قصة العجوز..مع ولد الجيران
كان في رجل متزوج وله 8 سنوات وإلى الأن ما انجب وبعد هذي السنوات الثمان رزقه الله بولد جميل سماه فهد
عاد أبوه ما خلى ولا لعبه في كوكب الارض الا وشراها له ولكنه حرمه من اصدقاءه لانه خايف عليه يطلع ويصير شيء
ولكن بعد إلحاح الزوجة خلاه يطلع يلعب مع أصدقاءه بشرط انه يكون معه وحبه حبه خفف عليه وصار يراقبه من بعدي وبالتدريج صار فهد يطلع بدون رقيب ولا حسيب
و في يوم من الايام راح فهد البقالة يشتري له حلاو وعصير بعد ما أشترى له عصير سن توب وكتكات
فجأة دخلت عجور للبقالة وحطت عينها على فهد ومسكته من شعره وسحبته والهندي راعي البقالة يقول له مايصلح كذا ماما
وزعقت في وجهه وقالت ولله العظيم لو تقول لاحد اني اخذته ولله لاذبحك
وسحبته من البقالة الى الشارع وفهد الطفل الصغير ذو السبعة اعوام يحاول يقاومها ولكن ماقدر
وفجأة عض فهد يد العجوز وهرب منها للبيت وهو الى الان ممسك بكيس العصير (شفتوا براءته )
ودخل البيت وهو يصيح وأهله يحاولون يهدونه لساعتين الين ما هدا وقال لهم القصة وحاول ابوه يهديه وقال له طول ما انا عايش مافيه احد بيسوي لك شيء
ورن الجرس وقال الابو لفهد رح أفتح الباب ( علشان يتشجع الولد شوي ) فجاهم الولد وهو يصيح ويقول العجوز جت
فقام الأبو ولقى عند الباب عجوز فقال له وش تبين يا ملعونه
قالت ابي ولدك ألحين
راح أبو فهد لجوه وجاب المسدس وطلع لها وقال لها شوفي ولله العظيم اذا ما خليتي ولدي فهد بلحاله لأفرغ ذا المسدس فيك
قالت وبكل برود مانيب متحركه الا بفهد
فجا الجيران يحاولون يهدو الوضع بس مافيه فايده فأتصلوا على الشرطة وجت الشرطه وحاولت تقنع العجوز انها تروح ولكن لا حياة لمن تنادي
فقال الشرطي لابو فهد شف جب ولدك فهد نشوف وش تبي به
قال ابوفهد مستحيييييل
قال له الشرطي شف أحنا مجموعة رجال وهي عجوز يعني مهما حاولت ماراح تقدر تخطفه
وبعد محاولات قال ابو فهد امري لله ونادى فهد الي جا وهو الى الأن ماسك كيس العصير
وقالت الشرطه للعجوز اخلصي وش تبين به
فجأة نطت العجوز على الولد وخذت الكيس منه وطلعت السن توب وأخذت الصورة الي فيه وقالت:
أخيرا كملت كل صور كتيب سن توب
شرح كيفية تشغيل ملف الترجمه على الفلم (بدون دمج) الشرح بالتفصيلPDF
المشاركة الأصلية كتبت بواسطة tootaa18
فعلا..
