بشرى سارة لجميع بنات المنتدى...(التفاصيل بالداخل)

[Chandler]

هلا شباب..

تضامنا مع منظمة -وجع وش في المنتدى نايم- المناهضه للمصاله..والمواضيع اللي تسد النفس..
قررت اكتب هالموضوع..الذي ماله اي داعي ..بس حبيت افضفض زي العاده...
وهالمرة جبت لكم مقتطفات <-- قعدت ساعه لما عرفت اكتبها صح..


بشرى ساره لجميع بنات المنتدى
اثبتت دراسات قام بها ناس مدري من هم..بأن كل البنات حلوات
وعلى رأي الشاعر (كل البنات بتحبك..كل البنات حلوين..طبعا يا سيدي يا بختك..أوللي اللي زيك مين)
<-- وهنا احب ان انوه بأن كلمه -سيدي- لا تمت بأي صله للCD..لأن هذاك المغنى حده راديو ويخب عليه بعد..
نرجع للموضوع..وهو ان البنات كلهم حلوين..يعني انبسطوا يا بنات المنتدى..الى الان فيه لكم امل..
لأن الدراسة تقول..بأن البنات..كل البنات..بكل اصنافهم..من الدبه..الى اللي شكلها تقل مكنسه الشعر منكوش والجسم مسواك..
يوجد صنف من رجال يفضلهم..حتى على اللبنانيات
<-- مسكين سمع باللبنانيات وما عمره شافهم

7777777
77777
777
7

خاص لكل البنات (واذا انت منتب بنت خل عنك اللقافه وانزل للفقره اللي بعدها):
ارجو انكم ما تاخذون الموضوع بحساسيه..
لأني امزح ..وعلى فكره..ترى بنات الخليج هم احلى بنات بعفتهم وتمسكهم بشرفهم..وجمالهم (خشة واحد يغمز) <-- خلصت الابتسامات اللي عنده



قصة قصيره
كنت ذات يوم اتمشى في حديقة الهايد بارك (وهي لأهل الرياض..مثل شارع المية بالضبط..بس اكبر واحلى وفيها مناظر تفتح النفس ).
.وهناك..شاهدتها..اجمل ما رأت عيني..كانت هناك..واقفه تأكل آيسكريم جالكسي بالمكسرات..قلت لنفسي..يا حظها معاها آيسكريم..
.وفي تلك اللحظة..وانا في وسط التتنيح ..وقعت عينها على عيني (والحمدلله ما تعورت عيني..وكل واحد صلح عينه وطلعنا حبايب..)..

تلاقت نظراتنا..ابتسمت انا..ابتسمت هي...بدأت ابربرش لها بعيوني املا في مغازلتها <-- يسمع بالمغازل...
وانا ابربرش..شاهدت بعيرا لابس بدله..واقف بجانبها..وانا ما زلت ابربرش..
بدأ يبحلق فيني..وانا ما زلت ابربش..وهنا..وبدون سابق انذار..
اكتشفت انه فيه علاقه بين البعير(الذي عرفت بعدين انه اخوها) وحبيبتي...
ناظرته نظرة اللي يقول..آسفين يا الاخو..احسب اختك وحده اعرفها ...
وبادلني النظر بنظرة معناها..اقول يا زينك ساكت..اشوى انك خايف مني...
ملأني الغضب..فاعطيته نظرة اللي يقول..انا خايف؟!! :vereymad:..كانك رجال قرب عندي...
ولم اكد انتهي من النظره..الا والبعير جايني يررررررركض و...............ما حصل الا الخير --->

الفقره الاخيره <-- مالقى عنوان
آسف على قصر الموضوع...لكن هذا اللي في راسي...
عارف ان اغلب اللي كتبت كلام فاضي..لكنه ومثل ما قلت..فضفضه..
على فكره..ترى الدراسة اللي قلتها صدقيه..بس قريتها من زمااااان..وين بالضبط ما ادري..
وش رايكم فيها..هل صحيح ان كل البنات حلوين <-- الا بيطلع فايده من موضوعه
قبل ما اختم..اتمنى من كل عضو..انه يخفف من نقل المواضيع..
ويفكر يكتب شي من راسه..حتى لو كان فضفضه..(عشان يكون منتدانا مميز عن باقي المنتديات)
وفي الختام..احلى سلام..

[crazy]

يا هلاااا والله نفنووووووفي لوووووول


لوووووول نظرية مدري شتبيييي ترفع من معنوياتهم بس اي ثتنك كذا ....

صحيييح مواضيعك قصيييرة زي كذا بس والله ما تلاقي زيييها بسيطة وخفيييفة وتوسع الصدرررر ماتقصر نفنووووف كثر من طلاتك بهالمواضيييييع


تشوووووز

[Lena]

هههههههههههههههه


الا والله ياحبيل المواضيع الي زي كذا هههههههه

تعجبني السواليف الخاصه بالفرد <==احلى يالتعبير

وعلى فكره ما كان المنتدى حي الا بهم^___^


هههههههه حلو اسم المنظمة ..



