بحث عن لعبة اكاد لا اجدها , وطلب نصيحه؟؟!!

[PC-PS2]

سلام شباب ... انا وشلتي طفشنا من الكوره ...لنا سنه على ذا الشريط وملينا صراحه

اقترحت لهم اني اجيب لعبه متعدده اللاعبين مثل كرة القدم ... وكان الاقتراح ((كراش بانديكوت)) اذا تذكرون هاللعبه واظنها على البلايستيشن 1 او 2 والله ناسي بس هاللعبه كانت من اروع واحلى الالعاب الجماعيه... لما فيها من التحدي والوناسه والمنافسه القويه وتعدد انواع المراحل باسلوب شيق وممتع .

سؤالي //
من منكم يقدر يساعدني ويكون ممنون بأنه يقولي وين احصل هالعبه اصلي او كوبي مايهم ولو وصل الامر ولا لقيت بطلبها طلبيه لانها مناسبه جدا للجمعات والوناسه بدون مبالغه !

ثانيا//
وش اقتراحاتكم الكريمه لألعاب اخرى تصلح ((ملتي بلاير)) للاعبين متعددين .. اقصد لعب جماعي .

وشكرا لكم واتمنى التفاعل منكم جميعا ويكون فيه فايده نشاء الله

[msm]

أظنك تقصد : Crash Nitro Kart على PS2 ..



ولعبة : Crash Team Racing على PSone ..



هاللعبتين بكل المحلات متوفرة ..وهي تدعم أربع لاعبين ..

وأيضاً فيه لعبة سلة غير واقعية لكنها غاية في التسلية (حتى لو كنت ماتهتم لألعاب السلة) ..
اسمها : NBA Street Vol. 2 ..

[The Shark]

wwe smackdown! here comes the pain


أفضل العاب المصارعة على الاطلاق وهي تتسع لاربعة لاعبين


need for speed:undergrouned


لعبة سيارات مدهشة وشبيهة بالفيلم fast fourest2 أجدد جزء من نيد فور سبيد وتدعم لأكثر من لاعب

tekken4


أجدد أجزاء من أفضل لعبة قتال الواقعية tekken الشهيرة وهي تتسع أيضا لأكثر من لاعب

[PC-PS2]

شكرا جزيلا شباب على الردود ... واظن ان اغلب الالعاب فعلا مناسب ولو اني لي تعليق على المصارعه ... هي حلوووه وراااائعه ... والتنافس فيها بيكون قووووي لكن مشكلتها بالصور اللي فيها واللقطات (النص كم).. وودي اقول ماتلاحظ اخوي لو قدمت لنا الغلاف مع تعديل بسيط على اخر الصوره علشان مانتعب نفسيا !! ترانا عزاب ورايحين فيها خلقه ... ههههههه (امزح) !!

لعبة كراش اكثر شيء مناسب للشله وخاصة ان فيهم مطاوعه ...

وودي اسأل عن Crash Nitro Kart هل هي النسخه نفسها اللي ظهرت فيها مراحل معينه وممتعه مثل مرحلة قطعة من الثلج دائريه وتتحرك باتجاهات مختلفه بشكل عشوائي وعليها اربعة متنافسين .... وفيها تتدافع الشخصيات ومن يبقى في الاخر يفوز ... ومرحله ثانيه فيها مربعات وصناديق تمر عليها وهذي الصناديق بعضها قنابل وبعضها نيترو ... وفيه بعد مرحله حلوووه مره حقت الكور المعدنيه اللي على شكل البللوره او الكوره وفيه اربعة متنافسين مثلا وكل متنافس يحاول دفع الكوره في مرمى اي واحد من الخصوم ... وفي كل مرحله متقدمه يضاف اشياء جديده في كل نوع !! واله هاللعبه كانت تبسطنا بشكل كبييييير .. واليوم افتقدها وسط زحمة الالعاب الكثيره والمنوعه وخاصة ان الاصدار الجديد او التالي لهاللعبه كان اقل مستوى بنظري بالنسبه للعب الجماعي.

اذا كانت هي نفسها اللعبه ودي اعرف وين القاها .. لاني اتصلت على سوني .. المركز الرئيسي وقالوا موجوده ... واتصلت على النسر لبرامج وقالوا موجوده بس كلهم مايدرون اي اصدار ابيه؟؟!!

ياليت ياشباب تذكرون لنا العاب ثانيه وتضيفون لنا خيارات اكثر ... ويمكن فيه شيء راائع وغايب عنا !!

ومره ثانيه احب اشكر الشباب اللي ردوا واقولهم يعطيكم العافيه على اقتراحاتكم ... وانشاء الله تكون بالحسبان.