تعلم جميع المهن الاضافيه في FF11 من مبتدأ الى الاحتراف FF11

[Goal]

السلام عليكم
اشلونكم اخواني + اخواتي؟ ان شاء الله بخير

انا جمعت لكم بعض المهن الاضافيه مثل اشلون تسوي دروع واشلون تطبخ واشلون تحطب واشلون الخ .....
وادعولي بالتوفيق واتمنى ان ما احد سبقني على الموضوع هذا واذا سبقوني فهذا موضوعي تكمله وتكمله
وشكرا تفضلوا
بس حبيت اقولكم شغله ان جميع الاشياء التي تسويها لازم تختار crystal من اي نوع عادي بعدين تسوي Use بعدين تحط المواد الي تبيها بعدين تضغط ok راح تشوف شخصيتك تسوي حركة الخلط وبعدين تطلع النتيجه اما نجاح وان شاء الله او فشل بس ما عليه كمل وتعلم اضن فهمتوا الي اقصده

Fire crystal هذي متخصصه في تذويب المواد مع بعض يعني شغل مخك شويه وشوف شنو الي تذوبه مع بعض يطلع لك شي وكذلك لباقي ال
Wind crystal هذي متخصصه في نحت وتحديد المواد فكر شويه شنو الي تقدر تنحته او تحدده ويطلع لك شي
water crystal اما هذي فهي متخصصه في تذويب المواد فيها مثلا اشلون تذوب الملح بالماء ان الملح يدخل داخل الماء اوووه اسف رحت بعيد درس علوم ههه بس المهم انتكم فهمتوا انتها لتذويب الشيء فيها
Earth crystal هذي متخصصه في تركيب المواد الي من نفس النوع هم فكر وشغل مخك
Dark crystal هذي متخصصه في تعفين الاشياء وتخميرها
Lightning crystal هذي متخصصه في قص الاشياء

هذا بالنسبه حق ال Crystal ووضائفها
بس لو تحاول تشغل مخك شويه باللعبه يمكن ما تقدر تنتج اسف مو اقصد انك ما تقدر تفكر ولكن الي اقصده
ان يوجد Lvl حق المهاره هذي يعني اذا LVL 0 انت بمهاره معينه فسمتحل تقدر تسوي القوي فيها لازم ترتفع مهارتك واذا تبي ترفعها اشغل مر ومراتين وثلاث على شان ترتفع ويمكن وانت تشغتل تفشل وتروح الاشياء منك ويمكن ما تروح ولكن كمل وصمم والشغل الثانيه ان FF لازم وصفات معينه فتفضل هذي الوصفات

وصفات المؤكولات
Cooking


هنا عن الحداده (دروع وسيوفو..) المهم انها حداده Smithing

هنا لصناعت الاسله وتضيف عليها مثلا نار وغيره Alchemy

اما هنا لنجاره بالخشب Wood working

انواع السنانير اللازمه لصيد السمك واحجام السمك Fishing

اما هنا لصياغه بالذهب لجميع الاشياء المتعلقه بالذهب

وهنا صناعة الملابس Clothing هنا لجمع العضام وخلطها وغيره من الاشياء المتفرقه

وهنا جميع الاشياء المتعلقه بالجلد من ناحية الملابس او اي شي من الجلد يصنع

وهنا اكتب بعض المصطلحات البسيطه في الخلط وغيره في المهن:-
item = الناتج الي بعد عملية الخلط
skill needed = المهاره المطلوبه لعملية الخلط او المهنه
Other Skill = هذا ربما تحتاجها لان بعض الاشياء لازم يكون عندك مهارتين على شان تسويها وهي ضروريه في بعض الشياء
crystal = هنا الجوهره المطلوبه الرئيسيه وعلمتك اشلون تستخدمها من Use لى الخ..
Ingredients = المتطلبات الاخرى المحتاجه للعمليه الخلط

انا ما اعني بوضوعي المهمات الاضافيه بل اقصد الوضائف
اعتقد بهذا قد وصفة ووضحت جميع المهنه والعمليات الي في FF11 للخلط وغيره اتمنى تعطوني رايكم بصراحه
فإذا قصرت او خطأ فسامحوني وعلموني وصححولي فأنا بشر
واذا احسنة فمن الله
هذا وبالله التوفيق والسدد ودعولي والسلام عليكم ورحمة الله وبركاته
اخوكم العضو Goal

[Shot]

مشكور اخوي Goal على الموضوع

وانا عندي فاينل فانتيسي 11 والى الان ما لعبتها

[sul911]

مشكوور على الشرح طيب كيف اصنع الأيتيمات الي يصير فيها +1

مثل Long sword +1

[Dr.Lucifer]

مشكوور على الشرح طيب كيف اصنع الأيتيمات الي يصير فيها +1

مثل Long sword +1

هذي ممكن تجي معاك إذا سويت عدد كبير من أي item ممكن يطلع لك وحدة منهم item+1
و لازم يكون مستواك في الصناعة ذي أعلى من المستوى المطلوب حتى تقدر تصنعها ..

