنسوا الحلويات و التشيز كيك رجاء"

الحالة:
ساكن مع اثنين معاي في الغرفة ... مما يجعلنا 3 نفر في مكان واحد كتم ...

مكونات الغرفة :
تليفيزيون 21 بوصة ... ثلاجة مقاس اطفال .. فيديو ... اشتراك افلام في فيديو قفل قبل ما انهي اشتراكي و باقي لي 12 فيلم ما اخدتهم .. 3 عدد دولاب ملابس... عدد 3 كومادينو .. بساط مغبر اكل عليه الزمان و استفرغ ... أحيانا Ps2 ... كتب في كل مكان ... ملابس ما ندري هي لمين ... غلاية كهربا ...

الستيويشن:
تخيلوا عدد اكثر من 25 طالب على 4 حمامات و مروشين T__________T

و لك أخي الفاضل تخيل الرائحة في الصباحي و المسائي في دوراتي المياهي...

يمكن الشي اللي يساعد .. لمن تدخل الحمام تغسل وجهك ... يكون واحد من الجيران بيستحمى ... و يغني ..

يا قماعة أصوات ... يطغوا على جواد و عباس ابراهيم بالراحة ..

يعني من جد تخليك تتحمل الريحة و تقعد تسمع زي الفاغر ..

النوم الساعة 11 ... و الصحيان 5 عشان صلاة الفجر ..

اوقات الصياعة ننام اذان الفجر و نكنسل المعهد .. بكذا بكل بصاطة ..

طبعن ما ننسى التجمعات اليومية و أوقات الطعام ... بما انه غرفتنا هي اكبر غرفة اذا فهي مرتع العزاب بالنسبة للشباب ... تخيلوا غرفة 5x 4 يتجمع تقريبا 7 افراد يوميا

مع استبعاد الاكسجين المنتهي و ريحة العرق لبعض اللي ملابسهم في المغسلة لانها وسخة و عدد المدخنين ( الله لا يوفقهم ما دامهم مدخنين ) .. تصير الحياة معقولة شوية ..

[DonMusallam]

شي جميل

تحمل تحمل شوي

[Justine]

= = = = = = = = =
سعودي في مهمة مستحيلة
= = = = = = = = = =

واحد من الشباب معاي في المعهد ... راح اجازه مع اصحابه لامريكا ..

حصل و دخلوا مطعم برجر ... جان واحدمن اصحابه راح يطلب و وقف في الصف ...

وصل خوينا عند الكاشير ... و طول الاخ في التفكير ... قام المحاسب اخذ من الامريكي اللي وراه ..

و هنا بدأت ابداعات خوينا تظهر... لانه زعل ليش ياخذ من اللي وراه ... فقاله خوينا التالي :

( اللي بالرويال بلو يعني الترجمة )

Why this??
( ايش دا ؟؟ )

طبعا الامريكي خرع ..

I'm a student before him!!
( انا طالب قبله )

الامريكي فغر

Or people and people, or people and people
( و لا ناس و ناس... و ناس و ناس )

الامريكي شك في نفسه

No mathematics
( ما في بيننا حساب )

عاد خويي تبرا منه طوالي



المشكلة انه الواد عنده لغة لكن ما وظفها صوح ... رجه الله ..


(( مشكورة كارلا تذكرت الحكاية من موضوعك ^^ ))

[Justine]

= = = == = === =
من ملفات الفضايح اللي ما لها داعي ...
= = = = = == = =

حصل و احنا في احدى التمشيات مع واحد من اصحابي موقف حلو ...

صاحبي هدا ساكن في الغرفة اللي جنبي في السكن لانه من الرياض..

كنت معاه في سوق سيتي بلازا في جدة ... نبي نشتري شوي ملابس ..

شوي و احنا نتبضع( ترى عجبتني ذي نتبضع ) ... خويي شاف واحد تطالع فيه و ما تشيل عينها عنه ..

عاد الواد اتربش شوية ... و قاللي : أحمد شوف ذيك تطالع فيني ؟؟

أنا : يوه يا واد يا حركات صعبة انتا ... قلت لك لا تكثر شرب ويسكي ..(
و قصدي طبعا عشان لا احد يفهمني غلط لا تتوهم كثير )

خويي : يا ***** شوفها تطالع فيني ..

أنا : اقول ... ترى ***** بره ... سوي اللي تبغاه ...

خويي : احمد تعال معاي ...

انا : يا اخي فكك منها ... لو تبي ترقمها روح !!!

خويي : تشوف كده ..

أنا : يا اخي فكني من شرك و سوي اللي تبيه ..

و عاد ما صدق و راح للبنية ... و وقف جنبها... انا بدأت اشغل مخي كيف اتبرا من الولد لو صارت مشكلة

أنا توقعت التالي >>>>>

فجأة اشوفهم تكلموا و ضحكوا ... و انا اطالع من بعيد .. لا و أخذوها سواليف ...


و طلعت اخته في الرضاعة

موقف بايخ صوح ..


==================

عموما هاي نهاية الفشة ...

صراحة كان نفسي اكتب ايش احس نحو الاعضاء بمناسبة اكمالي السنة الثانية في المنتدى

لكن صعبة ... ما راح اقدر اوفي حقكم ابدا .. الله يعلم قد ايش غلاكم في قلبي ...

ثانيا لكثرة الغاليين و الله ... أخاف انسى فيكم احد ..

شكرا لكل من قرا الموضوع و علق عليه

[Trapped Inside]

هلالالالالاع جسطن هاو ار يو مان...