وبالنسبه للدراسه..نعم نعم انا اؤكد صحه كلامهم


نشكركم على ذكر هذه المعلموات الصحيحه مئه بالمئه









وافااا اثرك عامل هاويل في الهايد بارك ...<===



سلم لي عالهايد بارك

[كارولينا]

هههههههههههههههههه

ولا أحلى من كدة اسم منظمة شفتها في حياتي

والنظرية أقصد الدراسة صحييييييييييييييييييييييييييحة مية بالمية


وبالمناسبة للموضوع فهوا ظريف لطيف خيف على الدم
وزي ما يقولو خير الكلام ما قل ودل ولم يمل
ولااا ايش رأيك؟

[كايتو]

هههههههه شو هالموضوع الحلو هاد ؟؟؟

بدك الصراحة ؟؟....انا من زمااااان معتمد هذه النظرية...لكني ما قراتها بل عرفتها لوحدي

وماتنسى .........


كل الشباب حلوين

[Justine]

كان سويت خير و تقدمت لها و ساهمت في تحسين النسل

يووه رفعت روحي المعنوية .. عيل كذا ما راح اعنس بسرعة

قبل ما اختم..اتمنى من كل عضو..انه يخفف من نقل المواضيع..
ويفكر يكتب شي من راسه..حتى لو كان فضفضه..(عشان يكون منتدانا مميز عن باقي المنتديات)

الحكمة تقطر من ذي الكلمتين T______________T

أريجاتو جوزايماس <<<< تراها سبة يابانية

[Lena]

أريجاتو جوزايماس <<<< تراها سبة يابانية

اخص صراحه ما توقعتك راعي هالكلمات..

[Chandler]

crazy..

هلا حوبي..اولا..وش ذا اللون ...عندك 27 لون ما لقيت الا هاللون اللي يفقع العيون..
ثانيا..مشكور على الرد الحلو..وما يحلى الموضوع الا بردوده ..


Lena..

شكرا على الرد اللطيف <-- داخل الموضوع وفي باله البنات منتظرينه بالشباشب

بالنسبة لباقي الرد..لا تعليق..


كارولينا..

<-- كذا شكلي بعد ما قريت ردك..
شكرا على الرد..
على فكرة..انا اعرف (خير الكلام..ما قل ودل)..<-- من وين جبتي لا يمل ..


كايتو..

مشكور على الرد..وعندي لك تعديل بسيط على مقوله (كل الشباب حلوين)..
والاصح انك تقول..-كل الشباب تماسيح- <-- الا من رحم ربي


Justine..

اولا..
سؤال..انتي بنت؟!

يووه رفعت روحي المعنوية .. عيل كذا ما راح اعنس بسرعة

ثانيا..

الحكمة تقطر من ذي الكلمتين T______________T

نعم..نعم <-- صدق

ثالثا..
اذا انتي بتسبيني وتقولين اني اريجاتو جوزايماس..اجل انا بكون احسن منك وبامدحك واقول انتي -باكا- ..

[golden_sky]

خخخخخخ ترى يصدقوا إنهم حلوين

وهناك..شاهدتها..اجمل ما رأت عيني..كانت هناك..واقفه تأكل آيسكريم جالكسي بالمكسرات

اكتشفت انه فيه علاقه بين البعير(الذي عرفت بعدين انه اخوها) وحبيبتي

وعلى فكره..ترى بنات الخليج هم احلى بنات

يبيلها كلام ؟!

عاد من كثر مهم حلوين قاعدين بالبيت محد يبي يخطبهم

سؤال..انتي بنت؟!

جد والله .. أفكره ولد على اسم ( جاستين تمبرلاك ) خوي برتني القديم خخخخخخ

موضوع فلة ^__^ بس لا تكثر مواضيع على الجنس الناعم بعدين يصدق نفسه ويرفع خمسه علينا

[Angel- lady]

موضوع حلو وااايد و كل كلمه فيه صحيحه 100%

وش رايكم فيها..هل صحيح ان كل البنات حلوين

هذي ما تحتاج سؤال

[Trapped Inside]

اخخخخخخخخخخخخ بس ايام الهايد بارك...اذكر كلها مشاكل ووناسه..

راجعلها الصيفيه انشالله..


وبالنسبه للبنات...لا تعليق..
>>>>ما يبي يتورط..

[Radical_Dreamer]

اخص صراحه ما توقعتك راعي هالكلمات..

يا حليلك ... دي معناها مشكور شكرا جزيلا و الله يخليك و يبارك فيك و يسلمك من عيون الحساد و يزوجك من شبه نعومي كمبل و الخخخخخخخخخخ

سؤال..انتي بنت؟!

طبعا لاااع

[Justine]

اخص صراحه ما توقعتك راعي هالكلمات..

يا سلام مو كأنه اريقاتو جوزايماس كلمة يابانية تعني شوكران جزيلا يا اخا العرب و ما قصرت و الله يزوجك من شبه ناومي كامبل و يسلمك من عين الحسود و من سحر نانسي كلبة عجرم

سؤال..انتي بنت؟!

طبعان لااااااااااااع




و ترى قصدي الاستدلاخ يا كبتن

يعني نو هارد فيلينغز

[BOiND]

ههههههههههه

يقطع شرك من موضوع
والله موتني ضحك

شاهدت بعيرا لابس بدله

قلت لنفسي..يا حظها معاها آيسكريم

على فكرة
موضوعك خفة دم على الاخر
ويخلي الواحد يرد عليه غصب

[انجلينا17]

وجع وش في المنتدى نايم- المناهضه للمصاله..والمواضيع اللي تسد النفس

ههههههههههههههه الله يقطع شيطانك

صحيح كل البنات حلوات
واللي يقول ان بنات الخليج احلى لانهم بطبيعتهم
لاتقشير ولاتشفيط ولاشد ولاقص ===> ياشين اللي يتفلسف

لاتعليق فى امور المغازل

سلام