[Goal]

مشوكرين اخواني
اخوي su911

يعني انت تقصد مثلا سيف +1 دقه مثلا هذي تقدر تسويها في Alchemy
بس مثل ما قال اخوي لازم يبيلها مهاره عاليه

وشكرا

[l)@RK-l)EVIL]

موضوع جميل

حبيت اضيف نقطه مهمه بعد يمكن وايد مايعرفونها والي اهي

مثلا الشي الي تبي تصنعه يكون في دارك كرستال اذا صنعت الشي هذا في يوم لايت راح يكون احتمال الفشل يكون كبير
والعكس صحيح يعني FIREDAY وتستخدمه فاير كرستال للشي الي تبي تصنعه يكون احتمال النجاح كبير

واليفلات العاليه شوي تحتاج سكيلز في اشياء ثانيه
مثلا تحتاج سكيلز Smithing و Alchemy عشان تسوي اداه معينه

GOOD LUCK

وانا السكيلز عندي صفر في كل شي لول

انشالله بعدين ابدي استخدمه

[.::RaK_BoY::.]

مشكور اخوي Goal على الموضوع

وانا عندي فاينل فانتيسي 11 والى الان ما لعبتها

لو ما بتلعبها فرها صوبي

[foxalain]

موضوع جميل لكن
ابا بعض الاعضاء ايحطون بعض الخلطات لسيووف
ابا سيف ايكون اطويل او كبيير
شو اخلط عشا احصل طلبي
بليييز ؟

[az@_@z]

اخوي عندي سؤال محيرني
انا عندي جوب بس ماني عارف احصل وضيفه
يعني انا بسندوريا وسندوريا تشتهر بالاخشاب
بس ما اعرف من وين اجيب الفاس ؟
وهل اي شجره موجوده اقدر اقطعها

الرجو اني ماثقلت عليك
ومشكوور على الموضوع المهم وخصتا للمبتدئين مثلي
اخوك..

[Goal]

اهلا اخواني واشكرم على التفاعل

اهلا اخوي قعلب العين
السيف الي انت طلبته لازم تكون عندك مهاره كبيره بفي الصنع والا لن تستطيع ان تفعله
واذا تبي تكبر مهارتك سو الشي الصغير اكثر من مره ونوع في عمل الاعمال الصغيره وترتفع مهارتك وبعدين تقدر تسوي السيف الي ودك عليه

اخويaz@_@z
الفأس تشتريه اما من المزاد او من من المحل
والاشجار مخصصه وهي في غرب ساندور قريبه من النهر انت اضغط على الاشجار الى ان يطلع لك علامه خضره وروح اقطعها

اما اذا ما صار كلمني مر ثانيه وزاوضح لك ان شاء الله

وشكرا وتفضلوا

[*STEVE*]

مشكور و ما قصرت اخوي

[az@_@z]

كفيت ووفيت يا Goal وماقصرت


يعطيك الف عافية

وننتظر منك المزيد مثل ما انت معودنا

[foxalain]

هلا شباب ابا اعرف كيف اصيد السمج انا كل ما تطلعلي كلمت انا شي علق فالسناره اضغط انتر وبعده يطلع اني انا خسرت في الصيد
جربت مرات ومرات واخر شي انكسرت ولعلمكم هاذي ثاني سناره تنكسر
ابا ابدل الجب ابا اكون حداد لكن ما اعرف شو اسوي اباك اتفصلي اياه بالتفصيل الممل
بلييييز
تراني مجمع اعداد كبيره من الكرستالات وجميع انواعها
وعندي اشياء كثيره من الايتم

[Goal]

بصراحه اخوي انا ماجربت السناره ولكن على كلام الاعضاء اذا طلعت كلمت علق شي بالسناره اضغط انتر اكثر من مره بستمرار

تغير الجوب من مثلا محارب الى مونك بسهوله
تروح الموجيل ويجطلك لسته من الكلمات وتضغط على جينج جوب (cheng job)
وتختار اي مهنه تبيها وانتها عادي

وشكرا

[foxalain]

انا اقولك ابا اغير المهنه من صياد لين حداد مب الجوب ترا اعرف كل شي عن الموجيل
بس ابا اصير حداد واصنع اسلحه شو المستلزمات
شو المتطلبات
الخلطات الخ.............
اباه بالتفصيل الممل