Alone in the Dark أخيرا نزلت

[mr.3bod]

انا إشتريت اللعبه اليوم وهي من اربع ديسكات......
وإبصراحه ما أدري شو أقول ( تلعب من دون مسدس يضربونك الوحوش وما تضربهم ) بس تخوفهم بضوء المصباح !! أنا ما أريد أحكم عليها من اول يوم لأني ماتعمقت في اللعبه وانشاء الله إنشوف منها خير ...
على فكره تقدر تختار حرمه ولا رجال.... بس أنا يوم أختار الرجال الشريط يعلق ويوم أختار الحرمه يكمل !!
اللـــــه المستـــعان

[Sonic 2002]

الله يعينك , شكله اللعبة حتكون صعبة بـ 4 سيديات .

[mr.3bod]

يا أخ سونيك أنا إتعمقت في اللعبه وبصراحه رهيبه ( بمعنى الكلمه ) لكن أنا حكمت عليها إبسرعه في هذا الموضوع...
ومن ناحية الصعوبه إهي صعبه والله يعين

[hosaen]

مرحبا يا مستر عبودي
حبيت اقولك انك تقدر تلعب بالرجال
انت دخل كل الاسطوانات وجرب واختر الرجال الين تلقى الاسطوانه الي تلعب فيها بالرجال جرب كل الاسطوانات اوكي باي

[mr.3bod]

أخ hosaen مشكور .....
وأنا لعبت بالرجال وصلت طول الله عمرك.... عند ..... لازم أجد 7 تماثيل تشبه الحيوانات....

[R.B.G]

مستر عبود ممكن تقولي اسم المحل اللي اشتريت منه اللعبه او اسماء المحلات اللي اقدر القاها فيها ؟؟





وعساك سالم .







ملاحظه : ابي كوبي

[mr.3bod]

أنا حاضر وممنون أخوي R.B.G
أنا إشتريته كوبي من محل الجيل للإلكترونيات ( في مركز مدينة زايد )
ويمكن تلاقيه في أي محل ضوء الشمس ( حامد سنتر ) أو كوكب الالعاب ( مركز مدينة زايد )
بس أخوي R.B.G أنت من بوظبي ؟
ومرحبا أنا في الخدمه

[R.B.G]

عبود انا من دبي .


ولقيت الشريط .

بس مشكور على المعلومه عسى يستفيد منها اللي ساكن في بوظبي .

[mr.3bod]

العفو أخوي وإنشاء الله يعجبك الشريط .....

[OSAMA600]

مت ينزل في جدة اللعبة مانزلت

[اللاعب الأخير]

أحنا عندنا نزلت على ps1
ولانزلت على dc
يبغالنا نستنا شوي

[أبو بدر]

بانسبة لكم يا أسامه انت واللاعب الأخير اللعبه نزلت على الدريم كاست.........

[games man]

السلام عليكم...........انا واجهتني مشكله في اللعبة‍‍
انهيت السي دي الاول في الرجال وبعدين قالو لي ادخل اسي دي الثاني وجربت كل السيديات ولامشى معي :غضب:
ارجووووووووووووووووووووووووووووووووكم دوووووووووووووووووووووورووووووووووووولي على حل
لأني بصراحة عشقت اللعبة.
وشكرا

[mr.3bod]

games man ........
والله لو كان بيدي ساعدتك , بس اخوي يوم يقولي واحد إسمه شادو ( شيبه شكله طيب ) دور على سبع تماثيل تشبه الحيوانات وين أروح تعبت ونا أدور ( مليت ) سرت كل مكان والنتيجه ( صفر عالشمال ) !!

بس على فكره السي دي الثاني للرجال والاول للمرأه (هذا عندي) ..... والله ما أعرف شو أقولك إلعب بالمرأه وخلص السي دي مالها وجرب بعدين كل السيديات !! أعرف إنه حل تعبان لكن مافي غيره
ولا تنسى مشكلتي حاول تساعدني

[mr.3bod]

games man
لو سمحت عطني الحرفين اللي لازم أحطهم داخل التمثال في الصاله الكبيره اللي فيها سلم ؟؟
وسؤال أخير إيش في الصور اللي في نفس الصاله ليش تلمعن ؟؟
وآسف على الازعاج وكثرة الاسئله