=====


لعنه وش ذا...تصدق ذكرتني بولد خالي يصجني انا الضيف انا الضيف وعاد يستحليها يأمرني..رح..جب...تعال..ابي عشاء...بنام على السرير..

الله يزوجه..


=====


اعوذ بالله..وش ذا..

وانا الي كنت احسب اني اعيش بحياة فوضويه..


=====


اما ذا السعودي..خخخخخخ...يا حليله..


=====


صدفة خير من الف ميعاد..




والف شكر على الموضوع المفرفش الرائع..^_^..والله يكثر منها..

[Lena]

ههههههههههههههههههههههههههههههههههههههههههههههههه

ههههههههههههههههههههههههههههههه


يااخي وش هذا ههههههههههه موضوعك توحفة التوحف


كني خبله لحالي قدام الكمبيوتر اضحك بقوة..عليك اسلوب يونس في الطرح ماجامل...ههههه وناسه كريم الطوائي اجل.. والله لازم تطلع القاموس الجسطني للالفاظ العربيه المجسطنة



وسعت لي صدري مع ارتفاع الضغط المصاحب للماسنجر الغبي الي يعلق كل شوي ._.


بعلق على مواضيعك:
= = = = = = = = = = =
أكرهك كره العمى
= = = = = = = = = = =
اووووه الله يعينك ..شكله غثه هالانسان..بس تحمل وش تسوي..مدري ليه كسر خاطري..يكسرون خاطري الناس المزعجه..كلن شايل عليهم..
هههههههه ضحكت على ابي انتحرXD







= = = = = = = = =
حياتنا في المعتقل
= = = = = = = = =
×__× انا كل شي ولا حمام وصخ عقدة
هذي من جد كارثه في حق البشريه ×_____×
من جد تنرحمون انتم وهالغرفه







= = = = = = = = =
سعودي في مهمة مستحيلة
= = = = = = = = = =
ههههههههههههههه الله يفشله
student هذي احلى وحده






= = = == = === =
من ملفات الفضايح اللي ما لها داعي ...
= = = = = == = =
انا نفسي بس اعرف هو الولد راح لها على اساس انها اخته بالرضاعه ولا ايش (6)
بس موقف غريب صراحه






طانكيو طانكيو ^____^ موضوع يشرح الصدر

[MetalGear]

هاااااااااااااااااااااااااااااااااااااااااااااااع

اللي جنبي يحسبوني انهبلت

بس احلى شي غرفتكم في السكن ،، هاع

احب الغرف اللي كذا ، انا ما احب الغرفة إلا اذا كانت مكركبة ..

مشكور على الطحاسة

[CARLA]

ههههههههههههههههههههههههههههههههههههههههههههههههههههههههههههههههههههههههههههههههههههههههههه



والله فقعت بطني من الضحك.اتلمت عليه امة لا اله الا الله وانا اقرا وكلهم فقعوا ضحك معايا



خصوصا ولا ناس وناس وناس وناس


فكرتني بوحده الله يستر عليها لو قرت الموضوع حتعرف نفسها بس بلاش فضايح


ومشكوووووور جثتن على الموضوووع اللزوووووووووووووووووووووز مررررررررررررررررره وكيب اب ذا جوود ووورك

جريتنجنز: كـــارلا

[Fly_Batman]

ههههههههه والله موتني ضحك...اسلوبك...وكلامك..ومواقفك...كله ابداع يااخوي... تسلم اخوي على موضوعك الرائع...

= = = = = = = = = = =
أكرهك كره العمى
= = = = = = = = = = =

مايهم يااخوي تحمل تراه مرة في السنة ==>اصفقني انا لو تحملت..

= = = = = = = = =
حياتنا في المعتقل
= = = = = = = = =

هذا قونتنامو على غفلة... ويمكن يكون معتقل غونتنامو احسن من كذا..

= = = = = = = = =
سعودي في مهمة مستحيلة
= = = = = = = = = =

هههههه هذي احلى وحدة فيهم..وخاصة لما قال...I'm a student before him!!صراحة ابداع لغوي... وسلملي عليه..اخوي...اذا شفته..

= = = == = === =
من ملفات الفضايح اللي ما لها داعي ...
= = = = = == = =

حلوة..اخته من الرضاع....

تقبل تحياتي...

[D0WN~T0WN]

ههههههههههههه

احلى شي موقف خويك اللي في امريكا

تحياتي

[..daredevil..]

توني واصل من السفر.. وفتحت النت ولقيت موضوعك في وجهي..

الله يرجك انت وخويك الغبي ..

لكن انت عارف.. لو كتبت عن اخوياي في المعتقل... حتقعد تضحك علينا وتفطس من الضحك

الموهم انت حمستني وشكلي ح اكتب عنهم... لكن الدوام متعبني وما عندي وقت


يلا .. نشوفك بعد خمثه ثهور

[ثريول]

خخخخخ ..
أما رفيجك اللي في أمريكا ذكرني بواحد من الشباب .
يسولف معى واحد أنجليزي فالأخ الحبّوب يبغي يوضح له بأن الموضوع منتهي فلم تخطر له سوى كلمة :
Wash your hand from tha subjct

هههههههه ... D:

[DiGit4L]

هههههههههههههههاااي ..

Or people and people, or people and people

... حررررركه
رهيبين الي كذا .. واثق من انقليزيته ... ذكرتني بمدرس انقليزي مصري ههههههههههههه


حلو المووضوع

[MoaeD]

ههههههههههههههههههههههههههههههههههههههههه اما موضوع تحفه


تسلم يدينك