محلات الالعاب بالايمارات

[Guilty Gear X]

السلام
ممكن ان تقدمونلي عناوين افضل محلات بيع الالعاب بكل من دبي , الشارقة , العين.
وشكرا

[Hwoarang]

أقدر أفيدك بمحلات العين فقط

بالبداية عندك محل كابول ميزته أنه يجيب لك اللي تحتاجه بالفيديو جيمز كما أن راعي المحل (اسمه نور) يتابع أخبار الفيديو جيمز أول بأول ويحفظ مواعيد إصدار الألعاب ... مشكلته أنك ما تقدر تكاسره
واذا تبغى رقم التلفون حاضرين

عندك أيضا محل السندباد لا باس فيه ... لكن صاحبه حرامي فانتبه

[Guilty Gear X]

ممكن العنوان؟؟
يبيع ياباني؟
وشكرا على الرد

[Hwoarang]

العنوان ممممم هذه صعبة شوي لأن محلات العين كلها موجودة بمكان واحد

بالنسبة للياباني فهو يبيع ياباني
لكن أصلي ...... ما أدري بالضبط لأني ما شريت أي لعبة يابانية أصلية من عنده لكني أعتقد أنه يبيع
أما كوبي ياباني بتلاقيه بسهولة

[Tomb raider]

اولا حبيت اصلح
الايمارات
الامارات

انا بوقلك اماكن في دبي :

المنطقه (السطوه )
مركز مرايا , فيه محل اسمه رحاب الاطفال
الرقم :043442553
(قوله انا رفيج tomb raider ) لانه مايعطي اي حد

في نفس المنطقه
محل اسمه قرية الالعاب ومقابله محل ثاني ما ادري شو اسمه

ومنطقه في ديره
سوق اسمه (سوق الوصل)
بتحصل العاب البلاي بكثره بتحصل هنود عارضين العاب جيم بوي كلر وادفانس قولهم ابغي العاب بلاي ستيشن بيعطونك
واذا تبغي افلام عندهم قولهم ابغي افلام بيعطونك

ارجو ان اكون قد افدتك
واهلا وسهلا في في دبي (الامارات)

[Guilty Gear X]

شكرا على الردود
هل فيه مكان اركيد غير صحاري؟ (صحلري فيه ريفال سكول 3)

[Tomb raider]

اركيد امممممممم اها (ستي سنتر) فيه العاب جديده من كونامي ونامكو وسيجا وغيره
كونامي ما دري نامكو واحد منهم
وميغا مول على ما اظن في الشارقه
وفي مركز جديد في دبي اسمه سينتشري مول ما ادري اذا فيه اركيد
واذا تبغي سينمات بقوللك وين بعد


حياك السنه اليايه بتحصل اكبر مركز تسوق في الشرق الاوسط في دبي ^^ هلا فيكم كلكم

[Shot]

فيه محل في سيتي سنتر ما اعرف شمسه انا شريت منه Final Fanatsy 11 توني راد من دبي